ଲଗାଣ ବର୍ଷା ପ୍ରଭାବରେ ବାଲେଶ୍ୱର ଜିଲ୍ଲା ସୋର ଅଞ୍ଚଳର କାଂଶବାଂଶ ଓ ପିତାକାଳିଆ ନଦୀର ଜଳସ୍ତର କ୍ରମାଗତ ଭାବେ ବୃଦ୍ଧି ପାଉଛି। କସବା ବ୍ରିଜ୍ ଗେଜ୍ ସାଇଟରେ କାଂଶବାଂଶ ନଦୀର ଜଳସ୍ତର ୭.୭୨ ମିଟର ରେକର୍ଡ ହୋଇଥିବା ବେଳେ ବିପଦ ସଙ୍କେତ ୭.୫୦ ମିଟର ରହିଛି। ଅର୍ଥାତ୍ ନଦୀ ବର୍ତ୍ତମାନ ୦.୨୨ ମିଟର ବିପଦ ସଙ୍କେତ ଉପରେ ପ୍ରବାହିତ ହେଉଛି ଏବଂ ଜଳସ୍ତର ଆହୁରି ବଢ଼ୁଛି।
ଯେତେବେଳେ ଅଧା ଓଡ଼ିଶା ଭାସୁଛି। ମୁଖ୍ୟମନ୍ତ୍ରୀ ଦିଲ୍ଲୀ ଯାଇ କଅଣ କରୁଛନ୍ତି ବୋଲି ପ୍ରଶ୍ନ କରିଛି ବିଜେଡି।ବନ୍ୟା ମୁକାବିଲାରେ ସରକାର ଫେଲ୍ ବୋଲି ଆରୋପ ଲଦିଛି ବି କଂଗ୍ରେସ। ରାଜ୍ୟର ୧୧ଟି ଜିଲ୍ଲାରେ ବନ୍ୟା ପରିସ୍ଥିତି ଭୟଙ୍କର। ଆଇଏମଡିର ଆକଳନକୁ ସରକାର ହାଲୁକା ଭାବେ ନେଲେ।ରାଜସ୍ୱ ମନ୍ତ୍ରୀ ମନିଟରିଂ କରୁଛନ୍ତି। କେବଳ ମିଡିଆରେ ରହିବାକୁ ବିରୋଧୀଙ୍କ ଏଭଳି ଆରୋପ। ଆଜି ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ହେଲିକେପ୍ଟରରେ ଯାଇ ବନ୍ୟା ପ୍ରଭାବିତ ଅଞ୍ଚଳ ପରିଦର୍ଶନ କରିଛନ୍ତି।
