ରଥଯାତ୍ରା ପହଣ୍ଡିରେ ଚତୁର୍ଦ୍ଧାମୂର୍ତ୍ତିଙ୍କ ଶ୍ରୀଅଙ୍ଗ ସୁରକ୍ଷା ପାଇଁ ଆଜି ଆସିଵ ଵଉଳ କାଠ।

ସତ୍ୟବାଦୀ: ପାଖେଇ ଆସୁଛି ଵିଶ୍ବପ୍ରସିଦ୍ଧ ଘୋଷଯାତ୍ରା। ଚଳଚଞ୍ଚଳ ପାଲଟିଛି ଶ୍ରୀକ୍ଷେତ୍ର। ପ୍ରତିଵର୍ଷ ଶ୍ରୀମନ୍ଦିର ରଥଯାତ୍ରା ପରମ୍ପରା ଅନୁଯାୟୀ ମହାପ୍ରଭୁଙ୍କ ଅଜାଙ୍କ ଘରୁ ଅର୍ଥାତ ପୁରୀ ସତ୍ୟବାଦୀ ସ୍ଥିତ ଶ୍ରୀ ସିଦ୍ଧ ବଳରାମଙ୍କ ପୀଠ ବକୁଳବନରୁ ଠାକୁରଙ୍କ ଶ୍ରୀଅଙ୍ଗର ସୁରକ୍ଷା ନିମିତ୍ତ ବଉଳକାଠ ଯାଇଥାଏ । ତେବେ ବକୁଳବନରେ ଉପଯୋଗୀ ବଉଳକାଠ ନଥିବା ଯୋଗୁଁ ଚଳିତବର୍ଷ ସତ୍ୟବାଦୀ ପୁରାହିତପୁର ଅନ୍ତର୍ଗତ ସାରୁଗାଡ଼ିଆ ଗ୍ରାମରୁ ବଉଳ କାଠ ଚି଼ହ୍ନଟ ହୋଇଥିଵା ବେଳେ, ଆଜି ଗଛ ଛେଦନ ପ୍ରକ୍ରିୟା ହୋଇଛି। ଶ୍ରୀମନ୍ଦିର ପ୍ରଶାସନ ପକ୍ଷରୁ ଆସିଥିବା ସ୍ୱତନ୍ତ୍ର ଶଗଡ଼ିରେ ଆଜି ସନ୍ଧ୍ୟାରେ ସିଦ୍ଧ ବଳରାମ ପୀଠରୁ କାଠ ନେଇ ମେଲାଣି ଦିଆଯିବ। ସ୍ନାନଯାତ୍ରା ଓ ରଥଯାତ୍ରା ସମୟରେ ମହାପ୍ରଭୁ ଜଗନ୍ନାଥ, ବଡ଼ଠାକୁର ଵଳଭଦ୍ର, ଦେବୀ ସଭଦ୍ରା ଓ ସୁଦର୍ଶନଙ୍କ ପହଣ୍ଡି କାଳୀନ ସୁରକ୍ଷା ଵେଳେ ସେନାପଟା ଓ ବାହୁଟ ଲାଗି ପାଇଁ ବଉଳ କାଠ ଵ୍ଯଵହାର ହୁଏ । କିମ୍ବଦନ୍ତୀ ପରମ୍ପରା ଅନୁଯାଇ, ଆଜି ନିର୍ଜଳ ଏକାଦଶୀ ତିଥିରେ ମହାପ୍ରଭୁଙ୍କର ଅଜା ଘର ବାଡିରୁ ବଉଳ କାଠ ସଂଗ୍ରହ କରାଯଇଛି । ଏବର୍ଷ ପାଇଁ ସାକ୍ଷୀଗୋପାଳ ପୁରହିତପୁର ଗାଁ ସାରୁଗଡିଆରୁ ବଉଳକାଠ ନିଆଯାଉଛି । ଶ୍ରୀମନ୍ଦିରରୁ ଆଂଜ୍ଞା ମାଳ ଆସିବା ସହ ଭୋଇ ସେବାୟତ, ମହାରଣା ସେବାୟତ ମାନେ ଗଛ କାଟିବାର ପ୍ରକ୍ରିୟା ରହିଛି । ସନ୍ଧ୍ୟା ପୂର୍ବରୁ କାଠ କାଟିବା ଶହ ଶଗଡରେ ଶ୍ରୀକ୍ଷେତ୍ର ଅଭିମୁଖେ ବାହାରିବ ବଉଳ କାଠ । ତେବେ ପ୍ରଶାସନିକ ଅଧିକାରୀ, ଶ୍ରୀମନ୍ଦିର ପ୍ରଶାସନ କର୍ମଚାରୀ, ଭୋଇ ସେବାୟତ ଓ ମହାରଣା ସେବାୟତ, ସାକ୍ଷୀଗୋପାଳ ମନ୍ଦିର ସେବାୟତଙ୍କ ସହଯୋଗରେ ଗଛ କଟା ଶେଷ ହୋଇ ବଉଳ ଗଛ ଭୂମିଷ୍ଠ ହୋଇଛି ।

ରିପୋର୍ଟ - ସନ୍ତୋଷ କୁମାର ପ୍ରଧାନ