Soro Unique Ganesh:୧୪ ବର୍ଷର ପୂଜାରେ ନିଆରା ପ୍ରୟାସ, ଖାଦ୍ୟଶସ୍ୟରେ ତିଆରି ଗଣେଶ ମୂର୍ତ୍ତି

କେଉଁଠି ଡାଲିରେ ଗଣେଶ, ତ କେଉଁଠି ବର୍ଜ୍ୟ ବୋତଲରେ ମଣ୍ଡପ ସଜା। ଗଣେଶ ପୂଜାକୁ ନିଆରା ଢଙ୍ଗରେ ପାଳନ କରି ପରିବେଶ ପ୍ରତି ସଚେତନତାର ବାର୍ତ୍ତା ଦେଇଛି ସୋର କମରପୁରର ଲିଟିଲ ଷ୍ଟାର କ୍ଲବ। ପାର୍ବଣ ଋତୁର ଆରମ୍ଭରେ ଅଗ୍ରଜ ବିଘ୍ନନାଶକ ଶ୍ରୀ ଗଣେଶଙ୍କ ପୂଜା ପାଇଁ ଗାଁରୁ ସହର ସବୁ ଆଡ଼େ ଚଳଚଞ୍ଚଳ ହେଉଥିବା ବେଳେ ବାଲେଶ୍ୱର ସୋରରେ ମଧ୍ୟ ଗଣେଶ ପୂଜା ଖୁବ ଧୂମଧାମରେ ପାଳନ ହେଉଛି । ସୋରରେ ବିଭିନ୍ନ ପୂଜା ମଣ୍ଡପ ମଧ୍ୟରୁ କମରପୁର ଲିଟିଲ ଷ୍ଟାର କ୍ଲବର ୧୪ ବର୍ଷ ପୂଜା ଅବସରରେ ଗଣେଶଙ୍କ ମୂର୍ତ୍ତିକୁ ସବୁ ବର୍ଷ ପରି ନିଆରା ଢଙ୍ଗରେ ଗଢ଼ା ଯାଇଛି । ଚଳିତ ବର୍ଷ ଗଣେଶଙ୍କ ମୂର୍ତ୍ତିରେ ସାବୁ ଦାନା ୧୦ କେଜି, ରାଜମା ୧୦ କେଜି, ମାଣ୍ଡିଆ ୮ କେଜି, ଓ ବାହାନ ମୂଷିକଙ୍କର କୋଳଥ ଡାଲି ୪ କେଜିରେ ତିଆରି କରାଯାଇଛି। ଏହା ସହ ଏଣେ ତେଣେ ପଡ଼ିଥିବା ୨୦୦୦ ପାଣି ବୋତଲ, ୩୦୦୦ କାଗଜ ଚା କପକୁ ନେଇ ସୁନ୍ଦର ପାର୍ଶ୍ଵ ସାଜସଜ୍ଜା କରାଯାଇଛି । ଏପରି ଆକର୍ଷଣୀୟ ମୂର୍ତ୍ତି ଡେକୁରେଟର ଦେଖିବାକୁ ଦର୍ଶକଙ୍କ ବେସ ଭିଡ଼ ଦେଖିବାକୁ ମିଳୁଛି । ପରିବେଶରେ ବର୍ଜ୍ୟ ବସ୍ତୁକୁ ନ ଫିଙ୍ଗି କିଛି ବ୍ୟବହାର ଯୋଗ୍ୟ ଜିନିଷ ତିଆରି କରି ଏକ ସୁସ୍ଥ, ନିର୍ମଳ ପରିବେଶ ଗଢ଼ି ତୋଳିବାର ବାର୍ତ୍ତାକୁ ନେଇ କରାଯାଇଛି ବୋଲି କର୍ମ କର୍ତ୍ତା ପ୍ରକାଶ କରିଛନ୍ତି।