ଭୂସ୍ଖଳନ ପଛର କାରଣ ଖୋଜିବେ ସରକାର

କେରଳ: ପ୍ରବଳ ବର୍ଷାରେ କେରଳର ୱାୟନାଡରେ ଘଟିଥିବା ଭୂସ୍ଖଳନର ପ୍ରକୃତ କାରଣ ଜାଣିବା ପାଇଁ କେରଳ ସରକାର ବିସ୍ତୃତ ତଦନ୍ତ କରିବେ ବୋଲି ମୁଖ୍ୟମନ୍ତ୍ରୀ ଭି. ଡି. ସତୀଶନ ବୁଧବାର ସୂଚନା ଦେଇଛନ୍ତି। ଜୁଲାଇ ୭ ମଙ୍ଗଳବାରରେ କେରଳର ୱାୟନାଡ଼ ଜିଲ୍ଲାର କଲ୍ଲାଡି ମୀନାକ୍ଷୀ ବ୍ରିଜ୍‌ ନିକଟରେ ଟନେଲ୍‌ ନିର୍ମାଣ କାମ ଚାଲିଥିବା ବେଳେ ଘଟିଥିଲା ଭୂସ୍ଖଳନ । ଏହି ଦୁର୍ଘଟଣାରେ ୪ ଜଣଙ୍କ ମୃତ୍ୟୁ ଘଟିଥିବାବେଳେ ୭ ଜଣ ଆହତ ହୋଇଥିଲେ। ତେବେ ଘଟଣାକୁ ନେଇ ମୁଖ୍ୟମନ୍ତ୍ରୀ କହିଛନ୍ତି, ୱାୟାନାଡକୁ କୋଝିକୋଡ ସହ ସଂଯୋଗ କରୁଥିବା ଟନେଲ ପ୍ରକଳ୍ପକୁ ଅନୁମୋଦନ ଦେବାବେଳେ କେନ୍ଦ୍ର ସରକାର ଯେଉଁ ସର୍ତ୍ତ ଓ ନିର୍ଦ୍ଦେଶ ଜାରି କରିଥିଲେ, ନିର୍ମାଣ କମ୍ପାନୀ ସେଗୁଡ଼ିକୁ ପାଳନ କରିଛି କି ନାହିଁ, ତାହା ମଧ୍ୟ ଯାଞ୍ଚ କରାଯିବ। 

ଏହି ଦୁଇଟି ତଦନ୍ତ ସମ୍ପୂର୍ଣ୍ଣ ହେବା ପରେ, ଟନେଲ ନିର୍ମାଣ କାମ ପୁନର୍ବାର ଆରମ୍ଭ କରାଯିବ ବୋଲି ଆଜି ତିରୁବନନ୍ତପୁରମରେ ଆୟୋଜିତ ସାମ୍ବାଦିକ ସମ୍ମିଳନୀରେ ମୁଖ୍ୟମନ୍ତ୍ରୀ କହିଛନ୍ତି। ବସିଥିବା ମନ୍ତ୍ରିମଣ୍ଡଳ ବୈଠକରେ ଭୂସ୍ଖଳନ ସମ୍ବନ୍ଧୀୟ ରିପୋର୍ଟର ସମୀକ୍ଷା ପରେ ଏହି ନିଷ୍ପତ୍ତି ନିଆଯାଇଥିବା ସେ ସୂଚନା ଦେଇଛନ୍ତି। ମୁଖ୍ୟମନ୍ତ୍ରୀ ଆହୁରି କହିଛନ୍ତି ଯେ, ଘଟଣାର ପ୍ରକୃତ କାରଣ ଜାଣିବା ପାଇଁ ଆବଶ୍ୟକ ସମସ୍ତ ଆଇନଗତ ଓ ବୈଷୟିକ ପଦକ୍ଷେପ ନେବାକୁ ମନ୍ତ୍ରିମଣ୍ଡଳ ନିଷ୍ପତ୍ତି ନେଇଛି।