ସୁପ୍ରିମକୋର୍ଟ ଯାଏ ଅଭିଯୁକ୍ତର ଜାମିନ ରଦ୍ଦ ସତ୍ତ୍ୱେ ଆଜିଯାଏ ପୁଲିସ ସଂପୃକ୍ତ ବ୍ୟକ୍ତିକୁ କାହିଁକି ଗିରଫ କରିପାରିନି ବୋଲି ପଚାରିଛନ୍ତି। ଅଭିଯୁକ୍ତର ନାଁ ମନୋଜ ଝା। ଜଣେ ଅଭ୍ୟାସଗତ ଅପରାଧୀ। ହେଲେ ବେଶ ବଦଳାଇ ଏମିତି ସମସ୍ତଙ୍କୁ ଚୂନ ଲଗାଇସାରିଛି। ଯିଏ ଅଗ୍ରୀମ ଜାମିନ ପାଇବାକୁ ବିଲକୁଲ ହକଦାର ନୁହେଁ।
ସିଜେଆଇ ଜଷ୍ଟିସ ସୂର୍ଯ୍ୟକାନ୍ତ କହିଲେ, କୋର୍ଟର ସମୟ ବର୍ବାଦ କରନ୍ତୁନି କି ନିଜର ସମୟ ବି। ସିଜେଆଇଙ୍କ ଏଭଳି ଟିପ୍ପଣୀ ଆସିବା ପରେ ସିଜେପିର ସଂସ୍ଥାପକ ଅଭିଜିତ ଦୀପକେଙ୍କ ପ୍ରତିକ୍ରିୟା ଆସିଛି। ଏକ୍ସ-ରେ ଏହି ଖବର ପୋଷ୍ଟ କରି କେବଳ ପ୍ରଶ୍ନବାଚକ ମାର୍କ ଦେଇଛନ୍ତି।
ଜୀବନ ଅମୂଲ୍ୟ କହି ଆଜି ଦିଲ୍ଲୀ ହାଇକୋର୍ଟ ସୋନମଙ୍କ ସ୍ୱାସ୍ଥ୍ୟବସ୍ଥାକୁ ନେଇ ଚିନ୍ତା ପ୍ରକଟ କରିଛନ୍ତି। ସରକାରୀ ଡାକ୍ତରଙ୍କ ଦ୍ୱାରା ନିୟମିତ ମେଡିକାଲ ଯାଞ୍ଚ କରିବା ଓ ଡାକ୍ତରଙ୍କ ରିପୋର୍ଟ ଆଧାରରେ ଆବଶ୍ୟକତା ପଡ଼ିଲେ ତୁରନ୍ତ ହସ୍ତକ୍ଷେପ କରିବାକୁ ନିର୍ଦେଶ ଦେଇଛନ୍ତି ଦିଲ୍ଲୀ ହାଇକୋର୍ଟ।
ତୁରନ୍ତ ତାଙ୍କୁ ହସ୍ପିଟାଲରେ ଭର୍ତ୍ତି କରିବା ଜରୁରୀ। ତାଙ୍କ ଜୀବନ ରକ୍ଷା କରିବାକୁ ଆବଶ୍ୟକ ଫୋର୍ସ ଫିଡିଂ ବା ବାଧ୍ୟତାମୂଳକ ଭୋଜନ ଦିଅନ୍ତୁ ସରକାର। ଏଭଳି ଶବ୍ଦରେ ସୋନମଙ୍କୁ ନେଇ ଜନସ୍ୱାର୍ଥ ପିଟିସନ ପଡ଼ିଛି ଦିଲ୍ଲୀ ହାଇକୋର୍ଟରେ। ଆଉ ଦିଲ୍ଲୀ ହାଇକୋର୍ଟ ଏହାର ଶୁଣାଣୀ କରି କେନ୍ଦ୍ର ସରକାର ଓ ଦିଲ୍ଲୀ ସରକାରଙ୍କୁ ନୋଟିସ କରିଛନ୍ତି। କାଲି ସୁଦ୍ଧା ଜବାବ ଦେବାକୁ କୁହାଯାଇଛି।
