Israel Faces Coalition Deadlock:ବହୁମତରୁ ଦୂରରେ ବେଞ୍ଜାମିନ୍- ଆରବ ପାର୍ଟି କିଙ୍ଗମେକର..
ନେତାନ୍ୟାହୁଙ୍କ ଲିକୁଡ ପାର୍ଟି ୨୭ ଆସନ ଜିତି ସବୁଠୁ ବଡ଼ ଦଳ ଭାବେ ଉଭା ହୋଇଛି। କେହି ସଂଖ୍ୟାଗରିଷ୍ଠତା ହାସଲ କରିନଥିବାରୁ ସତ୍ତାର ସନ୍ତୁଳନକୁ ନେଇ ଅନିଶ୍ଚିତତା ଲାଗି ରହିଛି। ଭୋଟରେ ଗଡ଼ବଡ଼ିକୁ ନେଇ ଆରୋପ ଲଦିଛନ୍ତି ନେତାନ୍ୟାହୁ। ଏଭଳି ସ୍ଥିତିରେ ଆରବ ପାର୍ଟି କରିବ ଖେଳ। କାରଣ ୧୯ ସିଟ୍ ଜିତି ଏବେ କିଙ୍ଗମେକର ଭୂମିକାରେ ଅଛି ଆରବ ପାର୍ଟି।
ଇସ୍ରାଏଲରେ ସରିଲା ଭୋଟ ଗଣତି। ତଥାପି ବହୁମତରୁ ଦୂରରେ ରହିଲେ ବେଞ୍ଜାମିନ ନେତାନ୍ୟାହୁ। ୧୨୦ ଆସନ ବିଶିଷ୍ଟ ସଂସଦରେ ସଂଖ୍ୟାଗରିଷ୍ଠତା ହାସଲ କରିପାରିଲେନି ନେତାନ୍ୟାହୁଙ୍କ ମେଣ୍ଟ। ମ୍ୟାଜିକ ନମ୍ୱର ୬୧ ଥିଲା ବେଳେ ନେତାନ୍ୟାହୁଙ୍କ ମେଣ୍ଟ ହାତେଇଲା ୫୩ ସିଟ୍। ବହୁମତରୁ ୮ଟି କମ୍ ଆସନ ପାଇଲା। ବିରୋଧୀ ଦଳକୁ ବି ମିଳିନି ବହୁମତ। ବିରୋଧୀ ଦଳକୁ ମିଳିଛି ୪୮ ଆସନ। ଏଭଳି ସ୍ଥିତିରେ ଆରବ ପାର୍ଟି କରିବ ଖେଳ। କାରଣ ୧୯ ସିଟ୍ ଜିତି ଏବେ କିଙ୍ଗମେକର ଭୂମିକାରେ ଅଛି ଆରବ ପାର୍ଟି। ନେତାନ୍ୟାହୁଙ୍କ ଲିକୁଡ ପାର୍ଟି ୨୭ ଆସନ ଜିତି ସବୁଠୁ ବଡ଼ ଦଳ ଭାବେ ଉଭା ହୋଇଛି। କେହି ସଂଖ୍ୟାଗରିଷ୍ଠତା ହାସଲ କରିନଥିବାରୁ ସତ୍ତାର ସନ୍ତୁଳନକୁ ନେଇ ଅନିଶ୍ଚିତତା ଲାଗି ରହିଛି। ଭୋଟରେ ଗଡ଼ବଡ଼ିକୁ ନେଇ ଆରୋପ ଲଦିଛନ୍ତି ନେତାନ୍ୟାହୁ। ସମ୍ଭାବ୍ୟ ଗଡ଼ବଡ଼ିର ତଦନ୍ତ ପରେ ନଭେମ୍ୱର ୪ରେ ଚୂଡ଼ାନ୍ତ ରେଜଲ୍ଟକୁ ଔପଚାରିକ ଭାବେ ରାଷ୍ଟ୍ରପତି ଇସାକ ହର୍ଜାଙ୍ଗଙ୍କୁ ଦିଆଯିବ। ନବନିର୍ବାଚିତ ୨୬ତମ ସଂସଦର ଶପଥଗ୍ରହଣ ନଭେମ୍ୱର ୧୦ରେ ହେବ। ଇସ୍ରାଏଲରେ ଆନୁପାତିକ ପ୍ରତିନିଧିତ୍ୱ ବା (Proportionate Representation) ପ୍ରକ୍ରିୟା ଲାଗୁ ଅଛି। ଏହି ଆଧାରରେ ୧୨୦ ସଂସଦୀୟ ଗୃହରେ ଦଳକୁ ରାଷ୍ଟ୍ରୀୟ ସ୍ତରରେ ମିଳିଥିବା ଭୋଟ ଅନୁପାତରେ ସିଟ୍ ମିଳିଥାଏ। ଏହି ବ୍ୟବସ୍ଥା କାରଣରୁ ଅନେକ ଦଳ ସଂସଦରେ ପ୍ରତିନିଧିତ୍ୱ କରିବାକୁ ମଉକା ପାଆନ୍ତି। ସେଥିଲାଗି ସରକାର ଗଠନରେ ମେଣ୍ଟ ଅନିର୍ବାର୍ଯ୍ୟ ହୋଇପଡ଼େ। ଇସ୍ରାଏଲରେ ସବୁଠୁ ଲମ୍ୱା ସମୟ ଧରି ପ୍ରଧାନମନ୍ତ୍ରୀ ଥିବା ନେତାନ୍ୟାହୁ ପୁଣି ଥରେ ସତ୍ତାରେ ରହିବାକୁ ପ୍ରୟାସ କରୁଛନ୍ତି। ୨୦୨୨ ନିର୍ବାଚନରେ ସଂସଦରେ ନେତାନ୍ୟାହୁଙ୍କ ପାଖରେ ୬୪ ସିଟ୍ ସହ ବହୁମତ ଥିଲା। ଏକଜିଟ ପୋଲ୍ ସର୍ଭେ ତଥା ରାଜନୈତିକ ଆକଳନ କହୁଛି ଯେ, ବିରୋଧୀ ଦଳ ନେତା ଆଇସନକୋର୍ଟଙ୍କୁ ଆରବ ପାର୍ଟି ସମର୍ଥନ କରିପାରେ।
ବେଞ୍ଜାମିନ୍ ନେତାନ୍ୟାହୁ ଇସ୍ରାଏଲର ଜଣେ ପ୍ରମୁଖ ରାଜନେତା। ସେ ଅନେକଥର ଇସ୍ରାଏଲର ପ୍ରଧାନମନ୍ତ୍ରୀ ହୋଇଛନ୍ତି। ୨୦୨୨ ନଭେମ୍ୱର ୧ ତାରିଖରେ ଇସ୍ରାଏଲରେ ସଂସଦୀୟ ନିର୍ବାଚନ ହୋଇଥିଲା। ଏହି ନିର୍ବାଚନରେ ନେତାନ୍ୟାହୁଙ୍କ ଲିକୁଡ୍ ପାର୍ଟି ସର୍ବାଧିକ ଆସନ ହାସଲ କରିଥିଲା। ତାଙ୍କ ମେଣ୍ଟକୁ ମୋଟ ୧୨୦ଟି ଆସନରୁ ୬୪ଟି ଆସନ ମିଳିଥିଲା। ଏହାପରେ ବିଭିନ୍ନ ଦଳ ସହ ମେଣ୍ଟ କରି ୨୦୨୨ ଡିସେମ୍ୱର ୨୯ ତାରିଖରେ ନେତାନ୍ୟାହୁ ପୁଣିଥରେ ପ୍ରଧାନମନ୍ତ୍ରୀ ଭାବେ ଶପଥ ନେଇଥିଲେ।
କେଉଁ କେଉଁ ଦଳକୁ ନେଇ ଗଠିତ ହୋଇଥିଲା ସରକାର?
ନେତାନ୍ୟାହୁଙ୍କ ସରକାରରେ ଏକାଧିକ ଦକ୍ଷିଣପନ୍ଥୀ ଓ ଧାର୍ମିକ ଓ ଅତି ରକ୍ଷଣଶୀଳ ରାଜନୈତିକ ଦଳ ସାମିଲ ହୋଇଥିଲେ।
ପ୍ରମୁଖ ଦଳଗୁଡ଼ିକ ହେଉଛି:
ଲିକୁଡ୍ ପାର୍ଟି – ବେଞ୍ଜାମିନ୍ ନେତାନ୍ୟାହୁ
ରିଲିଜିୟସ୍ ଜାୟୋନିଷ୍ଟ ପାର୍ଟି – ବେଜାଲେଲ୍ ସ୍ମୋଟ୍ରିଚ୍
ଓଟ୍ଜମା ୟେହୁଦିତ୍ – ଇତାମାର ବେନ୍-ଗଭିର୍
ଶାସ୍ ପାର୍ଟି – ଆରିଏ ଡେରି
ୟୁନାଇଟେଡ୍ ତୋରା ଜୁଡାଇଜିମ୍
ନୋଆମ୍ ପାର୍ଟି
ନେତାନ୍ୟାହୁ ସରକାରକୁ ନେଇ କାହିଁକି ବିବାଦ?
ନେତାନ୍ୟାହୁଙ୍କ ସରକାର ଗଠନ ପରଠାରୁ ଅନେକ ପ୍ରସଙ୍ଗକୁ ନେଇ ଦେଶ ଭିତରେ ଓ ଅନ୍ତର୍ଜାତୀୟ ସ୍ତରରେ ଚର୍ଚ୍ଚା ହୋଇଛି।
ନ୍ୟାୟିକ ସଂସ୍କାର: ଇସ୍ରାଏଲର ନ୍ୟାୟ ବ୍ୟବସ୍ଥାରେ ପରିବର୍ତ୍ତନ ଆଣିବାକୁ ସରକାର ଉଦ୍ୟମ କରିଥିଲା। ଏହାକୁ ବିରୋଧ କରି ଦେଶର ବିଭିନ୍ନ ସ୍ଥାନରେ ବଡ଼ ଧରଣର ପ୍ରତିବାଦ ହୋଇଥିଲା।
ପାଲେଷ୍ଟାଇନ୍ ପ୍ରସଙ୍ଗ: ପାଲେଷ୍ଟାଇନ୍ ଅଞ୍ଚଳରେ ଇସ୍ରାଏଲୀ ବସତି ଏବଂ ସୁରକ୍ଷା ନୀତିକୁ ନେଇ ମେଣ୍ଟରେ ଥିବା ଦଳଗୁଡ଼ିକର ଭିନ୍ନ ଆଭିମୁଖ୍ୟ ରହିଥିଲା।
ହମାସ୍ ଆକ୍ରମଣ: ୨୦୨୩ ଅକ୍ଟୋବର ୭ରେ ହମାସ୍ ଇସ୍ରାଏଲ ଉପରେ ଆକ୍ରମଣ କରିବା ପରେ ଦେଶର ସୁରକ୍ଷା ଓ ଗାଜା ଯୁଦ୍ଧ ସରକାର ପାଇଁ ଏକ ବଡ଼ ଆହ୍ୱାନ ପାଲଟିଥିଲା।
୬. ଆଗକୁ ଇସ୍ରାଏଲ ରାଜନୀତିରେ କ'ଣ ହୋଇପାରେ?
ଇସ୍ରାଏଲର ପରବର୍ତ୍ତୀ ସରକାର କେଉଁ ଦଳ ଗଠନ କରିବ, ତାହା ଦେଶର ବୈଦେଶିକ ନୀତି, ସୁରକ୍ଷା ବ୍ୟବସ୍ଥା ଏବଂ ପାଲେଷ୍ଟାଇନ୍ ପ୍ରସଙ୍ଗ ଉପରେ ପ୍ରଭାବ ପକାଇପାରେ। ବିଶେଷ କରି ଗାଜା ଯୁଦ୍ଧ, ଆମେରିକା ସହ ସମ୍ପର୍କ, ଇରାନ୍ ପ୍ରସଙ୍ଗ ଓ ନ୍ୟାୟିକ ସଂସ୍କାର ଭଳି ବିଷୟ ନୂଆ ସରକାର ପାଇଁ ଗୁରୁତ୍ୱପୂର୍ଣ୍ଣ ରହିବ। କାରଣ ଇସ୍ରାଏଲରେ ସରକାର ଗଠନ କେବଳ ଗୋଟିଏ ଦଳର ନିର୍ବାଚନୀ ସଫଳତା ଉପରେ ନୁହେଁ, ବରଂ ୧୨୦ ଆସନ ବିଶିଷ୍ଟ ସଂସଦରେ ୬୧ ଜଣଙ୍କ ସମର୍ଥନ ଉପରେ ନିର୍ଭର କରେ।
ଇସ୍ରାଏଲରେ ଆରବ ଦଳ କିଏ?
ଇସ୍ରାଏଲରେ କେବଳ ଯିହୁଦୀ ଧର୍ମାବଲମ୍ୱୀ ନୁହନ୍ତି, ବରଂ ବହୁ ସଂଖ୍ୟାରେ ଆରବ ନାଗରିକ ମଧ୍ୟ ରହୁଛନ୍ତି। ଇସ୍ରାଏଲର ମୋଟ ଜନସଂଖ୍ୟାର ପ୍ରାୟ ୨୧ ପ୍ରତିଶତ ଆରବ ନାଗରିକ। ଏହି ଆରବ ନାଗରିକମାନେ ଇସ୍ରାଏଲର ନିର୍ବାଚନରେ ଭୋଟ୍ ଦେଇପାରନ୍ତି ଏବଂ ସଂସଦକୁ ନିଜ ପ୍ରତିନିଧି ପଠାଇପାରନ୍ତି। ସେମାନଙ୍କର ରାଜନୈତିକ ଦଳଗୁଡ଼ିକ ମୁଖ୍ୟତଃ ଆରବ ସମ୍ପ୍ରଦାୟର ଅଧିକାର, ସମାନତା, ଶିକ୍ଷା, ନିଯୁକ୍ତି, ଅପରାଧ ନିୟନ୍ତ୍ରଣ ଏବଂ ପାଲେଷ୍ଟାଇନ୍ ପ୍ରସଙ୍ଗକୁ ନେଇ ରାଜନୀତି କରନ୍ତି।
୧୯ ଆସନ
ଦୁଇଟି ଆରବ ନେତୃତ୍ୱାଧୀନ ଦଳର ମୋଟ ଆସନ
ଜଏଣ୍ଟ ଲିଷ୍ଟ (Joint List)
୧୧
ରାମ୍ (Ra'am)
୮
ରାଜନୈତିକ ମେଣ୍ଟ
ଆସନ
ନେତାନ୍ୟାହୁଙ୍କ ମେଣ୍ଟ
୫୩
ଗାଦି ଆଇଜେନକଟ୍ଙ୍କ ବିରୋଧୀ ମେଣ୍ଟ
୪୮
ଆରବ ଦଳ
୧୯
ମୋଟ
୧୨୦
ଏହି ୧୯ଟି ଆସନ ଆରବ ଦଳଗୁଡ଼ିକ ପାଇଁ ଏକ ଉଲ୍ଲେଖନୀୟ ସଫଳତା। ୨୦୨୦ରେ ସେମାନଙ୍କର ସର୍ବାଧିକ ଆସନ ସଂଖ୍ୟା ୧୫ ଥିଲା। ଏଥର ତାହାକୁ ଅତିକ୍ରମ କରିଛନ୍ତି। ଜଏଣ୍ଟ ଲିଷ୍ଟ କ'ଣ? କିଏ ଏହାର ନେତା?
ଜଏଣ୍ଟ ଲିଷ୍ଟ ହେଉଛି ଇସ୍ରାଏଲର ଆରବ ନାଗରିକଙ୍କ ରାଜନୈତିକ ସ୍ୱାର୍ଥକୁ ପ୍ରତିନିଧିତ୍ୱ କରୁଥିବା ଏକ ମେଣ୍ଟ।ଏଥିରେ ମୁଖ୍ୟତଃ ତିନୋଟି ଦଳ ସାମିଲ ହୋଇଛନ୍ତି:
ହାଦାଶ (Hadash)
ତାଆଲ୍ (Ta'al)
ବାଲାଦ୍ (Balad)
ଏହି ମେଣ୍ଟର ନେତୃତ୍ୱ ନେଉଛନ୍ତି ୟୁସୁଫ୍ ଜାବାରିନ୍ (Yousef Jabareen)। ଏହି ଦଳଗୁଡ଼ିକର ପ୍ରମୁଖ ଦାବି ହେଉଛି ଆରବ ନାଗରିକଙ୍କୁ ସମାନ ଅଧିକାର, ସରକାରୀ ଅନୁଦାନ, ଶିକ୍ଷା ଓ ନିଯୁକ୍ତି ସୁଯୋଗ ଦେବା। ଏହା ସହ ପାଲେଷ୍ଟାଇନ୍ ପ୍ରସଙ୍ଗରେ ମଧ୍ୟ ସେମାନଙ୍କର ନିଜସ୍ୱ ରାଜନୈତିକ ଆଭିମୁଖ୍ୟ ରହିଛି।
ଏଥର ଜଏଣ୍ଟ ଲିଷ୍ଟ ୧୧ଟି ଆସନ ହାସଲ କରିଛି।
ରାମ୍ (Ra'am) ପାର୍ଟି କ'ଣ? ଏହାର ଭୂମିକା କ'ଣ?
ରାମ୍ ବା ୟୁନାଇଟେଡ୍ ଆରବ ଲିଷ୍ଟ ହେଉଛି ଇସ୍ରାଏଲର ଅନ୍ୟ ଏକ ପ୍ରମୁଖ ଆରବ ରାଜନୈତିକ ଦଳ। ଏହାର ନେତା ହେଉଛନ୍ତି ମନସୁର ଆବାସ୍ (Mansour Abbas)। ଏହି ଦଳ ଅନ୍ୟ ଆରବ ଦଳଙ୍କଠାରୁ କିଛିଟା ଭିନ୍ନ ରାଜନୈତିକ ରଣନୀତି ଆପଣାଇଥାଏ।
ରାମ୍ ପାର୍ଟିର ମୁଖ୍ୟ ଲକ୍ଷ୍ୟ ହେଉଛି:
ଆରବ ସମ୍ପ୍ରଦାୟ ପାଇଁ ଅଧିକ ସରକାରୀ ଅନୁଦାନ।
ଆରବ ଅଞ୍ଚଳରେ ଅପରାଧ ଓ ହିଂସା ନିୟନ୍ତ୍ରଣ।
ଶିକ୍ଷା ଓ ନିଯୁକ୍ତି ସୁଯୋଗ ବୃଦ୍ଧି।
ଇସ୍ରାଏଲର ଶାସନ ବ୍ୟବସ୍ଥାରେ ଆରବ ନାଗରିକଙ୍କ ଭାଗିଦାରି ବୃଦ୍ଧି।
୨୦୨୧ରେ ରାମ୍ ପାର୍ଟି ନାଫତାଲି ବେନେଟ୍ ଓ ୟାଇର୍ ଲାପିଡ୍ଙ୍କ ମିଳିତ ସରକାରକୁ ସମର୍ଥନ କରିଥିଲା। ଇସ୍ରାଏଲରେ ଏହା ଏକ ଐତିହାସିକ ଘଟଣା ଥିଲା, କାରଣ ଏକ ଆରବ ଦଳ ପ୍ରଥମଥର ପାଇଁ ଏଭଳି ମେଣ୍ଟ ସରକାରରେ ସାମିଲ ହୋଇଥିଲା।
୨୦୨୬ ନିର୍ବାଚନରେ ରାମ୍ ୮ଟି ଆସନ ପାଇଛି।
କାହିଁକି ଆରବ ଦଳଙ୍କ ଉପରେ ନିର୍ଭର କରୁଛନ୍ତି ନେତାନ୍ୟାହୁଙ୍କ ବିରୋଧୀ?
ଏହି ନିର୍ବାଚନରେ ନେତାନ୍ୟାହୁଙ୍କ ମେଣ୍ଟକୁ ୫୩ଟି ଆସନ ମିଳିଥିବା ବେଳେ ଗାଦି ଆଇଜେନକଟ୍ଙ୍କ ନେତୃତ୍ୱାଧୀନ ବିରୋଧୀ ମେଣ୍ଟକୁ ମିଳିଛି ୪୮ଟି ଆସନ।
ଏବେ ହିସାବ ଦେଖନ୍ତୁ:
ନେତାନ୍ୟାହୁଙ୍କ ମେଣ୍ଟ: ୫୩
ବିରୋଧୀ ମେଣ୍ଟ: ୪୮
ଆରବ ଦଳ: ୧୯
ସରକାର ଗଠନ ପାଇଁ ଆବଶ୍ୟକ: ୬୧
ଯଦି ବିରୋଧୀ ମେଣ୍ଟକୁ ଆରବ ଦଳଗୁଡ଼ିକର ୧୯ଟି ଆସନର ସମର୍ଥନ ମିଳେ, ତେବେ ସେମାନଙ୍କ ସଂଖ୍ୟା ୬୭ରେ ପହଞ୍ଚିପାରେ। କିନ୍ତୁ ଏଠାରେ ଏକ ବଡ଼ ସମସ୍ୟା ରହିଛି। ଗାଦି ଆଇଜେନକଟ୍ଙ୍କ ମେଣ୍ଟର କିଛି ପ୍ରମୁଖ ଦଳ ନିର୍ବାଚନ ପ୍ରଚାର ସମୟରେ ଆରବ ଦଳଙ୍କ ସହ ମେଣ୍ଟ ନକରିବାକୁ କହିଥିଲେ। ଅନ୍ୟପଟେ ଜଏଣ୍ଟ ଲିଷ୍ଟର ନେତା ୟୁସୁଫ୍ ଜାବାରିନ୍ କହିଛନ୍ତି ଯେ ଗାଦି ଆଇଜେନକଟ୍ଙ୍କ ସରକାରକୁ ବାହାରୁ ସମର୍ଥନ ଦେବାର ସମ୍ଭାବନା ରହିଛି। କିନ୍ତୁ ଗାଜା ଓ ଲେବାନନ୍ ପ୍ରସଙ୍ଗରେ ମତଭେଦ ଯୋଗୁଁ ସେମାନେ ସରକାରରେ ସିଧାସଳଖ ସାମିଲ ହେବାକୁ ନେଇ ସଂକୋଚ ପ୍ରକାଶ କରିଛନ୍ତି। ରାମ୍ ପାର୍ଟିର ମନସୁର ଆବାସ୍ ଅନ୍ୟପଟେ ସରକାରରେ ସାମିଲ ହେବାର ସମ୍ଭାବନା ଖୋଲା ରଖିଛନ୍ତି।
ନେତାନ୍ୟାହୁ ଆରବ ଭୋଟରଙ୍କୁ ନେଇ କାହିଁକି ଆପତ୍ତି ଉଠାଇଲେ?
ନିର୍ବାଚନ ଫଳାଫଳ ପରେ ନେତାନ୍ୟାହୁ ଆରବ ଦଳଙ୍କ ଭୋଟ୍କୁ ନେଇ ଭୋଟ୍ ଜାଲିଆତିର ଅଭିଯୋଗ ଆଣିଥିଲେ। କିନ୍ତୁ ଇସ୍ରାଏଲର ନିର୍ବାଚନ ଅଧିକାରୀମାନେ ଭୋଟ୍ ପ୍ରକ୍ରିୟାରେ ବ୍ୟବସ୍ଥିତ ଜାଲିଆତି ହୋଇଥିବାର କୌଣସି ଆଧାର ନଥିବା କହିଛନ୍ତି। ଆରବ ନେତାମାନେ ନେତାନ୍ୟାହୁଙ୍କ ଏହି ଅଭିଯୋଗକୁ ବିରୋଧ କରିଛନ୍ତି। ଇସ୍ରାଏଲର ରାଷ୍ଟ୍ରପତି ଆଇଜାକ୍ ହର୍ଜୋଗ୍ ମଧ୍ୟ ତଦନ୍ତକୁ ସମର୍ଥନ କରିବା ସହ ସମଗ୍ର ଆରବ ସମ୍ପ୍ରଦାୟକୁ ଦୋଷୀ ନକରିବାକୁ ଚେତାବନୀ ଦେଇଥିଲେ।
ଆରବ ଭୋଟରଙ୍କ ଅଧିକ ଅଂଶଗ୍ରହଣ କାହିଁକି ଚର୍ଚ୍ଚାରେ?
ଏଥର ଇସ୍ରାଏଲ ନିର୍ବାଚନରେ ଆରବ ନାଗରିକଙ୍କ ଭୋଟ୍ ଦାନ ହାର ବୃଦ୍ଧି ପାଇଥିଲା। ରିପୋର୍ଟ ଅନୁସାରେ ଆରବ ସମ୍ପ୍ରଦାୟରେ ଭୋଟ୍ ଦାନ ହାର ପ୍ରାୟ ୮୦ ପ୍ରତିଶତ ପହଞ୍ଚିଥିଲା।
ଏହା ପଛରେ କେତେକ ପ୍ରମୁଖ କାରଣ ରହିଛି- ଆରବ ଅଞ୍ଚଳରେ ଅପରାଧ ଓ ଗୁଳିକାଣ୍ଡ ନିୟନ୍ତ୍ରଣର ଦାବି। ଶିକ୍ଷା ଓ ସରକାରୀ ଅନୁଦାନରେ ସମାନତା। ଆରବ ନାଗରିକଙ୍କ ବିରୋଧରେ ଭେଦଭାବ ଓ ଜାତିଗତ ମନ୍ତବ୍ୟକୁ ନେଇ ଅସନ୍ତୋଷ।ନେତାନ୍ୟାହୁଙ୍କ ଦକ୍ଷିଣପନ୍ଥୀ ମେଣ୍ଟକୁ କ୍ଷମତାରୁ ହଟାଇବାକୁ କିଛି ଭୋଟରଙ୍କ ଆଗ୍ରହ।
ଆଗକୁ କ'ଣ ହୋଇପାରେ?
ଏବେ ଇସ୍ରାଏଲରେ ସରକାର ଗଠନ ପାଇଁ ତିନୋଟି ସମ୍ଭାବନା ଚର୍ଚ୍ଚାରେ ରହିଛି।
ପ୍ରଥମ – ବିରୋଧୀ ମେଣ୍ଟକୁ ଆରବ ଦଳଙ୍କ ସମର୍ଥନ: ଯଦି ଆଇଜେନକଟ୍ଙ୍କ ବିରୋଧୀ ମେଣ୍ଟ ଆରବ ଦଳଙ୍କ ସମର୍ଥନ ପାଏ, ତେବେ ନେତାନ୍ୟାହୁଙ୍କୁ କ୍ଷମତାରୁ ହଟାଇବାର ରାସ୍ତା ଖୋଲିପାରେ।
ଦ୍ୱିତୀୟ – ନେତାନ୍ୟାହୁଙ୍କ ନୂଆ ମେଣ୍ଟ: ନେତାନ୍ୟାହୁ ଅନ୍ୟ ଦଳଙ୍କ ସମର୍ଥନ ହାସଲ କରି ସରକାର ଗଠନ ପାଇଁ ଉଦ୍ୟମ କରିପାରନ୍ତି।
ତୃତୀୟ – ପୁନଃ ନିର୍ବାଚନ: ଯଦି କୌଣସି ରାଜନୈତିକ ମେଣ୍ଟ ୬୧ ଆସନର ସମର୍ଥନ ହାସଲ କରିପାରିବ ନାହିଁ, ତେବେ ଇସ୍ରାଏଲରେ ପୁଣି ନିର୍ବାଚନ ହେବାର ସମ୍ଭାବନା ରହିଛି।
ଇସ୍ରାଏଲରେ ଆରବ ଦଳଙ୍କ ୧୯ଟି ଆସନ କେବଳ ନିର୍ବାଚନୀ ସଫଳତା ନୁହେଁ, ଏହା ଦେଶର ସରକାର ଗଠନର ସମୀକରଣକୁ ମଧ୍ୟ ପ୍ରଭାବିତ କରୁଛି। ତେଣୁ ଆରବ ଦଳଙ୍କ ସମର୍ଥନ କାହାକୁ ମିଳିବ, ତାହା ଇସ୍ରାଏଲର ଆଗାମୀ ରାଜନୈତିକ ଦିଗ ନିର୍ଦ୍ଧାରଣ କରିପାରେ।