୨୦୨୧ରେ ମଙ୍ଗଳପୁର ଥାନା ପ୍ରଗତିବିହାରରେ ସ୍ୱାମୀ ଅଟଳ କୁଅଁର ଓରଫ ସୁବାଷଙ୍କୁ ହତ୍ୟା ମାମଲାରେ ପତ୍ନୀ ମମତା କୁଅଁରଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି ଅତିରିକ୍ତ ଜିଲ୍ଲା ଓ ଦୌରା ଅଦାଲତ। ୧୫ ଜଣ ସାକ୍ଷୀଙ୍କ ପ୍ରମାଣ ଆଧାରରେ ରାୟ ଦେଇଥିବା ବେଳେ ୧ ଲକ୍ଷ ଟଙ୍କା ଜରିମାନା ଓ ଅନାଦେୟରେ ଅତିରିକ୍ତ ୧୨ ମାସ ଜେଲ୍ଦଣ୍ଡ ହୋଇଛି। ମାମଲାର ଅନ୍ୟ ଦୁଇ ଅଭିଯୁକ୍ତ ନିର୍ଦ୍ଦୋଷରେ ଖଲାସ ହୋଇଛନ୍ତି।
ବାଲିଅନ୍ତା ସୌମ୍ୟଙ୍କୁ ପିଟିପିଟି ହତ୍ୟା ମାମଲାରେ କ୍ରାଇମବ୍ରାଞ୍ଚରେ ହାଜର ହୋଇଛନ୍ତି ସୌମ୍ୟଙ୍କ ବାପା ଓ ସାଙ୍ଗ ନିଶିକାନ୍ତ ମହାନ୍ତି। ମାମଲାରେ ପ୍ରାଥମିକ ଚାର୍ଜସିଟ୍ ଦାଖଲ ହୋଇଥିବା ବେଳେ ତଦନ୍ତକାରୀ ଅଫିସରଙ୍କୁ ପରିବର୍ତ୍ତନ କରିବାକୁ କ୍ରାଇମବ୍ରାଞ୍ଚ ଡିଆଇଜିଙ୍କୁ ଦାବି କରିଛନ୍ତି ସୌମ୍ୟଙ୍କ ବାପା। ଅପରାଧିକ ଷଡ଼ଯନ୍ତ୍ର ଓ ଭିଡ଼ ହିଂସା ଦଫାରେ ତଦନ୍ତ କରିବା ସହ ଘଟଣା ସମ୍ପର୍କିତ ନୂଆ ତଥ୍ୟ ମଧ୍ୟ କ୍ରାଇମବ୍ରାଞ୍ଚକୁ ଦିଆଯାଇଥିବା ସୂଚନା ମିଳିଛି।
