Amitabh Bachchan Dharmashala:ଅଯୋଧ୍ୟାରେ ଅମିତାଭ କରିବେ ଧର୍ମଶାଳା- ୧୫ କୋଟି ଜମିରେ ଛିଡ଼ାହେବ ପିତାଙ୍କ ସ୍ମୃତି

ଅଯୋଧ୍ୟାରେ ଅମିତାଭ ବଚ୍ଚନ ନିଜ ବାପା ତଥା ଦିବଂଗତ ପ୍ରଖ୍ୟାତ କବି ଡକ୍ଟର ହରିବଂଶ ରାୟ ବଚ୍ଚନଙ୍କ ସ୍ମୃତିରେ ଅଯୋଧ୍ୟାରେ ୨୦ରୁ ଅଧିକ କୋଠରୀ ବିଶିଷ୍ଟ ଧର୍ମଶାଳା କରିବେ। ୧୫ କୋଟି ଟଙ୍କାର ଜମିରେ ପ୍ରସ୍ତାବିତ ପ୍ରକଳ୍ପକୁ ଏଡିଏ ବା ଅଯୋଧ୍ୟା ବିକାଶ ପ୍ରାଧିକରଣର ଅନୁମୋଦନକୁ ଅପେକ୍ଷା ରହିଛି। ବିଲଡିଂର ନକ୍ସାକୁ ଅନୁମୋଦନ ଲାଗି ଆବେଦନ କରାଯାଇଛି। ଏହି ଧର୍ମଶାଳାର ବ୍ୟବହାର ଅଯୋଧ୍ୟାକୁ ଆସୁଥିବା ଶ୍ରଦ୍ଧାଳୁଙ୍କ ରହଣୀ ଲାଗି କରାଯିବ। ଅମିତାଭ ଅଯୋଧ୍ୟାରେ ୧୫ କୋଟି ଟଙ୍କାର ଜମି କିଣିଥିଲେ। ଏ ଜମି ଦଶରଥ ପଥ କୂଳ ଦି ସରାୟୁ ପ୍ରୋଜେକ୍ଟରେ ଅଛି। ଧର୍ମଶାଳା ନିର୍ମାଣ ଏବେ ଅନ୍ତିମ ଅନୁମୋଦନ ଅପେକ୍ଷାରେ। ଅଯୋଧ୍ୟା ବିକାଶ ପ୍ରାଧିକରଣ ପ୍ରସ୍ତାବିତ ନକ୍ସାକୁ ନେଇ ସାର୍ବଜନୀକ ନୋଟିସ ଜାରି କରିଛି। ୧୫ ଦିନ ଭିତରେ ଆପତ୍ତି ଅଭିଯୋଗ ଦାଖଲ କରିବାକୁ କହିଛି। ଏହି ପ୍ରକ୍ରିୟା ପୁରା ହେବା ପରେ ନିୟମାନୁସାରେ ପ୍ରାଧିକରଣ ନକ୍ସା ବାବଦରେ ପରବର୍ତ୍ତୀ ପଦକ୍ଷେପ ନେବ। ଏଡିଏ ଉପାଧ୍ୟକ୍ଷ ଅନୁରାଗ ଜୈନ କହିଛନ୍ତି, ଅମିତାଭଙ୍କ ପକ୍ଷରୁ ଆବେଦନ ମିଳିଛି। ଔପଚାରିକ ପ୍ରକ୍ରିୟା ସରିବା ପରେ ପ୍ରାୟତଃ ଅକ୍ଟୋବରରୁ ନିର୍ମାଣ କାମ ଆରମ୍ଭ ହେବାର ଆଶା ଅଛି। ଅଯୋଧ୍ୟାରେ ନିରନ୍ତର ବଢ଼ୁଥିବା ଧାର୍ମିକ ଓ ପର୍ଯ୍ୟଟନ ଗତିବିଧି ଭିତରେ ଶ୍ରଦ୍ଧାଳୁଙ୍କ ଲାଗି ରହିବାର ସୁବିଧାର ବିସ୍ତାର ସହର ବିକାଶରେ ଲାଗିବ।