ବିଚ ରାସ୍ତାରେ ଖଣ୍ଡା ବୁଲାଇବା ଘଟଣା: ବିଜେପି କର୍ମୀ ସହ ଦୁଇ ଆନ୍ତଃଜିଲ୍ଲା ଅପରାଧୀ ଗିରଫ

ଟିଟିଲାଗଡ଼ ସହରରେ କିଛି ସମୟ ଧରି ଆତଙ୍କର ମାହୋଲ ସୃଷ୍ଟି କରିଥିବା ବିଜେପି କର୍ମୀକୁ ମହଙ୍ଗା ପଡିଛି ବିଚ ରାସ୍ତାରେ ଖଣ୍ଡା ବୁଲାଇବା । ଅଭିଯୋଗ ପରେ ପୁରା ଆକ୍ସନ ମୋଡ଼ରେ ପୋଲିସ।  ଗାଡିକୁ ପିଛା କରି ଆତଙ୍କ ଚଳାଉଥିବା ଗ୍ୟାଙ୍ଗକୁ କରିଛି କାବୁ l ଯାହାକୁ ନେଇ ଏବେ ସାରା ସହରରେ ଚର୍ଚ୍ଚା ଜୋର ଧରିଛି l ସିସିଟିଭି ଫୁଟେଜରେ ବିଚ୍‌  ରାସ୍ତାରେ ଖଣ୍ଡା, ଭୂଜାଲି, ଲୁହା ରଡ଼ ଦେଖାଇ ଜଣେ ଯୁବକଙ୍କୁ ଆକ୍ରମଣ କରିଥିବା ଦୃଶ୍ୟ ସ୍ପଷ୍ଟ ରହିଛି l ତେବେ ଆତଙ୍କ ଚଳାଇଥିବା ବିଜେପି କର୍ମୀ ରମେଶ ବସ୍ତିଆର ଗାଡି ଉପରେ ରଖା ଯାଇଛି ଖଣ୍ଡା, ଭୂଜାଲି, ଲୁହା ରଡ଼ ସବୁ। ସହରରେ ଆତଙ୍କ ଖେଳାଇବା ଉଦ୍ଦେଶ୍ୟ ନେଇ ଯୋଜନା କରି ପଶିଥିଲେ ଡୁମାଲପଡ଼ା ଗାଁର ରମେଶ ବସ୍ତିଆ, ଆଉ ସାଙ୍ଗରେ ଥିଲେ ବରଗଡ଼ ଜିଲ୍ଲାର ଗୌରବ ଦାଶ ଏବଂ ମୁକେଶ ମେହେର। ସାଧାରଣ ଯାତ୍ରୀ ମାନଙ୍କୁ ଭୟଭୀତ କରି ଆତଙ୍କ ଖେଳାଇ ଫେରାର ମାରୁଥିବା ବେଳେ ପିଛା କରି ଅଭିଯୁକ୍ତଙ୍କୁ ଗିରଫ କରିଛି ଟିଟିଲାଗଡ଼ ପୋଲିସ। ବିଭିନ୍ନ ସଂଗୀନ ମାମଲାରେ ମାମଲା ରୁଜୁ କରି ଗିରପ କରିଛି ଟିଟିଲାଗଡ଼ ପୋଲିସ ଗ୍ୟାଙ୍ଗକୁ। ସୂଚନା ଅନୁସାରେ, ଟିଟିଲାଗଡ଼ ବିଜେପି ବିଧାୟକଙ୍କ ସହଯୋଗୀ ତଥା ବିଜେପି କର୍ମୀ ଭାବରେ ରମେଶ ବସ୍ତିଆ ବେଶ ପରିଚିତ l ଗତକାଲି ଟିଟିଲାଗଡ଼ ବିଧାୟକ ନବୀନ ଜୈନଙ୍କୁ ଭେଟିବା ପରେ ଏମାନେ ସହରରେ ଆତଙ୍କ ଖେଳାଇଥିବା ନେଇ ଏବେ ସହରରେ ବ୍ୟାପକ ଚର୍ଚ୍ଚା ଜୋର ଧରିଛି l କିଛି ମାସ ପୂର୍ବରୁ ମଧ୍ୟ ରମେଶ ବସ୍ତିଆ ବଡ଼ମାଳ ପୋଲିସ ଫାଣ୍ଡିରେ ପଶି ପୋଲିସ କର୍ମଚାରୀ ମାନଙ୍କୁ ମାଡ଼ ମାରିଥିବା ନେଇ ମାମଲା ରହିଥିବା ବେଳେ, ଗତ କାଲି ଟିଟିଲାଗଡ଼ ସହରରେ ପ୍ରଥମେ ପୁରୁଣା ବ୍ୟାଙ୍କ ଛକରେ ଆକାଶ ପ୍ରଧାନଙ୍କୁ ଖଣ୍ଡା, ଭୂଜାଲି ଦେଖାଇ ଭୟଭୀତ କରିବା ପରେ ରେଲୱେ ଷ୍ଟେସନ ରାସ୍ତାରେ ଅସିତ ପ୍ରଧାନଙ୍କ ଉପରେ ଆକ୍ରମଣ କରିଥିଲେ l ଯାହାକୁ ନେଇ ଟିଟିଲାଗଡ଼ ପୋଲିସ ଦୁଇ ଗୋଟି ମାମଲା ରୁଜୁ କରି ବିଜେପି କର୍ମୀ ସହ ଆନ୍ତଃଜିଲ୍ଲା ଅସାମାଜିକ ବ୍ୟକ୍ତି ଦ୍ୱୟ ଙ୍କୁ ଗିରଫ କରି ଆଜି ସମସ୍ତ ଗିରପ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ପୋଲିସ।

ରିପୋର୍ଟ- ସଞ୍ଜୟ ଵେହେରା