Sanjay Dutt met Tiffany Trump : ସଞ୍ଜୟ ଦତ୍ତଙ୍କ ସହ ନଜର ଆସିଲେ ଡୋନାଲଡ ଟ୍ରମ୍ପଙ୍କ ଝିଅ ଟିଫାନୀ , ଦେଶୀ ଲୁକ ରେ ଫଟୋ ଭାଇରାଲ

ବଲିଉଡ୍ ଅଭିନେତା ସଞ୍ଜୟ ଦତ୍ତଙ୍କର ଏକ ସୋସିଆଲ ମିଡ଼ିଆ ପୋଷ୍ଟ ଏବେ ଇଣ୍ଟରନେଟ ରେ ଭାଇରାଲ ହେବାରେ ଲାଗିଛି | ଯେଉଁଥିରେ ଆମେରିକାର ରାଷ୍ଟ୍ରପତି ଡୋନାଲଡ ଟ୍ରମ୍ପଙ୍କ ଝିଅ ଟିଫାନୀ ଏକ ଭାରତୀୟ ପୋଷାକରେ ନଜର ଆସୁଛନ୍ତି | ସଞ୍ଜୟ ଦତ୍ତ  ନିଜ ଏକ୍ସ (X) ଆକାଉଣ୍ଟରେ ଏହି ଖାସ ସାକ୍ଷାତକାରର ଫଟୋ ଶେୟାର କରିଛନ୍ତି। ଯେଉଁଥିରେ ଟିଫାନୀ ଗୋଲାପୀ ଓ ସବୁଜ ରଙ୍ଗର ଭାରତୀୟ ଲେହେଙ୍ଗାରେ ନଜର ଆସିଥିବା ବେଳେ ତାଙ୍କ ସ୍ୱାମୀ ମାଇକେଲ ବୋଲୋସ କେସରିଆ ଶେରୱାନି ଏବଂ ଆମେରିକୀ ରାଜଦୂତ ମଧ୍ୟ  ନଜର ଆସିଛନ୍ତି। ମୁମ୍ବାଇରେ ଆୟୋଜିତ ଗଣପତି ଉତ୍ସବ ସମୟରେ ଏହି ସାକ୍ଷାତକାର ହୋଇଥିବା ଅନୁମାନ କରାଯାଉଛି। ଏହି ସାକ୍ଷାତକାରକୁ ସଞ୍ଜୟ ଦତ୍ତ ଅତ୍ୟନ୍ତ ସ୍ମରଣୀୟ ବୋଲି କହିବା ସହ ଟିଫାନୀ, ତାଙ୍କ ସ୍ୱାମୀ ଓ ଆମେରିକା ଆମ୍ବାସାଡର ସର୍ଜିଓ ଗୋରଙ୍କୁ ଧନ୍ୟବାଦ ଜଣାଇଛନ୍ତି। ତେବେ ଏହିପରି ଗଣପତି ଉତ୍ସବ ଭାରତୀୟ ସିନେମା ଓ ଅନ୍ତରାଷ୍ଟ୍ରୀୟ ବ୍ୟକ୍ତି ବିଶେଷ ମାନଙ୍କ ମଧ୍ୟରେରେ ସାଂସ୍କୃତିକ ଆଦାନ ପ୍ରଦାନ ର ଏକ ଉଦାହରଣ ସୃଷ୍ଟିକରିଥିବାବେଳେ, ସୋସିଆଲ ମିଡିଆରେ ଭାରତୀୟ ପୋଷାକରେ ଟିଫାନୀଙ୍କ ଏହି ଦେଶୀ ଲୁକ୍ ଏବେ ବେଶ୍ ଭାଇରାଲ ହେବାରେ ଲାଗିଛି।