Malkangiri Hospital Negligence : ମାଲକାନଗିରି ମେଡିକାଲରେ ଅଭାବନୀୟ ଘଟଣା

ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ପ୍ରସୂତିଙ୍କ ମୃତ୍ୟୁକୁ ନେଇ ଉତ୍ତେଜନା। ଡାକ୍ତରଙ୍କ ଅବହେଳା ଓ ଠିକ୍ ସମୟରେ ଚିକିତ୍ସା ନମିଳିବା ନେଇ ପରିବାର ପକ୍ଷରୁ ଗୁରୁତର ଅଭିଯୋଗ।ସୂଚନା ଅନୁଯାୟୀ, କାଲିମେଳା ଅଞ୍ଚଳରୁ ରାତି ପ୍ରାୟ ୧୦ଟା ସମୟରେ ଜଣେ ଗୁରୁତର ପ୍ରସୂତିଙ୍କୁ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା। ସଠିକ୍ ସମୟରେ ସିଜରିଂ ଓ ଆବଶ୍ୟକ ଚିକିତ୍ସା ନହେବାରୁ ତାଙ୍କ ଅବସ୍ଥା ଆହୁରି ଗୁରୁତର ହୋଇଥିବା ପରିବାର ଅଭିଯୋଗ କରିଛି। ପରେ ତାଙ୍କୁ ICUକୁ ସ୍ଥାନାନ୍ତର କରାଯାଇଥିଲେ ମଧ୍ୟ ଶେଷରେ ତାଙ୍କର ମୃତ୍ୟୁ ହୋଇଥିଲା। ଏହି ଘଟଣାକୁ ନେଇ ମୃତକଙ୍କ ପରିବାର ଓ ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିବା ସହ ଦାୟୀ ଡାକ୍ତର ଓ ସମ୍ପୃକ୍ତ କର୍ମଚାରୀଙ୍କ ବିରୋଧରେ ତଦନ୍ତ କରି ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି।ତେବେ ଘଟଣାର ପ୍ରକୃତ କାରଣ ଓ ଚିକିତ୍ସାରେ ଅବହେଳା ହୋଇଥିଲା କି ନାହିଁ, ତାହା ତଦନ୍ତ ପରେ ସ୍ପଷ୍ଟ ହେବ।