Student Death ବାଲେଶ୍ୱର ଘରୋଇ କଲେଜ ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର, ସାଙ୍ଗକୁ ନେଇ ପରିବାରର ଅଭିଯୋଗ

ବାଲେଶ୍ୱର: ଘରୋଇ କଲେଜ ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର । ଘଟଣାକୁ ନେଇ ବାଲେଶ୍ୱର ଜିଲ୍ଲାରେ ଚାଞ୍ଚଲ୍ୟ ଖେଳିଯାଇଛି । ମୃତ ଛାତ୍ରୀ ଜଣକ ସୋର ଥାନା ଅନ୍ତର୍ଗତ ଗୋପୀନାଥପୁର ଗ୍ରାମର ବୋଲି ଜଣାପଡ଼ିଛି । ବିସିଇଟି ଘରୋଇ କଲେଜରେ ଦ୍ୱିତୀୟ ବର୍ଷରେ ପଢୁଥିଲେ । ଗତକାଲି ରାତିରେ ହଷ୍ଟେଲର ନିଜ ରୁମରେ ସେ ଅଚେତ ଅବସ୍ଥାରେ ଥିବା ଜଣାପଡ଼ିବା ପରେ ସହପାଠୀମାନେ କଲେଜ କର୍ତ୍ତୃପକ୍ଷଙ୍କୁ ଜଣାଇଥିଲେ । ପରେ ପୁଲିସକୁ ଖବର ଦିଆଯାଇଥିଲା । ପୁଲିସ ଘଟଣାସ୍ଥଳରେ ପହଞ୍ଚି ଛାତ୍ରୀଙ୍କ ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି । ତେବେ ମୃତ୍ୟୁର ପ୍ରକୃତ କାରଣ ଏଯାଏଁ ସ୍ପଷ୍ଟ ହୋଇନାହିଁ । ଅନ୍ୟପଟେ ଝିଅର ଜଣେ ସାଙ୍ଗକୁ ନେଇ ପରିବାର ପକ୍ଷରୁ ଅଭିଯୋଗ ଅଣାଯାଇଛି । ସାଙ୍ଗ ପାଇଁ ଜୀବନ ଯାଇଥିବା ପରିବାର ଅଭିଯୋଗ କରିଛି । ଘଟଣାର ସଠିକ୍ ତଦନ୍ତ କରାଗଲେ ପ୍ରକୃତ ସତ୍ୟ ସାମ୍ନାକୁ ଆସିବ ବୋଲି ପରିବାର ଆଶା ପ୍ରକାଶ କରିଛି । ପୁଲିସ ତଦନ୍ତ, ପ୍ରମାଣ ଓ ଆଇନଗତ ପ୍ରକ୍ରିୟା ପରେ ହିଁ ଛାତ୍ରୀଙ୍କ ମୃତ୍ୟୁ ପଛରେ ପ୍ରକୃତ କାରଣ କଣ ଥିଲା, ତାହା ସ୍ପଷ୍ଟ ହେବ ।