ବୁଗୁଡ଼ା ବ୍ଲକ ଅଧ୍ୟକ୍ଷାଙ୍କ ଘର ବାହୁଡ଼ା, ବିଜେପି ଛାଡ଼ି ବିଜେଡିରେ ସାମିଲ

ଭୁବନେଶ୍ୱର : ଘର ବାହୁଡ଼ିଲେ ବୁଗୁଡ଼ା ବ୍ଲକ ଅଧକ୍ଷା । ବିଜେପି ଛାଡି ବିଜେଡିରେ ମିଶିଲେ ବୁଗୁଡ଼ା ବ୍ଲକ ଅଧକ୍ଷା କେ. ପ୍ରିୟଦର୍ଶିନୀ ଆଚାରୀ |   ଗଞ୍ଜାମ ଜିଲ୍ଲାର ବୁଗୁଡ଼ା ବ୍ଲକ ଅଧ୍ୟକ୍ଷା କେ. ପ୍ରିୟଦର୍ଶିନୀ ଆଚାରୀ ପୁଣି ଥରେ ବିଜୁ ଜନତା ଦଳରେ ସାମିଲ ହୋଇଛନ୍ତି । ବିଜେପି ସରକାର ଗଠନ ପରେ ସେ ବିଜେଡି ଛାଡ଼ି ବିଜେପିରେ ଯୋଗ ଦେଇଥିଲେ। ତେବେ ଶୁକ୍ରବାର ଦିନ  ପୋଲସରାର ପୂର୍ବତନ ବିଧାୟକ ଶ୍ରୀକାନ୍ତ ସାହୁଙ୍କ ସହ ନବୀନ ନିବାସରେ ସେ ଓ ତାଙ୍କ ସମର୍ଥକମାନେ ବିଜେଡିରେ ସାମିଲି ହୋଇଛନ୍ତି  । କେ. ପ୍ରିୟଦର୍ଶିନୀ ଆଚାରୀ ଅଭିଯୋଗ କରିଛନ୍ତି ଯେ ବିଜେପିରେ ତାଙ୍କୁ ଯଥେଷ୍ଟ ସମ୍ମାନ ମିଳୁନଥିଲା। ଏହାସହ ତାଙ୍କ ବ୍ୟବସାୟକୁ ଜାଣି ଶୁଣି ବନ୍ଦ କରାଯାଉଥିବା  ଅଭିଯୋଗ ଆଣିଛନ୍ତି | ସେଥି ପାଇଁ ସେ ଦଳ ଛାଡ଼ିବାକୁ ବାଧ୍ୟ ହୋଇଥିବା କହିଛନ୍ତି।