ବିବାହ ବନ୍ଧନରେ ବାନ୍ଧିହେଲେ କ୍ରିକେଟର ଆକାଶ ଦୀପ। ଧରିଲେ ଅକ୍ଷିତା ରାଜଙ୍କ ହାତ।

ଭାରତୀୟ ଦ୍ରୁତ ବୋଲର ଆକାଶଦୀପ ଆରମ୍ଭ କଲେ ନୂଆ ଇନିଂସ୍ । ବିବାହ ବନ୍ଧନରେ ବାନ୍ଧିହେଲେ ଭାରତୀୟ କ୍ରିକେଟ ର ଦ୍ରୁତ ବୋଲର ଆକାଶଦୀପ। ଧରିଲେ ଅକ୍ଷିତା ରାଜଙ୍କ ହାତ । ବୁଧବାର ବାରାଣସୀର ତାଜ ଗଙ୍ଗେଜ ହୋଟେଲରେ ଏହି ବିବାହ ଅନୁଷ୍ଠିତ ହୋଇଥିଲା। ଏହି ଭବ୍ୟ ସମାରୋହରେ ୩ଶହରୁ ଅଧିକ ଅତିଥି ଯୋଗ ଦେଇଥିଲେ। ଏହି ବିବାହ ଉତ୍ସବରେ କ୍ୟୁଆର୍ କୋଡ୍ ସ୍କାନିଂ ପରେ ବିବାହରେ ସାମିଲ୍ ହୋଇଥିଲେ ଅତିଥି। ଅନ୍ୟପଟେ ବିବାହ ଉତ୍ସବରେ ଭୋଜପୁରୀ ଗାୟକ ଓ ଅଭିନେତା ପଓ୍ୱନ ସିଂହ (Pawan Singh) ମଧ୍ୟ ଯୋଗ ଦେଇ ନବଦମ୍ପତିଙ୍କୁ ଶୁଭେଚ୍ଛା ଜଣାଇଥିଲେ। ବିବାହ ପରେ, ଆକାଶ ଦୀପ ନିଜ ସୋସିଆଲ ମିଡିଆ ଆକାଉଣ୍ଟ ଇଣ୍ଟାଗ୍ରାମରେ ସୁନ୍ଦର ମୁହୁର୍ତ୍ତର ଫୋଟ ସେୟାର କରି କ୍ୟାପସନରେ ଲେଖିଛନ୍ତି, “ଆମେ ଏକାସାଙ୍ଗେ ସବୁଠାରୁ ଦୀର୍ଘ ଏବଂ ସୁନ୍ଦର ଇନିଂସ୍ ଖେଳିବାକୁ ପ୍ରସ୍ତୁତ। ଜୀବନର ଏହି ନୂଆ ଅଧ୍ୟାୟ ଆରମ୍ଭ କରୁଥିବାବେଳେ, ତୁମେ ମୋର ସହଯାତ୍ରୀ ଥିବାରୁ ପ୍ରତ୍ୟେକ ଦିନ ଏକ ବିଜୟ ଭଳି ଲାଗିବ।”

ସୂଚନା ଅନୁସାରେ, ୨୦୨୪ ଫେବୃଆରୀରେ ଭାରତ ପାଇଁ ଟେଷ୍ଟ ଡେବ୍ୟୁ କରିଥିବା ଆକାଶ ଦୀପ ଏପର୍ଯ୍ୟନ୍ତ ୧୦ଟି ଟେଷ୍ଟ ମ୍ୟାଚ୍ ଖେଳିଛନ୍ତି। ପିଠିରେ ଆଘାତ କାରଣରୁ ଆକାଶ ଦୀପ ଚଳିତ ଆଇପିଏଲ ୨୦୨୬ରେ ନିଜ ଖେଳ ପ୍ରଦର୍ଶନ କରିପାରିନଥିଲେ। ତେବେ ବର୍ତ୍ତମାନ ସେ ସୁସ୍ଥ ହୋଇ ଚଳିତ ବର୍ଷର ଶେଷ ଭାଗରେ ପୁଣିଥରେ ଭାରତୀୟ ଦଳକୁ ଫେରିବା ଉପରେ ଧ୍ୟାନ କେନ୍ଦ୍ରିତ କରିଛନ୍ତି।