Patna Nephew Murder:ବୋହୂ ସହ ପ୍ରେମ ସମ୍ପର୍କ ବିବାଦରୁ ପୁତୁରାକୁ ହତ୍ୟା

ବିହାର:ବିହାରର ପାଟନା ଜିଲ୍ଲା ଫୁଲୱାରିଶରିଫ୍‌ର ବଭନପୁରା ଗାଁରେ ଘଟିଛି ଚାଞ୍ଚଲ୍ୟକର ହତ୍ୟାକାଣ୍ଡ। ନିଜ ପୁତୁରା ଦୀପକ କୁମାର (୩୦)ଙ୍କୁ ୬ ରାଉଣ୍ଡ ଗୁଳି କରି ହତ୍ୟା କରିଥିବା ଅଭିଯୋଗ ଚାଚା ଲଲନ ଶର୍ମାଙ୍କ ବିରୋଧରେ ଆସିଛି। ମଙ୍ଗଳବାର ସକାଳ ପ୍ରାୟ ୭ଟାରେ ଘଟିଥିବା ଏହି ଘଟଣା ପରେ ଲଲନ ଫେରାର ଥିବାବେଳେ ପୁଲିସ ତଦନ୍ତ ଜାରି ରଖିଛି। ସୂଚନା ଅନୁସାରେ, ଘଟଣା ସମୟରେ ଦୀପକ ଘରେ ଜଣେ ବନ୍ଧୁଙ୍କ ସହ ବସିଥିଲେ। ଏହି ସମୟରେ ପିସ୍ତଲ ଧରି ଲଲନ ସେଠାରେ ପହଞ୍ଚିଥିଲେ। ଦୀପକ ଘରୁ ବାହାରକୁ ଆସିବା ପରେ ଦୁହିଁଙ୍କ ମଧ୍ୟରେ କଥା କଟାକଟି ହୋଇଥିଲା। ବିବାଦ ବଢ଼ିବାରୁ ଲଲନ ଗୁଳି ଚଳାଇଥିବା ଅଭିଯୋଗ। ଦୀପକଙ୍କ ମୁଣ୍ଡ, ପେଟ, ଜଙ୍ଘ ଓ ଗୋଡ଼ରେ ଗୁଳି ବାଜିଥିଲା ଏବଂ ଘଟଣାସ୍ଥଳରେ ତାଙ୍କ ମୃତ୍ୟୁ ହୋଇଥିଲା।ପରିବାର ଲୋକଙ୍କ କହିବା ଅନୁସାରେ, ଦୀପକ ଓ ଲଲନଙ୍କ ମଧ୍ୟରେ ପ୍ରାୟ ଚାରି ବର୍ଷ ଧରି ବିବାଦ ଲାଗି ରହିଥିଲା। ଦୀପକଙ୍କ ସ୍ତ୍ରୀ କବିତା ଦେବୀଙ୍କ ସହ ଲଲନଙ୍କ ଅନୈତିକ ସମ୍ପର୍କ ଥିବା ଅଭିଯୋଗକୁ ଦୀପକ ବିରୋଧ କରୁଥିଲେ। ଏହାକୁ ନେଇ ଚାଚା-ପୁତୁରା ପରସ୍ପରକୁ ଗୁଳି କରିବାର ଧମକ ଦେଇଥିବା ମଧ୍ୟ କୁହାଯାଇଛି। ଲଲନ ଜଣେ ବିଲ୍ଡର ଓ ଜମି ବ୍ୟବସାୟୀ। କବିତା ପରିବାରର ଆର୍ଥିକ ଆବଶ୍ୟକତା ପାଇଁ ତାଙ୍କଠାରୁ ସହାୟତା ନେଉଥିଲେ। ଗ୍ରାମବାସୀଙ୍କ ଅଭିଯୋଗ, ଏହି ସହାୟତା ଦେବା ସମୟରେ ଦୁହିଁଙ୍କ ମଧ୍ୟରେ ନିକଟତା ବଢ଼ିଥିଲା। ଦୀପକ ଏହା ଜାଣିବା ପରେ ବିରୋଧ କରିଥିଲେ। ଏକଦା ସର୍ବସାଧାରଣରେ ଲଲନଙ୍କୁ ଏହି ସମ୍ପର୍କ ପାଇଁ ଅପମାନିତ କରିଥିବା ମଧ୍ୟ ଗ୍ରାମବାସୀ କହିଛନ୍ତି। ଅନ୍ୟପଟେ, ଦୀପକଙ୍କ ମା ଅଭିଯୋଗ କରିଛନ୍ତି ଯେ ରାସ୍ତାକଡ଼ର ମୂଲ୍ୟବାନ ଜମିକୁ ଠକି ନିଜ ନାଁରେ କରାଇ ନେଇଥିଲେ ଲଲନ। ଦୀପକଙ୍କ ସ୍ତ୍ରୀଙ୍କ ସହ ବିବାଦ ବଢ଼ିବା ପରେ ସେ ତିନି ଛୋଟ ପିଲାଙ୍କୁ ନେଇ ନୌବତପୁରରେ ରହୁଥିଲେ। ଲଲନ ସେଠାରେ କବିତାଙ୍କ ବାପଘର ନିକଟରେ ଜମି କିଣି ଘର ତିଆରି କରିଥିବା ପରିବାର ପକ୍ଷରୁ ଅଭିଯୋଗ ହୋଇଛି। ଲଲନ ସେଠାରେ କବିତାଙ୍କ ବାପଘର ନିକଟରେ ଜମି କିଣି ଘର ତିଆରି କରିଥିବା ପରିବାର ପକ୍ଷରୁ ଅଭିଯୋଗ ହୋଇଛି। ଦୀପକଙ୍କ ପିତା ବିନ୍ଧ୍ୟାଚଳ ଶର୍ମା ଅଭିଯୋଗ କରିଛନ୍ତି ଯେ ଲଲନଙ୍କ ସହ ତାଙ୍କ ଜ୍ୱାଇଁ ରବି କୁମାର ମଧ୍ୟ ହତ୍ୟାରେ ସାମିଲ ଥିଲେ। ରବି ଦୁଇ ଦିନ ପୂର୍ବରୁ ସ୍ତ୍ରୀ ଆରତୀଙ୍କ ସହ ଝାଡ଼ଖଣ୍ଡରୁ ଗାଁକୁ ଆସିଥିଲେ, କିନ୍ତୁ ଘଟଣା ପରେ ହଠାତ୍ ଗାଁ ଛାଡ଼ି ଚାଲିଯାଇଥିବା କୁହାଯାଇଛି। ଦୀପକଙ୍କ ପିତା ଆରତୀ ଓ ଶୋଭାଙ୍କ ସମ୍ପୃକ୍ତି ନେଇ ମଧ୍ୟ ଅଭିଯୋଗ କରିଛନ୍ତି।ସୋମବାର ରାତିରେ ଦୀପକଙ୍କ ମା’ଙ୍କୁ ସାପ କାମୁଡ଼ିଥିଲା। ସେତେବେଳେ ଦୀପକ ଘରେ ଏକା ଥିଲେ। ଏହି ସମୟରେ ଲଲନଙ୍କ ସହ ତାଙ୍କର ବିବାଦ ଓ ପରସ୍ପରକୁ ଧମକ ଦେବା ଘଟଣା ଘଟିଥିବା ପିତା କହିଛନ୍ତି। ଦୀପକ ଆର୍ଥିକ ଅଭାବରେ ରହୁଥିଲେ। ପରିବାର ଚଳାଇବାକୁ ସେ କେବେ ଅଟୋ ଚଳାଉଥିଲେ ତ କେବେ ମଜୁରି କାମ କରୁଥିଲେ। ତାଙ୍କର ତିନି ଛୋଟ ପିଲା ଅଛନ୍ତି। କବିତା ଚିରୌରାର ଏକ ୱାଟର ପାର୍କରେ ରିସେପ୍ସନିଷ୍ଟ ଭାବେ କାମ କରୁଥିଲେ ଏବଂ ମାସକୁ ପ୍ରାୟ ୧୨ ହଜାର ଟଙ୍କା ଦରମା ପାଉଥିବା କୁହାଯାଇଛି।ଅଭିଯୁକ୍ତଙ୍କ ସ୍ତ୍ରୀ ଶୋଭା ଦେବୀ କହିଛନ୍ତି, ତାଙ୍କ ସ୍ୱାମୀଙ୍କର ଦୀପକଙ୍କ ସ୍ତ୍ରୀଙ୍କ ସହ ଅନୈତିକ ସମ୍ପର୍କ ଥିଲା ଏବଂ ତାଙ୍କ ସ୍ୱାମୀ ହିଁ ଗୁଳି ମାରିଥିଲେ। ଫୁଲୱାରିଶରିଫ୍‌ର ଏଏସ୍‌ପି ନାରାୟଣ ଉପାଧ୍ୟାୟ କହିଛନ୍ତି, ପୁଲିସ ସକାଳ ପ୍ରାୟ ୭ଟାରେ ହତ୍ୟା ସୂଚନା ପାଇଥିଲା। ମୃତକଙ୍କ ପିତାଙ୍କ ବୟାନ ରେକର୍ଡ ହୋଇଛି ଏବଂ ଘଟଣାସ୍ଥଳରୁ ୬ଟି ଖୋକା ମିଳିଛି। ପୁଲିସ ହତ୍ୟାର କାରଣ, ବ୍ୟବହୃତ ଅସ୍ତ୍ର ଓ ଅନ୍ୟ କାହାର ସମ୍ପୃକ୍ତି ଥିଲା କି ନାହିଁ, ସେନେଇ ତଦନ୍ତ କରୁଛି।