Helen’s Struggle: ୧୩ ବର୍ଷରେ ସଂଘର୍ଷ, ପରେ ହେଲେ ବଲିଉଡ୍ ଷ୍ଟାର୍

କୁହନ୍ତି ବଲିଉଡରେ ଟ୍ୟାଲେଣ୍ଟ ସହିତ ଭାଗ୍ୟ ବହୁତ ଜରୁରୀ ଅଟେ | ୫୦ ଦଶକରେ ଭାଗ୍ୟ ସେହିଭଳି ଜଣେ ଶରଣାର୍ଥୀଙ୍କୁ ବଲିଉଡର ଚକଚକିଆ ଓ ଆକର୍ଷଣୀୟ ଦୁନିଆକୁ ଟାଣି ଆଣିଥିଲା | ଯାହାର ୱାର ସମୟରେ ଜଙ୍ଗଲ ରାସ୍ତାରେ ଭୋକ ଶୋଷ ବଞ୍ଚିବା ପାଇଁ ଭାରତକୁ ଆସିଥିଲେ ,କିନ୍ତୁ ଏହି ଦେଶ ତାଙ୍କୁ ନିଜର କରିନେଇଥିଲା |

ମାତ୍ର ୧୩-୧୪ କମ ବୟସରେ ବହି ଛାଡି ମା'ଙ୍କ ସାହାରା ହୋଇଥିଲେ ଓ ଗୋଟିଏ ଛୋଟ କୋଠାରେ ଓଦା ଚଟେଇ ଉପରେ ଶୋଇଥିବା କିଏ ସେହି ଅଭିନେତ୍ରୀ ,ଯିଏ ବ୍ୟାକଗ୍ରାଉଣ୍ଡ ଡ୍ୟାନ୍ସିଂ ରୁ ହିନ୍ଦୀ ସିନେମାର ସବୁଠୁ ବଡ ତାରକା ପାଲଟିଗଲେ ,ଜାଣନ୍ତୁ ତାଙ୍କ କାହାଣୀ |

ହିନ୍ଦୀ ସିନେମାର ' ପିୟା ତୁ ଅବ ତୋ ଆଜା ' ,' ମହବୁବା-ମହବୁବା ' ଭଳି ଫଳ ଗୀତ ଦେଇଥିବା ଅଭିନେତ୍ରୀ ହେଲେନ ଅଟନ୍ତି ,ଯିଏ ୫୦ ଦଶକରେ ନିଜର ବ୍ୟାକଗ୍ରାଉଣ୍ଡ ଡ୍ୟାନ୍ସର ରୂପେ ଆରମ୍ଭ କରିଥିଲେ | ଯେବେ ହେଲେନ ଅଭିନେତ୍ରୀ ଆଶା ପାରଖେ ଓ ବହିଦା ରହମାନଙ୍କ ସହିତ 'କପିଲ ଶର୍ମା ସୋ' ରେ ଅତିଥି ଭାବରେ ଆସିଥିଲେ ଏବଂ ନିଜ ଯାତ୍ରା ବିଷୟରେ କହିଥିଲେ |

ଯେବେ କପିଲ ଶର୍ମା ସୋ ରେ ତାଙ୍କର ଆରମ୍ଭ ବିଷୟରେ ପଚାରିଲେ,ସେତେବେଳେ ଅଭିନେତ୍ରୀ ଉତ୍ତର ଦେଇ କହିଥିଲେ , ଆମେ ବର୍ମାରୁ ଆସିଥିବା ଶରଣାର୍ଥୀ ଥିଲୁ | ବର୍ମାରେ ୱାର ସମୟରେ ୯ ମାସ ଚାଲିଚାଲି ଆସାମ ପହଞ୍ଚିଥିଲୁ | ସେତେବେଳେଏ ମୋର ୩-୪ବୟସ ମାତ୍ର ଥିଲି |

ହେଲେନ ନିଜ ଭାବପ୍ରବଣ ଯାତ୍ରା ବିଷୟରେ କହି ଆଗକୁ କହିଥିଲେ, “ଭଗବାନଙ୍କ କୃପାରୁ ଆମେ ଭାରତ ଆସିଥିଲୁ | ଏଠାକୁ ଆସିବା ପରେ ମୁଁ ସ୍କୁଲ୍‌ରେ ପଢ଼ିଲି | ସେହି ସମୟରେ ମୁଁ ମଣିପୁରୀ ସହିତ ଭରତନାଟ୍ୟମ୍ ଏବଂ କଥକ ନୃତ୍ୟ ମଧ୍ୟ ଶିଖିଥିଲି | ମୁଁ କୌଣସି ନିର୍ଦ୍ଦିଷ୍ଟ ଉଦ୍ଦେଶ୍ୟ ନେଇ ଏସବୁ ଶିଖିନଥିଲି, କେବଳ ଏମିତି ହିଁ ଶିଖିଥିଲି | ମୋର ଭାବନା ଥିଲା, କିଏ ଜାଣେ, ହୁଏତ କେବେ କୌଣସି ସୁଯୋଗ ମିଳିଯାଇପାରେ | ସେହି ସମୟରେ କୁକୁ ଜୀ ଜଣେ ବହୁତ ବଡ଼ ଡ୍ୟାନ୍ସର ଏବଂ ଅଭିନେତ୍ରୀ ଥିଲେ | ମୋ ମାଆ ତାଙ୍କୁ ଅନୁରୋଧ କରିଥିଲେ ଯେ, ସେ ମୋତେ ଅତି କମ୍‌ରେ କୋରସ୍‌ରେ ରଖିଦିଅନ୍ତୁ, କାରଣ ସେତେବେଳେ ଆମକୁ ଟଙ୍କାର ବହୁତ ଅଧିକ ଆବଶ୍ୟକତା ଥିଲା |” ସେ ଆଗକୁ କହିଲେ "ଆମ୍ଭେମାନେ ଗୋଟିଏ ରୁମ୍ ରେ ରହୁଥିଲୁ , ଯେଉଁଠି ସବୁ ଜିନିଷ ରଖାଯାଉଥିଲା | ଗରମ ଦିନରେ ଆମେ ମ୍ୟାଟ୍‌କୁ ଥଣ୍ଡା ହେବାକୁ ଦେବା ପରେ, ଏହାକୁ ଭୂମି ଉପରେ ରଖୀ , ଗାଧେଇ ସାରି ଓ ନାଇଟ ପିନ୍ଧିକି ଆସି ଶୋଉଥିଲୁ | ଆମେ ମାନେ ଭଲ ଦିନ ବି ଦେଖିଛୁ | ଭଗବାନଙ୍କ ଥିବା ଯୋଗୁ ଆଜି ମୁ ଏପର୍ଯ୍ୟନ୍ତ ପହଞ୍ଚି ପାରିଛି |"

ହିନ୍ଦୀ ସିନେମାର ବରିଷ୍ଠ ଅଭିନେତ୍ରୀ ବା 'ଡ୍ୟାନ୍ସିଂ କୁଇନ୍' ହେଲେନ ନିଜ କରିୟରରେ, ସେ ୧୯୫୧ ମସିହାରେ ମୁକ୍ତିଲାଭ କରିଥିବା ଶାବିସ୍ତାନ ଏବଂ ଆୱାରା ଚଳଚ୍ଚିତ୍ରରେ ଜଣେ ବ୍ୟାକଗ୍ରାଉଣ୍ଡ ଡ୍ୟାନ୍ସର ଭାବେ ନିଜ କ୍ୟାରିୟର ଆରମ୍ଭ କରିଥିଲେ | ୧୯୫୨ ମସିହାରେ ମୁକ୍ତିଲାଭ କରିଥିବା ଅଲିଫ୍ ଲୈଲା ଚଳଚ୍ଚିତ୍ରରେ ତାଙ୍କୁ ପ୍ରଥମ ଥର ପାଇଁ ସୋଲୋ ଡ୍ୟାନ୍ସର ଭାବେ ସୁଯୋଗ ମିଳିଥିଲା | ତେବେ, ୧୯୫୮ ମସିହାରେ ମୁକ୍ତିଲାଭ କରିଥିବା ହାୱଡ଼ା ବ୍ରିଜ୍ ଚଳଚ୍ଚିତ୍ରର ଏକ ଗୀତ ତାଙ୍କ ଅଭିନୟ ଜୀବନରେ ଏକ ବଡ଼ ସଫଳତା ଆଣିଲା ଏବଂ ତାଙ୍କୁ ଅଧିକ ଲୋକପ୍ରିୟ କରିଥିଲା |