Manikeswari's shrine:ମହାଳୟାରେ ମା’ ମାଣିକେଶ୍ୱରୀଙ୍କ ପୀଠରେ ଭକ୍ତଙ୍କ ଭିଡ଼

କଳାହାଣ୍ଡି :କଳାହାଣ୍ଡି ଜିଲ୍ଲାର ଆରାଧ୍ୟ ଦେବୀ ମା’ ମାଣିକେଶ୍ୱରୀଙ୍କ ପୀଠରେ ମହାଳୟା ଅବସରରେ ଭକ୍ତଙ୍କ ପ୍ରବଳ ଭିଡ଼ ଦେଖିବାକୁ ମିଳିଛି। ମା’ଙ୍କ ଦର୍ଶନ କରିବା ସହ ନିଜ ପରିବାରର ମଙ୍ଗଳ କାମନା ଏବଂ ପିତୃପୁରୁଷଙ୍କ ଉଦ୍ଦେଶ୍ୟରେ ଶ୍ରଦ୍ଧା ନିବେଦନ ପାଇଁ ଶ୍ରଦ୍ଧାଳୁମାନେ ପୀଠରେ ପହଞ୍ଚିଛନ୍ତି। ସକାଳୁ ମନ୍ଦିର ପରିସରରେ ଭକ୍ତିମୟ ପରିବେଶ ସୃଷ୍ଟି ହୋଇଛି।ମହାଳୟା ଅବସରରେ ଭବାନୀପାଟଣାସ୍ଥିତ ମା’ ମାଣିକେଶ୍ୱରୀଙ୍କ ପୀଠରେ ଶ୍ରଦ୍ଧାଳୁଙ୍କ ସମାଗମ ହୋଇଛି। ମା’ଙ୍କ ଦର୍ଶନ କରି ଆଶୀର୍ବାଦ ଲାଭ କରିବା ପାଇଁ ବହୁ ସଂଖ୍ୟାରେ ଭକ୍ତ ମନ୍ଦିରରେ ପହଞ୍ଚିଛନ୍ତି। ପରମ୍ପରା ଓ ଆସ୍ଥାକୁ ନେଇ ଭକ୍ତମାନେ ମା’ଙ୍କ ନିକଟରେ ନିଜ ପରିବାରର ସୁଖ, ଶାନ୍ତି ଓ ସମୃଦ୍ଧି କାମନା କରୁଛନ୍ତି। ମହାଳୟା ହେଉଛି ପିତୃପୁରୁଷଙ୍କୁ ସ୍ମରଣ କରିବା ଓ ଶ୍ରଦ୍ଧା ନିବେଦନ କରିବାର ଏକ ପବିତ୍ର ଅବସର। ଏହି ପବିତ୍ର ଦିନରେ ମା’ ମାଣିକେଶ୍ୱରୀଙ୍କ ପୀଠରେ ଭକ୍ତଙ୍କ ଉପସ୍ଥିତି ଧାର୍ମିକ ପରିବେଶକୁ ଆହୁରି ଭକ୍ତିମୟ କରିଛି।