Dhenkanal's Elephant Safety Drive : ହାତୀ ଆସିଲେ ଆଉ ହେବନି ଭୟ! ଗଜସାଥୀଙ୍କୁ ଦିଆଗଲା ସ୍ୱତନ୍ତ୍ର ପ୍ରଶିକ୍ଷଣ

ହାତୀଙ୍କ ସୁରକ୍ଷା ସହ ମଣିଷଙ୍କ ଧନଜୀବନ ରକ୍ଷା ପାଇଁ ବନ ବିଭାଗର ଅଭିନବ ପ୍ରୟାସ। ଢେଙ୍କାନାଳ ବନଖଣ୍ଡ ଅନ୍ତର୍ଗତ କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ ପକ୍ଷରୁ ୯ଟି ଭିଏସଏସର ୪୫ ଜଣ ଗଜସାଥୀଙ୍କୁ ହାତୀ ସୁରକ୍ଷା ସମ୍ପର୍କିତ ସ୍ୱତନ୍ତ୍ର ପ୍ରଶିକ୍ଷଣ ଦିଆଯାଇଛି | ରେଞ୍ଜର କୈଳାସ ଚନ୍ଦ୍ର ସାହୁଙ୍କ ନେତୃତ୍ୱରେ ବରିଷ୍ଠ ପ୍ରଶିକ୍ଷକ ଅରବିନ୍ଦ ମାଝୀ ଗଜସାଥୀମାନଙ୍କୁ ତାଲିମ ପ୍ରଦାନ କରିଥିଲେ। ହାତୀଙ୍କ ଗତିବିଧି ଉପରେ ନଜର ରଖିବା, ସେମାନଙ୍କ ସୁରକ୍ଷା ସହ ମଣିଷଙ୍କ ଜୀବନ ଓ ସମ୍ପତ୍ତିର ସୁରକ୍ଷା କରିବା ଉପରେ ତାଲିମରେ ଗୁରୁତ୍ୱ ଦିଆଯାଇଥିଲା | ଏଥିସହ ହାତୀଙ୍କ ସୁରକ୍ଷିତ ଯାତାୟାତ ପାଇଁ ରେଳ ଓ ସଡ଼କ ପଥରେ ଅଣ୍ଡରପାସ୍ ବ୍ୟବସ୍ଥା ଏବଂ ଗାଁ ଗାଁରେ ସଚେତନତା କାର୍ଯ୍ୟକ୍ରମ ଉପରେ ଆଲୋଚନା ହୋଇଥିଲା | କାର୍ଯ୍ୟକ୍ରମରେ ପୂର୍ବାଞ୍ଚଳ ରେଞ୍ଜର ସୁଶାନ୍ତ କୁମାର ପାତ୍ରଙ୍କ ସମେତ ବନ ବିଭାଗର ଅଧିକାରୀମାନେ ଉପସ୍ଥିତ ଥିଲେ। ହାତୀ-ମଣିଷ ସଂଘର୍ଷ ହ୍ରାସ କରିବା ସହ ବନ୍ୟଜନ୍ତୁଙ୍କ ସୁରକ୍ଷାକୁ ସୁଦୃଢ଼ କରିବା ଦିଗରେ ଏହି ପ୍ରଶିକ୍ଷଣ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।