Maa Sarala Peetha:ନବରାତ୍ରିରେ ମା’ ସାରଳାଙ୍କ ପୀଠ ଉତ୍ସବମୁଖର

ଜଗତସିଂପୁର:ନବରାତ୍ରି ଅବସରରେ ମା’ ଝଙ୍କଡ଼ ବାସିନୀ ବାକ୍‌ଦେବୀ ସାରଳାଙ୍କ ପୀଠରେ ଚାଲିଛି ସ୍ୱତନ୍ତ୍ର ପୂଜାର୍ଚ୍ଚନା। ମା’ଙ୍କ ଦର୍ଶନ ଓ ଆଶୀର୍ବାଦ ପାଇବା ପାଇଁ ପୀଠରେ ଭକ୍ତଙ୍କ ସମାଗମ ହେଉଛି। ବିଧିବିଧାନ ଅନୁଯାୟୀ ମା’ଙ୍କର ଷୋଡ଼ଶ ଉପଚାର ପୂଜା ଚାଲିଥିବା ବେଳେ, ଭକ୍ତି ଓ ଆଧ୍ୟାତ୍ମିକତାରେ ଭରିଯାଇଛି ପରିବେଶ।ଭକ୍ତଙ୍କ ହୁଳହୁଳି, ଘଣ୍ଟଘଣ୍ଟାର ଶବ୍ଦ ଏବଂ ମା’ଙ୍କ ଜୟଧ୍ୱନିରେ ପ୍ରକମ୍ପିତ ହେଉଛି ସାରଳାଙ୍କ ପୀଠ। ମା’ଙ୍କ ନିକଟରେ ଦୀପ ଜାଳି ଭକ୍ତମାନେ ନିଜ ପରିବାରର ସୁଖ, ଶାନ୍ତି ଓ ମଙ୍ଗଳ କାମନା କରୁଛନ୍ତି।ଶକ୍ତି ଉପାସନାର ଏହି ପବିତ୍ର ଦିନଗୁଡ଼ିକରେ ମା’ ସାରଳାଙ୍କ ପୀଠରେ ଦେଖିବାକୁ ମିଳୁଛି ଅପୂର୍ବ ଭକ୍ତିମୟ ପରିବେଶ। ପୂଜାନୀତି ଓ ଭକ୍ତଙ୍କ ଆଧ୍ୟାତ୍ମିକ ଉତ୍ସାହ ପୀଠର ଧାର୍ମିକ ମହତ୍ତ୍ୱକୁ ଆହୁରି ଉଜ୍ଜ୍ୱଳ କରୁଛି।