Ghasipura Elephant Attack:ଗାଁ ନିକଟରେ ହାତୀ ଆତଙ୍କ, ନାବାଳକ ଗୁରୁତର

ଗାଁ ନିକଟରେ ହାତୀ ଆତଙ୍କ, ନାବାଳକ ଗୁରୁତର | ହାତୀ ଆକ୍ରମଣରେ ଜଣେ ୧୩ ବର୍ଷୀୟ ନାବାଳକ ଗୁରୁତର ଆହତ ହୋଇ ଆନନ୍ଦପୁର ମେଡିକାଲରେ ଭର୍ତ୍ତି ହୋଇଛନ୍ତି । ଘଟଣାଟି ଘସିପୁରା ବ୍ଲକ ଅନ୍ତର୍ଗତ ଗୋହିରାବଣି ଗାଁ ନିକଟରେ ଘଟିଛି । ସୂଚନା ଅନୁଯାୟୀ, ଗାଁର ଲକାନ ହେମ୍ବ୍ରମଙ୍କ ୧୩ ବର୍ଷୀୟ ପୁଅ ରାଜଦୀପ ହେମ୍ବ୍ରମ ଆଜି ଗାଁ ନିକଟସ୍ଥ ବୈତରଣୀ ନଦୀକୁ ଗାଧୋଇବା ପାଇଁ ଯାଉଥିଲେ। ଏହି ସମୟରେ ରାସ୍ତାରେ ସେ ଏକ ହାତୀ ତାଙ୍କ ସମ୍ମୁଖରେ ପଡ଼ିଥିଲା । ହାତୀଟି ନାବାଳକଙ୍କୁ ଗୋଡ଼ରେ ଫିଙ୍ଗି ଦେବାରୁ ସେ ଗୁରୁତର ଆହତ ହୋଇଥିଲେ | ଘଟଣା ପରେ ସ୍ଥାନୀୟ ଲୋକେ ରାଜଦୀପଙ୍କୁ ଉଦ୍ଧାର କରି ପ୍ରଥମେ ଘରକୁ ନେଇଥିଲେ | ପରେ ପରିବାର ଲୋକେ ତାଙ୍କୁ ଆନନ୍ଦପୁର ମେଡିକାଲରେ ଭର୍ତ୍ତି କରିଥିଲେ । ଖବର ପାଇ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ହାତୀର ଉପସ୍ଥିତି ଓ ଗତିବିଧି ଉପରେ ନଜର ରଖିଛନ୍ତି ।