ପ୍ରଧାନମନ୍ତ୍ରୀ ମୋଦିଙ୍କ ୨୦ ତାରିଖରେ ଓଡ଼ିଶା ଗସ୍ତ, ମୟୂରଭଞ୍ଜରେ ବ୍ୟାପକ ପ୍ରସ୍ତୁତି

ଭୁବନେଶ୍ୱର: ଆସନ୍ତା ୨୦ ତାରିଖରେ ଦିନିକିଆ ଓଡିଶା ଗସ୍ତରେ ଆସୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ରାଜ୍ୟ ସରକାରଙ୍କ ଦୁଇ ବର୍ଷ ପୂର୍ତ୍ତୀ ଅବସରରେ ହେବାକୁ ଥିବା କାର୍ଯ୍ୟକ୍ରମରେ ସାମିଲ ହେବା ସହିତ ଏକାଧିକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କରିବେ । ଏଥିପାଇଁ ରାଷ୍ଟ୍ରପତି ଦୌପଦ୍ରୀ ମୁର୍ମୁଙ୍କ ଗାଁ ମୟୁରଭଞ୍ଜ ଜିଲ୍ଲାର ପାହାଡପୁରରେ ଚାଲିଛି ଯୋରଦାର ପ୍ରସ୍ତୁତି । ଏହି ସ୍ଥାନଟି ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଜନ୍ମଗ୍ରାମ ହୋଇଥିବାରୁ ଗସ୍ତକୁ ନେଇ ଅଧିକ ଗୁରୁତ୍ୱ ଦିଆଯାଉଛି। ମିଳିଥିବା ସରକାରୀ ସୂଚନା ଅନୁସାରେ ପ୍ରଧାନମନ୍ତ୍ରୀ ମୋଦି ଜୁନ ୨୦ ରେ ଦିନିକିଆ ଓଡ଼ିଶା ଗସ୍ତରେ ଆସିବେ । ରାଜ୍ୟ ସରକାରଙ୍କ ପକ୍ଷରୁ ଆୟୋଜିତ ହେଉଥିବା ଦୁଇ ବର୍ଷ ପୂର୍ତ୍ତି କାର୍ଯ୍ୟକ୍ରମରେ ସାମିଲ ହେବେ ମୋଦି ।  ୨୦ ତାରିଖ ୧୧:୦୫ ରେ ମୟୂରଭଞ୍ଜର ପାହାଡପୁରରେ ପହଞ୍ଚିବେ ପ୍ରଧାନମନ୍ତ୍ରୀ । ପ୍ରାୟ ଏକ ଘଣ୍ଟା ଧରି ମହାମହିମ ରାଷ୍ଟ୍ରପତିଙ୍କ ଗାଁ  ପରିଦର୍ଶନ କରିବେ । ଏହା ପରେ ଦାଣ୍ଡବୋସ ଯିବେ । ସେଠାରେ ପ୍ରାୟ ଅପରାହ୍ନ ୧ଟାରୁ ୨ଟା ପର୍ଯ୍ୟନ୍ତ ଓଡ଼ିଶା ସରକାରଙ୍କ ଦୁଇ ବର୍ଷ ପୂରଣ ଉପଲକ୍ଷେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ସାମିଲ ହେବେ ।  ଏହି ଠାରେ ରାଜ୍ୟପାଇଁ ଏକାଧିକ ପ୍ରକଳ୍ପର ଶିଳାନ୍ୟାସ ସହ ଉଦଘାଟନ ହୋଇପାରେ ।  କାର୍ଯ୍ୟକ୍ରମ ପରିସମାପ୍ତି ପରେ ପ୍ରଧାନମନ୍ତ୍ରୀ ମୋଦି ମୟୂରଭଞ୍ଜରୁ ପଶ୍ଚିମବଙ୍ଗ ହୁଗଲି ଅଭିମୁଖେ ଯାତ୍ରା କରିବେ ।