Hollywood Remake of Maharaja: ବିଶ୍ୱସ୍ତରୀୟ ସଫଳତା ପରେ ହଲିଉଡ୍ରେ ନିର୍ମାଣ ହେବ ବିଜୟ ସେଥୁପତିଙ୍କ ‘ମହାରାଜା’
ବିଜୟ ସେଥୁପତିଙ୍କ ଚର୍ଚ୍ଚିତ ତାମିଲ୍ ଫିଲ୍ମ ‘ମହାରାଜା’ର ହଲିଉଡ୍ ରିମେକ୍ ନିଶ୍ଚିତ ହୋଇଛି। ଚୀନ୍ ଓ OTTରେ ସଫଳତା ପରେ ହଲିଉଡ୍ ଏଜେନ୍ସି ରିମେକ୍ ରାଇଟ୍ସ ପାଇଁ ନିର୍ମାତାଙ୍କୁ ଯୋଗାଯୋଗ କରିଥିଲା। ମୁଖ୍ୟ ଭୂମିକା ପାଇଁ ମ୍ୟାଥ୍ୟୁ ମ୍ୟାକକୋନାହେଙ୍କ ନାଁ ଚର୍ଚ୍ଚାରେ ଥିଲେ ମଧ୍ୟ ତାଙ୍କ କାଷ୍ଟିଂ ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ।
ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତା ବିଜୟ ସେଥୁପତି ଏବଂ ବଲିଉଡ୍ ନିର୍ଦ୍ଦେଶକ ଅନୁରାଗ କଶ୍ୟପଙ୍କ ଅଭିନୀତ ଚର୍ଚ୍ଚିତ ତାମିଲ୍ ଫିଲ୍ମ ‘ମହାରାଜା’ (Maharaja) ଏବେ ହଲିଉଡ୍ରେ ରିମେକ୍ ହେବାକୁ ଯାଉଛି। ଭାରତୀୟ ସିନେମା ଜଗତ ପାଇଁ ଏହା ଏକ ଐତିହାସିକ ସଫଳତା, କାରଣ ହଲିଉଡ୍ରେ ସରକାରୀ ଭାବେ ରିମେକ୍ ହେବାକୁ ଥିବା ଏହା ପ୍ରଥମ ତାମିଲ ଫିଲ୍ମ। ନିଥିଲନ୍
ସାମିନାଥନ୍ଙ୍କ ନିର୍ଦ୍ଦେଶିତ ଏହି ଆକ୍ସନ-ଥ୍ରୀଲର୍ ଫିଲ୍ମଟି ପ୍ରେକ୍ଷାଳୟରେ ବ୍ୟାପକ ସଫଳତା ହାସଲ କରିବା ପରେ ଏବେ ହଲିଉଡ୍ରେ ନିଜର ଯାତ୍ରା ଆରମ୍ଭ କରିବାକୁ ଯାଉଛି।
ନିର୍ମାତାଙ୍କ ଅଫିସିଆଲ୍ ଘୋଷଣା
ଗଣମାଧ୍ୟମ ଓ ସୋସିଆଲ୍ ମିଡିଆରେ ଚାଲିଥିବା କଳ୍ପନାଜଳ୍ପନାର ଅନ୍ତ ଘଟାଇ ଫିଲ୍ମର ନିର୍ମାତା ମାନେ ଏକ ସୋସିଆଲ୍ ମିଡିଆ ପୋଷ୍ଟ ମାଧ୍ୟମରେ ଏହି ସୂଚନା ଦେଇଛନ୍ତି।
"ଏହା ଏକ ଐତିହାସିକ ମାଇଲଖୁଣ୍ଟ! ହଲିଉଡ୍ର ଏକ ପ୍ରମୁଖ ଷ୍ଟୁଡିଓ ଦ୍ୱାରା ନିର୍ମାଣ ହେବାକୁ ଥିବା #Maharaja ପ୍ରଥମ ତାମିଲ୍ ଫିଲ୍ମ ପାଲଟିଛି।"
ଏହି ଖବର ପରେ ଭାରତୀୟ ଫିଲ୍ମ ପ୍ରେମୀ ଏବଂ କଲିଉଡ୍ (ତାମିଲ୍ସି ନେମା) ଫ୍ୟାନ୍ମାନଙ୍କ ମଧ୍ୟରେ ଅତ୍ୟନ୍ତ ଉତ୍ସାହ ଦେଖିବାକୁ ମିଳିଛି। ନିକଟରେ ଚୀନ୍ରେ ମୁକ୍ତିଲାଭ କରିବା ପରେ ‘ମହାରାଜା’ ପ୍ରାୟ ୯୧ କୋଟି ଟଙ୍କା ରୋଜଗାର କରିଥିଲା। ଏହି ଜବରଦସ୍ତ ସଫଳତା ପରେ ହଲିଉଡ୍ର ପ୍ରମୁଖ ଷ୍ଟୁଡିଓଗୁଡ଼ିକ
ରିମେକ୍ ଅଧିକାର ପାଇଁ ଯୋଗାଯୋଗ କରିଥିଲେ ବୋଲି ପ୍ରଯୋଜକ ସୁଧନ୍ ସୁନ୍ଦରମ୍ ପ୍ରକାଶ କରିଛନ୍ତି।
ଫିଲ୍ମର ମୁଖ୍ୟ ଭୂମିକା ପାଇଁ ହଲିଉଡ୍ର ଓସ୍କାର ବିଜେତା ଅଭିନେତା ମ୍ୟାଥ୍ୟୁ ମ୍ୟାକକୋନାଗେ (Matthew McConaughey) ଙ୍କ ନାମ ଚର୍ଚ୍ଚା ହେଉଛି। ଏ ବାବଦରେ ପ୍ରଯୋଜକ ସୁନ୍ଦରମ୍ କହିଛନ୍ତି ଯେ, "ମ୍ୟାଥ୍ୟୁ ମ୍ୟାକକୋନାଗେ ହୁଏତ ସେହି ଅଭିନେତାମାନଙ୍କ ମଧ୍ୟରୁ ଜଣେ, ଯାହାଙ୍କ ସହ
କଥାବାର୍ତ୍ତା ଚାଲିଛି। ତେବେ ସମ୍ପୃକ୍ତ ଏଜେନ୍ସି ହିଁ ଏହାର ଆନୁଷ୍ଠାନିକ ପୁଷ୍ଟି କରିପାରିବ।" ଏହି ଫିଲ୍ମର ସୁଟିଂ ଆସନ୍ତା ବର୍ଷଠାରୁ ଆରମ୍ଭ ହେବାର ସମ୍ଭାବନା ରହିଛି।
