ଜିତିବା ପରେ କାହିଁକି ଗୋଲପୋଷ୍ଟ ନେଟ୍ କାଟିଦେଲେ ସ୍ପେନ୍ ଖେଳାଳୀ

ଫିଫା ବିଶ୍ୱକପ୍ ବିଜୟୀ ସ୍ପେନ ଟିମର ଏକ ଅଦ୍ଭୂତ କାରନାମା ଏବେ ପୁରା ଦୁନିଆର ଫୁଟବଲ ଫ୍ୟାନ୍ସଙ୍କ ଦୃଷ୍ଟି ଆକର୍ଷଣ କରିଛି। ଆର୍ଜେଣ୍ଟିନାକୁ ହରାଇ ବିଶ୍ୱକପ୍ ଜିତିବା ପରେ ସ୍ପେନ ଖେଳାଳୀ ଗୋଲପୋଷ୍ଟର ନେଟ୍ କାଟି ନିଜ ପାଖରେ ରଖିଲେ। ଏମିତିରେ ଏ ପରମ୍ପରା ଫୁଟବଲର ନୁହେଁ। ବରଂ ଆମେରିକୀୟ ବାସ୍କେଟବଲର ଅଛି। ଯେଉଁଠି ନେଟକୁ ସ୍ମୃତିସ୍ୱରୂପ ସାଙ୍ଗରେ ନେଇଯାଆନ୍ତି ଚାମ୍ପିଅନ ଟିମ୍। ଏହାର ଶୁଭାରମ୍ଭ ୨୦ବିଂଶ ଶତାବ୍ଦୀରୁ ଆମେରିକାର ଇଣ୍ଡିଆନା ରାଜ୍ୟରୁ ଆରମ୍ଭ ହୋଇଥିଲା। ମେଟଲାଇଫ ଷ୍ଟାଡିୟମରେ ଖେଳାଯାଇଥିବା ଫିଫା ଫାଇନାଲରେ ଆର୍ଜେଣ୍ଟିନାକୁ ହରାଇବା ପରେ ସ୍ପେନ ଖେଳାଳୀ ବାସ୍କେଟବଲର ପ୍ରସିଦ୍ଧ ପରମ୍ପରାକୁ ଆପଣାଇଥିଲେ। ଏହି ପରମ୍ପରା ୧୯୪୭ରେ ପୁରା ଦୁନିଆରେ ଚର୍ଚ୍ଚାର ପରିସରକୁ ଆସିଥିଲା। ଯେବେ ନର୍ଥ କୈରୋଲିନା ଷ୍ଟେଟର କୋଚ୍ ଏଭରେଟ୍ କେସ ନିଜ ଟିମକୁ ସଦର୍ଣ୍ଣ କନଫ୍ରେନ୍ସ ଟୁର୍ଣ୍ଣାମେଣ୍ଟ ଜିତିବାର ସେଲିବ୍ରେସନ ପାଇଁ ଖେଳାଳୀଙ୍କୁ କାନ୍ଧରେ ବସାଇ ବାସ୍କେଟବଲର ନେଟକୁ କାଟିଥିଲେ। ଏଭରେଟ କେସ୍ ୨୩ ବର୍ଷ ଧରି ହାଇସ୍କୁଲ ବାସ୍କେଟବଲର କୋଚ୍ ଥିଲେ। ସେ ଚାରିଥର ଷ୍ଟେଟ ଚାମ୍ପିଅନ ହୋଇଥିଲେ। ତାଙ୍କ ପରେ ଏହି ପରମ୍ପରା ଆମେରିକାର କଲେଜ ବାସ୍କେଟବଲ ଓ ପରେ ପେଶାଦାର ବାସ୍କେଟବଲ ଜିତରେ ସବୁଠୁ ପ୍ରତିଷ୍ଠିତ ପ୍ରତୀକ ଭାବେ ବିବେଚନା କରାଯାଉଛି। ଫୁଟବଲ ଖେଳରେ ଏମିତି ପରମ୍ପରା ପ୍ରାୟତଃ ନାହିଁ। ଟ୍ରଫି ଜିତିବା ପରେ ମେଡାଲ, ମ୍ୟାଚ୍ ବଲ୍ ବା ଜର୍ସିକୁ ସ୍ମୃତି ଭାବେ ନିଜ ସାଙ୍ଗରେ ରଖିଥାଆନ୍ତି ଖେଳାଳୀ। କିନ୍ତୁ ସ୍ପେନିଶ ଖେଳାଳୀ ଏଥର ବାସ୍କେଟବଲର ଏହି ଐତିହାସିକ ପରମ୍ପରାକୁ ଆପଣାଇ ସେଲିବ୍ରେସନରେ ଭିନ୍ନ ରଙ୍ଗ ଦେଲେ। ଗୋଲପୋଷ୍ଟର ଟୁକୁଡ଼ା ତାଙ୍କ ଲାଗି ଐତିହାସିକ ବିଜୟର ସବୁଠୁ ବଡ଼ ପ୍ରତୀକ ସାଜିଗଲା।