Cyber Fraud : RTO ଲିଙ୍କ ଜରିଆରେ ଲୁଟିନେଲେ ୫୮,୫୦୦

ସାଇବର ଠକେଇର ଶିକାର ହେଲେ ବ୍ୟବସାୟୀ | ଅଜଣା କଲ୍ କୁ ରିସିଭ କରି ଠକାମୀର ଶିକାର ହେଲେ ବ୍ୟବସାୟୀଜଣକ | RTO ଲିଙ୍କ ମାଧ୍ୟମରେ ଠକମାନେ ତାଙ୍କଠାରୁ 58,500ଟଙ୍କା ଠକି ନେଇଥିବା ଅଭିଯୋଗ ହୋଇଛି | ଘଟଣାଟି ହେଉଛି ନୀଳଗିରି ଥାନା ଯେମlଦେଇପୁର ଗାଁ ପୋଷ୍ଟ ଶ୍ୟାମସୁନ୍ଦର ପୁର ଅଞ୍ଚଳର | ଏଠାକାର ବ୍ୟବସାୟୀ ବୈକୁଣ୍ଠ ବେହେରାଙ୍କୁ ଏକ ଅଜଣା ନମ୍ବରରୁ ଫୋନ୍ କଲ୍ ଆସିବା ପରେ ମୋବାଇଲ୍‌କୁ ଏକ RTO ସମ୍ପର୍କିତ ଲିଙ୍କ ପଠାଯାଇଥିଲା | ଏହି ଲିଙ୍କକୁ ଖୋଲିବା ପରେ ,ଠକମାନେ ତାଙ୍କୁ ବିଭିନ୍ନ ତଥ୍ୟ ଦେବାକୁ କହିଥିଲେ | ପରେ ଅନଲାଇନ୍ କାରବାର ମାଧ୍ୟମରେ ତାଙ୍କ ବ୍ୟାଙ୍କ ଆକାଉଣ୍ଟରୁ ପ୍ରାୟ ୫୮,୫୦୦ ଟଙ୍କା କଟିଯାଇଥିବା ଜଣାପଡ଼ିଥିଲା | ଘଟଣା ଜଣାପଡ଼ିବା ପରେ ବ୍ୟବସାୟୀ ଜଣକ ସାଇବର ଥାନାରେ ଅଭିଯୋଗ କରିଥିଲେ | ଅଭିଯୋଗ ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି | ଠକେଇରେ ସମ୍ପୃକ୍ତ ଠକମାନଙ୍କୁ ଚିହ୍ନଟ କରି ଧରିବା ସହ ଠକେଇ ହୋଇଥିବା ଟଙ୍କା ଫେରାଇ ଆଣିବାକୁ ପୋଲିସ ପକ୍ଷରୁ ଉଦ୍ୟମ ଜାରି ରହିଛି |