GUJARAT INSTA LOVE : ୫ ମାସର Instagram ପ୍ରେମ, ବିବାହ ପରେ ବଡ଼ ଖୁଲାସା

ଗୁଜରାଟରୁ ସାମ୍ନାକୁ ଆସିଥିବା ଏକ ଚମକାଇଦେବା ଘଟଣା ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଘଟଣାଟି Instagramରୁ ଆରମ୍ଭ ହୋଇଥିବା ପ୍ରେମ, ବିବାହ ଏବଂ ତା’ପରେ ହୋଇଥିବା ଏକ ଏଭଳି ଖୁଲାସା ସହ ଜଡ଼ିତ, ଯାହା ବିଷୟରେ କେହି ବୋଧହୁଏ କଳ୍ପନା ମଧ୍ୟ କରିନଥିଲେ । କୁହାଯାଉଛି ଯେ, ଜଣେ ଯୁବକଙ୍କର Instagramରେ ଜଣେ ସୁନ୍ଦରୀ ଯୁବତୀଙ୍କ ସହ ପରିଚୟ ହୋଇଥିଲା । ଉଭୟଙ୍କ ମଧ୍ୟରେ କଥାବାର୍ତ୍ତା ଆରମ୍ଭ ହେବା ପରେ ଧୀରେ ଧୀରେ ଏହି ସମ୍ପର୍କ ପ୍ରେମରେ ପରିଣତ ହୋଇଥିଲା । ପ୍ରାୟ ୫ ମାସ ଧରି ଉଭୟଙ୍କ ମଧ୍ୟରେ ଅନଲାଇନ୍ କଥାବାର୍ତ୍ତା ଓ ପ୍ରେମ ସମ୍ପର୍କ ଚାଲିଥିଲା । ସାମ୍ନାପଟେ ଥିବା ବ୍ୟକ୍ତିଙ୍କ ଉପରେ ଯୁବକଙ୍କର ଏତେ ବିଶ୍ୱାସ ହୋଇଯାଇଥିଲା ଯେ, ସେ ବିବାହ କରିବାକୁ ମଧ୍ୟ ନିଷ୍ପତ୍ତି ନେଇଥିଲେ । ତେବେ ବିବାହ ପରେ କାହାଣୀରେ ହଠାତ୍ ଆସିଥିଲା ନୂଆ ମୋଡ଼ । ସୁହାଗରାତି ପରେ ଦୁଲ୍ହାଙ୍କୁ କିଛି ଅଜବ ଲାଗିଥିଲା । ସେ ଯେତେବେଳେ ପତ୍ନୀଙ୍କ ନିକଟତର ହେବାକୁ ଚେଷ୍ଟା କରୁଥିଲେ, କଥିତ ଭାବେ ତାଙ୍କୁ ଗୋଟିଏ ଉତ୍ତର ମିଳୁଥିଲା “ଆଜି ନୁହେଁ, କାଲି ।” ପ୍ରଥମେ ଯୁବକ ଏହାକୁ ସାଧାରଣ ଭାବେ ନେଇଥିଲେ। କିନ୍ତୁ ପ୍ରାୟ ୧୦ ଦିନ ଧରି ଏହି ସିଲସିଲା ଜାରି ରହିବାରୁ ତାଙ୍କର ସନ୍ଦେହ ବଢ଼ିଥିଲା ।ଶେଷରେ ସନ୍ଦେହ ଏତେ ବଢ଼ିଗଲା ଯେ, ଯୁବକ ପୋଲିସକୁ ଡାକିଥିଲେ । ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ଏହି ସମୟରେ ସାମ୍ନାକୁ ଆସିଥିଲା ଏଭଳି ଏକ ସତ୍ୟ, ଯାହା ସମସ୍ତଙ୍କୁ ଚକିତ କରିଦେଇଥିଲା । ୫ ମାସର Instagram ପ୍ରେମ, ବିବାହ ପରେ ବଡ଼ ଖୁଲାସା | କୁହାଯାଉଥିବା ଭାଇରାଲ ଦାବି ଅନୁଯାୟୀ, ପୁଲିସ ଯେତେବେଳେ ଓଢଣୀ ଉଠାଇଥିଲା, ସେତେବେଳେ ସାମ୍ନାରେ କନ୍ୟା ନୁହେଁ, ବରଂ ଜଣେ ପୁରୁଷ ଥିଲେ | ଏବେ ସବୁଠାରୁ ବଡ଼ ପ୍ରଶ୍ନ Instagramରେ ୫ ମାସ ଧରି ଯୁବକ କାହାକୁ ପ୍ରେମ କରୁଥିଲେ? ବିବାହ କିପରି ହେଲା ଏବଂ ଏହି ପୁରା ଘଟଣା ପଛରେ ପ୍ରକୃତ ଉଦ୍ଦେଶ୍ୟ କ’ଣ ଥିଲା? ଏହି ମାମଲା ସହ ଜଡ଼ିତ ଅନେକ ପ୍ରଶ୍ନର ଉତ୍ତର ଏବେ ମଧ୍ୟ ସାମ୍ନାକୁ ଆସିବା ବାକି ରହିଛି । ଅନ୍ୟପଟେ, ଏହି ଘଟଣାର ଦାବି ସୋସିଆଲ ମିଡିଆରେ ଦ୍ରୁତ ଗତିରେ ଚର୍ଚ୍ଚାରେ ରହିଛି । ଏହି ଘଟଣା ପୁଣିଥରେ ମନେ ପକାଇଦେଇଛି ଯେ, ଅନଲାଇନ୍ ପ୍ରେମ ସମ୍ପର୍କରେ ବିଶ୍ୱାସ କରିବା ପୂର୍ବରୁ ସାମ୍ନାରେ ଥିବା ବ୍ୟକ୍ତିଙ୍କ ପରିଚୟ ଭଲ ଭାବରେ ଯାଞ୍ଚ କରିବା କେତେ ଜରୁରୀ ।