ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କଲେ ବେନ୍ ଷ୍ଟୋକ୍ସ, ଟ୍ରେଣ୍ଟ ବ୍ରିଜ୍ ଶେଷ ମ୍ୟାଚ୍
ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କଲେ ଇଂଲଣ୍ଡ କ୍ରିକେଟ ଦଳର ଅଧିନାୟକ ବେନ୍ ଷ୍ଟୋକ୍ସ । ନ୍ୟୁଜିଲ୍ୟାଣ୍ଡ ବିରୋଧରେ ଚାଲିଥିବା ତୃତୀୟ ଟେଷ୍ଟ ମ୍ୟାଚ୍ (ଟ୍ରେଣ୍ଟ ବ୍ରିଜ୍) ତାଙ୍କର ଶେଷ ଅନ୍ତର୍ଜାତୀୟ ମ୍ୟାଚ୍ ହେବ ବୋଲି ସେ ସୂଚନା ଦେଇଛନ୍ତି।
ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କଲେ ଇଂଲଣ୍ଡ କ୍ରିକେଟ ଦଳର ଅଧିନାୟକ ବେନ୍ ଷ୍ଟୋକ୍ସ । ନ୍ୟୁଜିଲ୍ୟାଣ୍ଡ ବିରୋଧରେ ଚାଲିଥିବା ତୃତୀୟ ଟେଷ୍ଟ ମ୍ୟାଚ୍ (ଟ୍ରେଣ୍ଟ ବ୍ରିଜ୍) ତାଙ୍କର ଶେଷ ଅନ୍ତର୍ଜାତୀୟ ମ୍ୟାଚ୍ ହେବ ବୋଲି ସେ ସୂଚନା ଦେଇଛନ୍ତି। ତାଙ୍କର ଏହି ନିଷ୍ପତ୍ତି କ୍ରିକେଟ ଫ୍ୟାନ୍ସଙ୍କୁ ଭାବୁକ କରିଦେଇଛି। ୩୫ ବର୍ଷୀୟ ଷ୍ଟୋକ୍ସ ମଧ୍ୟରାତ୍ରିରେ ହଠାତ୍ ଅବସର ଘୋଷଣା କରିଥିବାବେଳେ ଖେଳ ମଝିରେ ଏହି ଖବର ପ୍ରକାଶ ପାଇଥିଲା। ଆଶ୍ଚର୍ଯ୍ୟର କଥା, ଅବସର ଖବର ପରେ ପରବର୍ତ୍ତୀ ବଲରେ ସେ ଏକ ୱିକେଟ୍ ମଧ୍ୟ ନେଇଥିଲେ। ଟ୍ରେଣ୍ଟ ବ୍ରିଜ୍ ଟେଷ୍ଟର ଚତୁର୍ଥ ଦିନ ଖେଳ ଆରମ୍ଭ ହେବା ପୂର୍ବରୁ ଷ୍ଟୋକ୍ସ ଅବସର ନିଷ୍ପତ୍ତି ନେଇ ନିଜ ସାଥି ଖେଳାଳିମାନଙ୍କୁ ଜଣାଇଥିଲେ । ଏହାପରେ ଇଂଲଣ୍ଡ ଏବଂ ୱେଲ୍ସ କ୍ରିକେଟ ବୋର୍ଡ (ECB) ପକ୍ଷରୁ ଏହାକୁ ଆନୁଷ୍ଠାନିକ ଘୋଷଣା କରିଛି । ଷ୍ଟୋକ୍ସ ୨୦୧୧ରେ ହ୍ୱାଇଟ୍ ବଲ୍ କ୍ରିକେଟ୍ ମାଧ୍ୟମରେ ଅନ୍ତର୍ଜାତୀୟ କ୍ୟାରିୟର ଆରମ୍ଭ କରିଥିଲେ। ପରେ ୨୦୧୩ ଡିସେମ୍ବରରେ ଆଡିଲେଡ୍ ଠାରେ ଆଶେସ୍ ସିରିଜ୍ ସମୟରେ ସେ ଟେଷ୍ଟରେ ପଦାର୍ପଣ କରିଥିଲେ । ODI ଓ T20 ମିଶି ସେ ହଜାରରୁ ଅଧିକ ରନ୍ ଓ ଅନେକ ୱିକେଟ୍ ନେଇ ଇଂଲଣ୍ଡ ପାଇଁ ଗୁରୁତ୍ୱପୂର୍ଣ୍ଣ ଅଲ୍ରାଉଣ୍ଡର ଭୂମିକା ନିଭାଇଛନ୍ତି। ଟେଷ୍ଟ କ୍ରିକେଟରେ ସେ ୭,୨୭୩ ରନ୍ ଏବଂ ୨୫୨ ୱିକେଟ୍ ନେଇଛନ୍ତି, ଯାହା ତାଙ୍କୁ ସର୍ବଶ୍ରେଷ୍ଠ ଅଲ୍ରାଉଣ୍ଡରମାନଙ୍କ ମଧ୍ୟରେ ଗଣନା କରାଏ। ସେ ଏପ୍ରିଲ ୨୦୨୨ରୁ ଇଂଲଣ୍ଡ ଟେଷ୍ଟ ଦଳର ଅଧିନାୟକ ଭାବେ ଦାୟିତ୍ୱ ତୁଲାଇ ଆସୁଥିଲେ । ସେ ଇଂଲଣ୍ଡ ପାଇଁ ୧୨୨ ଟେଷ୍ଟ, ୧୧୪ ODI ଓ ୪୩ ଟି୨୦ ଖେଳିଛନ୍ତି। ୨୦୧୯ ICC ବିଶ୍ୱକପ୍ ଫାଇନାଲରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଷ୍ଟୋକ୍ସ ଅପରାଜିତ ୮୪ ରନ୍ ଇଂଲଣ୍ଡକୁ ପ୍ରଥମ ବିଶ୍ୱକପ୍ ବିଜୟ ଦେଇଥିଲେ । ୨୦୧୬ରେ କେପ୍ ଟାଉନ୍ଠରେ ଦକ୍ଷିଣ ଆଫ୍ରିକା ବିପକ୍ଷରେ ସେ ୨୫୮ ରନର ଟେଷ୍ଟ କ୍ୟାରିୟର ସର୍ବଶ୍ରେଷ୍ଠ ଇଂନିସ୍ ଖେଳିଥିଲେ । ବେନ ଷ୍ଟୋକ୍ସଙ୍କ ୧୨୨ଟି ଟେଷ୍ଟ, ୧୧୪ ଦିନିକିଆ ଏବଂ ୪୩ଟି ଟି୨୦ ଇଣ୍ଟରନ୍ୟାସନାଲ ମ୍ୟାଚ ଖେଳିଛନ୍ତି । ସେହିପରି ଦିନିକିଆରେ ୩୪୬୩ ରନ୍ କରିବା ସହିତ ୭୪ ୱିକେଟ ନେଇଛନ୍ତି । ଟି୨୦ ମ୍ୟାଚରେ ୫୮୫ ରନ୍ କରିବା ସହିତ ୨୬ ୱିକେଟ ନେଇଛନ୍ତି । ସେହିପରି ୨୦୧୯ ଆଶେସ୍ ହେଡିଂଲିରେ ୧୩୫ ରନ୍ ତାଙ୍କ କ୍ୟାରିୟରର ସବୁଠାରୁ ଐତିହାସିକ ଇନିଂସ୍ ମଧ୍ୟରୁ ଗୋଟିଏ। ୨୦୨୨ରୁ ସେ ଇଂଲଣ୍ଡ ଟେଷ୍ଟ ଦଳର ଅଧିନାୟକ ଭାବେ ନେତୃତ୍ୱ ଦେଇଥିବା ଷ୍ଟୋକ୍ସ “Bazball” ଶୈଳୀର ଆକ୍ରମଣାତ୍ମକ କ୍ରିକେଟ୍ ମାଧ୍ୟମରେ ଦଳକୁ ନୂତନ ଦିଗ ଦେଇଥିଲେ। ତଥାପି, ତାଙ୍କର କ୍ୟାରିୟର ଅନେକ କ୍ଷତି, ବିବାଦ ଓ ଚ୍ୟାଲେଞ୍ଜ ମଧ୍ୟ ଦେଖିଥିଲା। ଇଂଲଣ୍ଡ କ୍ରିକେଟ ବୋର୍ଡ (ECB) ପକ୍ଷରୁ ଷ୍ଟୋକ୍ସଙ୍କୁ ଗୋଟିଏ ଯୁଗର ସର୍ବଶ୍ରେଷ୍ଠ ଅଲ୍ରାଉଣ୍ଡର ଓ ପ୍ରେରଣାଦାୟକ ଅଧିନାୟକମାନଙ୍କ ମଧ୍ୟରୁ ଗୋଟିଏ ଖେଳାଳି ଭାବେ ସମ୍ମାନ ଜଣାଇ ତାଙ୍କର ଅବଦାନକୁ ସ୍ମରଣ କରାଯାଇଛି। ଇଂଲଣ୍ଡ କ୍ରିକେଟ ଏକ୍ସରେ ଲେଖିଛି, ବେନ୍, ଆପଣ ଏହି ଟିମ୍ ପାଇଁ ସବୁଠାରୁ ଅଧିକ ପ୍ରେରଣାଦାୟକ ଅଧିନାୟକ, ଲିଡର ଏବଂ ଜବରଦସ୍ତ ଖେଳାଳି । ଆପଣଙ୍କୁ ଖେଳାଇବା ପାଇଁ ସବୁ ଟିମ୍ ଚାହିଁବ । ଆମେ ଆପଣଙ୍କୁ ବହୁତ ଭଲ ପାଉ ଏବଂ ଆପଣଙ୍କ ଭବିଷ୍ୟ ପାଇଁ ଅନେକ ଶୁଭକାମନା ।