Gunpoint Robbery : ରାତିରେ ଲୁଟ୍‌ କରି ଛୁ’, ସିସିଟିଭିରେ ଲୁଟେରାଙ୍କୁ ଖୋଜୁଛି ପୋଲିସ

ବନ୍ଧୁକ ଦେଖାଇ ଲୁଟିନେଲେ ଜୁଏଲେରୀ ଦୋକାନକୁ | ଘଟଣାକୁ ନେଇ ପୋଲିସର ଛାନଭିନ | ବାଲେଶ୍ୱର ଜିଲ୍ଲା ଥାନା ଅନ୍ତର୍ଗତ ଡଗରପଡା ପଞ୍ଚାୟତ ବଡବାହାଦୁଲପୁର ଗ୍ରାମର ସନ୍ତୋଷ ଗାହାଣ ଦୀର୍ଘ ୧୨ବର୍ଷ ଧରି ଔପଦା ବଜାରରେ ଶାନ୍ତି ଜୁଏଲାରି ଦୋକାନ କରିଥିଲେ l ଗତ ରାତିରେ ସନ୍ତୋଷ ଓ ତାଙ୍କ ଭାଇ ଦୋକାନ ବନ୍ଦ କରି ନିଜ ଘରକୁ ଫେରୁଥିବା ସମୟରେ ଶାଳଗଡିଆ ଛକ ନିକଟରେ ଲୁଟ୍‌ର ଶିକାର ହୋଇଥିଲେ | ତିନୋଟି ପଲସର ବାଇକ୍‌ରେ ଆସିଥିବା ୬ ଜଣ ମୁଖାପିନ୍ଧା ଦୁର୍ବୃତ୍ତ ସନ୍ତୋଷଙ୍କ ମୁଣ୍ଡରେ ବନ୍ଧୁକ ଲଗାଇ ନଗଦ ୪୫ ହଜାର ଟଙ୍କା ଲୁଟ୍‌ କରି ଘଟଣାସ୍ଥଳରୁ ଫେରାର ହୋଇଯାଇଥିଲେ | ଖବର ପାଇ ଖଇରା ପୋଲିସ ଆଇଆଇସି ପ୍ରଶାନ୍ତ କୁମାର ଜେନା ଘଟଣାସ୍ଥଳରେ ପହଞ୍ଚି ସିସିଟିଭି ଯାଞ୍ଚ କରି ଛାନଭିନ ଆରମ୍ଭ କରିଛନ୍ତି |