ସମୁଦ୍ରରେ ନିଖୋଜ ୧୬ ମତ୍ସ୍ୟଜୀବୀଙ୍କ ମିଳିଲା ପତ୍ତା, ସମସ୍ତେ ସୁରକ୍ଷିତ

ଜଳେଶ୍ୱର :  ଇଲିସି ମାଛ ଧରିବାକୁ ଯାଇ ସମୁଦ୍ରରେ ନିଖୋଜ ହୋଇଥିବା ୧୬ ମତ୍ସ୍ୟଜୀବୀଙ୍କ ପତ୍ତା ମିଳିଛି । ପଶ୍ଚିମବଙ୍ଗ କାକଦ୍ୱୀପର ୨ କିଲୋମିଟର  ଦୂରରେ ଠାବ ହେଲେ ମତ୍ସ୍ୟଜୀବୀ । ସମସ୍ତ ମତ୍ସ୍ୟଜୀବୀ ସୁରକ୍ଷିତ ଥିବା ଜଣାପଡିଛି । ଏ ନେଇ ପଶ୍ଚିମବଙ୍ଗ ଶଙ୍କରପୁର ମତ୍ସ୍ୟଜୀବୀ ସଂଘ ପକ୍ଷରୁ ସ୍ପଷ୍ଟ କରାଯାଇଛି । ତେବେ ଏନେଇ ସୂଚନା ପାଇବା ପରେ, ତଟରକ୍ଷୀ ବାହିନୀ ଉଦ୍ଧାର କାର୍ଯ୍ୟ ଆରମ୍ଭ କରିଛି । ଶଙ୍କରପୁର ମାଛ ବ୍ୟବସାୟୀ ସଂଘର ସମ୍ପାଦକ ସ୍ୱଦେଶ ନାୟକ କହିଛନ୍ତି, ଇଲିସ ମାଛ ଧରିବାକୁ ଯାଇ ଗଭୀର ସମୁଦ୍ରରେ ନିଖୋଜ ହୋଇଯାଇଥିଲେ ୧୬ ଜଣ ମତ୍ସ୍ୟଜୀବୀ । ପାଗ ଦେଖି ଜୁଲାଇ ୨ ତାରିଖରେ ସମୁଦ୍ରକୁ ବାହାରିଥିଲେ । ମା’ କାଳୀ ଟ୍ରଲର ସହିତ ୧୬ ଜଣ ମତ୍ସ୍ୟଜୀବୀଙ୍କ ପତ୍ତା ମିଳୁନଥିଲା । ପଶ୍ଚିମବଙ୍ଗ ଶଙ୍କରପୁର ଯାଇଥିବା ବେଳେ କେଉଁଆଡ଼େ ନିଖୋଜ ହୋଇଯାଇଥିଲେ । ତେବେ ମତ୍ସ୍ୟଜୀବୀଙ୍କ ସନ୍ଧାନ ପାଇଁ ନୌସେନା ହେଲିକପ୍ଟରର ସହାୟତା ପାଇଁ ନିବେଦନ କରିଥିଲେ ଶଙ୍କରପୁର ମତ୍ସ୍ୟଜୀବୀ ସଂଘର ସମ୍ପାଦକ ।