Ramayana Movie: ଆଡଭାନ୍ସ ବୁକିଂରେ ୧୩୦ କୋଟି ପାର୍

ବ୍ଯୁରୋ: ବହୁ ପ୍ରତୀକ୍ଷିତ ଫିଲ୍ମ ‘ରାମାୟଣ’କୁ ନେଇ ସିନେମା ଜଗତରେ ଜୋରଦାର ଚର୍ଚ୍ଚା। ରଣବୀର କପୁର, ୟଶ ଓ ସାଇ ପଲ୍ଲବୀଙ୍କ ଅଭିନୀତ ଏହି ଫିଲ୍ମ ରିଲିଜ୍ ପରେ ମୁଖ୍ୟତଃ ସକାରାତ୍ମକ ସମୀକ୍ଷା ପାଇଛି। ରିପୋର୍ଟ ଅନୁସାରେ, ରିଲିଜ୍ ପୂର୍ବରୁ ଏହାର ଆଡଭାନ୍ସ ବୁକିଂ ୧୩୦ କୋଟି ଟଙ୍କା ଅତିକ୍ରମ କରିଛି। ସୋନି ପିକ୍ଚର୍ସ ପ୍ରାୟ ୧୦୦ରୁ ଅଧିକ ଦେଶର ୫୦ ହଜାର ସ୍କ୍ରିନ୍‌ରେ ଫିଲ୍ମଟିକୁ ବିତରଣ କରୁଥିବା ବେଳେ ଭାରତରେ ଆଉ ୯ ହଜାର ସ୍କ୍ରିନ୍‌ରେ ଏହା ପ୍ରଦର୍ଶିତ ହେଉଛି। ଇଣ୍ଡଷ୍ଟ୍ରି ଟ୍ରାକର୍ Sacnilk ଅନୁସାରେ, ବିଦେଶରେ ଓପନିଂ ୱିକେଣ୍ଡ୍‌ର ଆଡଭାନ୍ସ ବୁକିଂ ପ୍ରାୟ ୨.୮୫ ନିୟୁତ ଡଲାରରେ ପହଞ୍ଚିଛି। ଏଥିରେ ଉତ୍ତର ଆମେରିକାର ଅଂଶ ୨.୧୫ ନିୟୁତ ଡଲାର ରହିଛି। ମଧ୍ୟପ୍ରାଚ୍ୟରେ ବୁକିଂ ଆରମ୍ଭ ହେବା ପରେ ଆୟ ଆହୁରି ବଢ଼ିବା ଆଶା ରହିଛି। ନିତେଶ ତିୱାରୀଙ୍କ ନିର୍ଦ୍ଦେଶିତ ଏହି ଫିଲ୍ମ ଦୁଇଟି ଭାଗରେ ନିର୍ମିତ ହେଉଛି। ଉଭୟ ଭାଗର ବଜେଟ୍ ପ୍ରାୟ ୪,୦୦୦ କୋଟି ଟଙ୍କା ବୋଲି ରିପୋର୍ଟ ରହିଛି। ରଣବୀର ଶ୍ରୀରାମ, ସାଇ ପଲ୍ଲବୀ ସୀତା, ରବି ଦୁବେ ଲକ୍ଷ୍ମଣ ଏବଂ ୟଶ ରାବଣ ଭୂମିକାରେ ଅଛନ୍ତି। ଫିଲ୍ମର ଭିଜୁଆଲ୍ ଭବ୍ୟତାକୁ ପ୍ରଶଂସା ମିଳୁଥିବା ବେଳେ ଇଂରାଜୀ ଡବିଂକୁ ନେଇ କିଛି ସମାଲୋଚନା ହୋଇଛି। ରିଲିଜ୍ ଦିନ ବିଶ୍ୱବ୍ୟାପୀ ୧୮୦ରୁ ୨୦୦ କୋଟି ଟଙ୍କା ଆୟର ଆକଳନ କରାଯାଇଛି। ରାମାୟଣ: ପାର୍ଟ ୨ ଦୀପାବଳି ୨୦୨୮ ରେ ସିନେମା ହଲ୍ କୁ ଆସିବ, ଯେଉଁଥିରେ ସନି ଦେୱଲ୍ ଏବଂ ରାଘବ ଜୁୟାଲଙ୍କ ସମ୍ପୂର୍ଣ୍ଣ ଭୂମିକା ଦେଖିବାକୁ ମିଳିବ।