Odisha DA Hike: ରାଜ୍ୟ ସରକାରୀ କର୍ମଚାରୀଙ୍କ DA ୩% ବୃଦ୍ଧି
ଓଡ଼ିଶା ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ୩% ବୃଦ୍ଧି କରି ୬୩% କଲେ ମୁଖ୍ୟମନ୍ତ୍ରୀ ମୋହନ ମାଝୀ। ଜୁଲାଇ ୨୦୨୬ରୁ ପିଛିଲା ଭାବେ ଲାଗୁ। ପେନସନଭୋଗୀଙ୍କ TI ମଧ୍ୟ ବଢ଼ିଲା।

ଭୁବନେଶ୍ୱର: ରାଜ୍ୟ ସରକାରୀ କର୍ମଚାରୀ ଓ ପେନସନଭୋଗୀଙ୍କ ପାଇଁ ଖୁସି ଖବର। ମହଙ୍ଗା ଭତ୍ତା (DA)ରେ ୩ ପ୍ରତିଶତ ବୃଦ୍ଧି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଏହି ବୃଦ୍ଧି ପରେ କର୍ମଚାରୀଙ୍କ ମହଙ୍ଗା ଭତ୍ତା ୬୦ ପ୍ରତିଶତରୁ ବୃଦ୍ଧି ପାଇ ୬୩ ପ୍ରତିଶତ ହୋଇଛି। ମିଳିଥିବା ସୂଚନା ଅନୁଯାୟୀ, ବର୍ଦ୍ଧିତ ମହଙ୍ଗା ଭତ୍ତା ୧ ଜୁଲାଇ ୨୦୨୬ରୁ ପିଛିଲା ଭାବେ ଲାଗୁ ହେବ। ତେବେ ଏହାର ଲାଭ କର୍ମଚାରୀମାନେ ନଭେମ୍ବର ମାସର ଦରମା ସହ ନଗଦ ଆକାରରେ ପାଇବେ। ସେହିପରି ପେନସନଭୋଗୀଙ୍କ ପାଇଁ ମଧ୍ୟ ଆଶ୍ୱସ୍ତିକର ଘୋଷଣା କରାଯାଇଛି। ସେମାନଙ୍କ ଟି.ଆଇ (TI) ବା ଟିଅରନେସ୍ ରିଲିଫ୍ରେ ମଧ୍ୟ ୩ ପ୍ରତିଶତ ବୃଦ୍ଧି କରାଯାଇଛି। ବର୍ଦ୍ଧିତ ଟି.ଆଇ ନଭେମ୍ବର ମାସର ପେନସନ ସହ ପ୍ରଦାନ କରାଯିବ। ସରକାରଙ୍କ ଏହି ନିଷ୍ପତ୍ତି ଫଳରେ ରାଜ୍ୟର ପ୍ରାୟ ସାଢ଼େ ଆଠ ଲକ୍ଷ ସରକାରୀ କର୍ମଚାରୀ ଓ ପେନସନଭୋଗୀ ଉପକୃତ ହେବେ। ମହଙ୍ଗା ଭତ୍ତା ବୃଦ୍ଧି ଦ୍ୱାରା କର୍ମଚାରୀ ଓ ଅବସରପ୍ରାପ୍ତ କର୍ମଚାରୀଙ୍କ ଆର୍ଥିକ ସହାୟତା ମିଳିବା ସହ ମାସିକ ଆୟରେ ବୃଦ୍ଧି ହେବ।

