Yamuna Cleanup Drive: ଯମୁନା ସଫେଇ ଅଭିଯାନ: ୪ ଘଣ୍ଟାରେ ୫୮୫ କେଜି ଆବର୍ଜନା ସଫା

ନୂଆଦିଲ୍ଲୀ: ୪ ଘଣ୍ଟାରେ ଯମୁନାରୁ ୫୮୫ କେଜି ଆବର୍ଜନା ସଫା, ପରିବେଶ କର୍ମୀଙ୍କ ନିଆରା ପ୍ରୟାସ ଯମୁନା ନଦୀକୁ ସ୍ୱଚ୍ଛ ରଖିବା ଓ ନଦୀ ପ୍ରଦୂଷଣ ବିରୋଧରେ ସଚେତନତା ସୃଷ୍ଟି ପାଇଁ ନିଆରା ପଦକ୍ଷେପ ନେଇଛନ୍ତି ପରିବେଶ କର୍ମୀ ବିଟ୍ଟୁ ତବାହି। ଦିଲ୍ଲୀର ଯମୁନା ନଦୀରୁ ମାତ୍ର ୪ ଘଣ୍ଟା ମଧ୍ୟରେ ୫୮୫ କେଜି ଆବର୍ଜନା ସଂଗ୍ରହ କରିଛନ୍ତି ସେ। ନଦୀରେ ଜମି ରହିଥିବା ବିଭିନ୍ନ ପ୍ରକାରର ଆବର୍ଜନାକୁ ସଫା କରିବା ସହ ଯମୁନା ପ୍ରଦୂଷଣ ପ୍ରସଙ୍ଗକୁ ଲୋକଙ୍କ ନଜରକୁ ଆଣିବା ଏହି ଅଭିଯାନର ମୁଖ୍ୟ ଉଦ୍ଦେଶ୍ୟ ଥିଲା।

ମାତ୍ର କିଛି ଘଣ୍ଟାର ଅଭିଯାନରେ ଏତେ ପରିମାଣର ଆବର୍ଜନା ସଂଗ୍ରହ ହେବା ନଦୀ ପ୍ରଦୂଷଣର ଚିତ୍ରକୁ ସାମ୍ନାକୁ ଆଣିଛି। ଯମୁନାକୁ ସ୍ୱଚ୍ଛ ରଖିବା ପାଇଁ ପ୍ରଶାସନ ସହ ସାଧାରଣ ଲୋକଙ୍କ ଭୂମିକା ମଧ୍ୟ ଗୁରୁତ୍ୱପୂର୍ଣ୍ଣ ବୋଲି ଏହି ଅଭିଯାନ ମାଧ୍ୟମରେ ବାର୍ତ୍ତା ଦିଆଯାଇଛି। ପରିବେଶ ସୁରକ୍ଷା ପାଇଁ ବିଟ୍ଟୁ ତବାହିଙ୍କ ଏହି ପ୍ରୟାସ ଏବେ ଚର୍ଚ୍ଚାରେ ରହିଛି।