କୁମ୍ଭାରପଡ଼ାରେ ଚାଞ୍ଚଲ୍ୟ: ଭଡ଼ାଘରେ ମହିଳାଙ୍କୁ ହତ୍ୟା ପରେ ପୋତିଦେବା ଅଭିଯୋଗ

ପୁରୀ: କୁମ୍ଭାରପଡ଼ା ଅଞ୍ଚଳରେ ଚାଞ୍ଚଲ୍ୟ । ଏକ ଭଡ଼ାଘର ଭିତରେ ଜଣେ ମହିଳାଙ୍କୁ ହତ୍ୟା କରି ପୋତି ଦିଆଯାଇଥିବା ନେଇ ଅଭିଯୋଗ ହୋଇଛି । ହତ୍ୟାକାଣ୍ଡର ପ୍ରକୃତ କାରଣ ଏଯାଏଁ ଅସ୍ପଷ୍ଟ ରହିଛି ।

ଖବର ପାଇ ଘଟଣାସ୍ଥଳରେ ସିଟି ଡିଏସପି ଓ କୁମ୍ଭାରପଡ଼ା ଥାନା ପୁଲିସ ପହଞ୍ଚି ଛାନଭିନ୍ ଆରମ୍ଭ କରିଛନ୍ତି । ଭଡ଼ାଘର ଭିତରେ ମହିଳାଙ୍କୁ ହତ୍ୟା ପରେ ମାଟି ତଳେ ପୋତି ତା' ଉପରେ ପ୍ଲାଷ୍ଟର କରିଦିଆଯାଇଥିବା ସୂଚନା ମିଳିଛି । ପୁଲିସ ଘଟଣାସ୍ଥଳରେ ତଦନ୍ତ କରିବା ସହ ଘଟଣା ସହ ଜଡ଼ିତ ସମସ୍ତ ଦିଗକୁ ଯାଞ୍ଚ କରୁଛି । ମହିଳାଙ୍କୁ କିଏ ଏବଂ କାହିଁକି ହତ୍ୟା କଲା, ତାଙ୍କୁ ହତ୍ୟା ପରେ କାହିଁକି ଘର ଭିତରେ ପୋତି ଦିଆଗଲା—ଏସବୁ ପ୍ରଶ୍ନର ଉତ୍ତର ତଦନ୍ତ ପରେ ସ୍ପଷ୍ଟ ହେବ । ଘଟଣାକୁ ନେଇ କୁମ୍ଭାରପଡ଼ା ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି । ପୁଲିସର ତଦନ୍ତ ପରେ ହିଁ ହତ୍ୟାକାଣ୍ଡର ପ୍ରକୃତ ରହସ୍ୟ ସାମ୍ନାକୁ ଆସିବ ।