ଦୀର୍ଘ ବର୍ଷର ସମ୍ପର୍କ ପରେ ବିବାହ ବନ୍ଧନରେ ଆବଦ୍ଧ ହେଲେ ଅର୍ଜୁନ ରାମପାଲ୍ ଓ ଗାବ୍ରିଏଲା: ଗୋଆରେ ହେଲା ରେଜିଷ୍ଟ୍ରି ମ୍ୟାରେଜ୍

ମୁମ୍ବାଇ/ଗୋଆ : ବଲିଉଡ୍ ଅଭିନେତା ଅର୍ଜୁନ ରାମପାଲ୍ ଏବଂ ତାଙ୍କ ଦୀର୍ଘଦିନର ବାନ୍ଧବୀ ତଥା ଦକ୍ଷିଣ ଆଫ୍ରିକୀୟ ମୋଡେଲ-ଫ୍ୟାଶନ୍ ଡିଜାଇନର ଗାବ୍ରିଏଲା ଡେମେଟ୍ରିଆଡେସ୍ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ଦୀର୍ଘ ୬ ବର୍ଷରୁ ଅଧିକ ସମୟ ଏକାଠି ରହିବା ପରେ ଉଭୟ ଗୋଆରେ ଆଇନଗତ ଭାବେ ନିଜର ବିବାହ ରେଜିଷ୍ଟ୍ରେସନ୍ କରିଛନ୍ତି। ​ମିଳିଥିବା ସୂଚନା ଅନୁଯାୟୀ, ଗୋଆର ମାପୁସାସ୍ଥିତ ସବ୍-ରେଜିଷ୍ଟ୍ରାର୍ କାର୍ଯ୍ୟାଳୟରେ ଅତି ଆପ୍ତ ବନ୍ଧୁ ଓ ପରିବାରବର୍ଗଙ୍କ ଗହଣରେ ଏହି ବିବାହ ଆନୁଷ୍ଠାନିକ ଭାବେ ସମ୍ପନ୍ନ ହୋଇଛି। ସ୍ଥାନୀୟ ଆଇନ ଅନୁଯାୟୀ ଆବଶ୍ୟକୀୟ ନିୟମାବଳୀ ପୂରଣ କରି ଉଭୟ ନିଜ ସମ୍ପର୍କକୁ ଆଇନଗତ ମାନ୍ୟତା ଦେଇଛନ୍ତି। ​୨୦୧୮ ମସିହାରୁ ଏକାଠି ରହୁଥିବା ଏହି ଦମ୍ପତିଙ୍କର ଦୁଇଟି ପୁଅ ରହିଛନ୍ତି। ବହୁ ଦିନରୁ ଲିଭ୍-ଇନ୍‌ ସମ୍ପର୍କରେ ଥିବା ଏହି ଯୋଡ଼ିଙ୍କ ବିବାହକୁ ନେଇ ବଲିଉଡ୍ ଶୁଭେଚ୍ଛାର ସୁଅ ଛୁଟିଛି।