Changing Mindset of Gen-Z ;‘କୌଣସି କାମ ଛୋଟ ନୁହେଁ’: ଜେନ୍‌-ଜି ଦେଖାଉଛି କ୍ୟାରିଅରର ନୂଆ ପରିଭାଷା

କଲେଜର ଡିଗ୍ରି ପରେ କର୍ପୋରେଟ୍ ଚାକିରୀ ଆଉ ସଫଳତାର ଏକମାତ୍ର ମାନଦଣ୍ଡ ନୁହେଁ | କିଛି ଜେନ୍‌-ଜି ଯୁବକ ଡ୍ରାଇଭିଂ ,ଗିଗ କାମ ଏବଂ ଅନ୍ୟାନ୍ୟ କ୍ୟାରିଅର ବିକଳ୍ପଗୁଡିକୁ ବିନା ଦୁଵିଧାରେ ଅନୁସରଣ କରୁଛନ୍ତି | B.Com ଗ୍ରାଜୁଏଟ ହେମଟୋର ଦେବବର୍ମା Uber Black ଡ୍ରାଇଭିଙ୍ଗ ଏହି ପରିବର୍ତ୍ତିତ ଚିନ୍ତାଧାରା ଏକ ଉଦାହରଣ , ଯେଉଁଠାରେ ରୋଜଗାର , ନମନୀୟତା , ନୂତନ ଅଭିଜ୍ଞତା ସହିତ ଲୋକମାନଙ୍କ ସହିତ ଦେଖାହେବା ଓ ନିଜକୁ ବୁଝିବା ମଧ୍ୟ ଗୁରୁତ୍ୱପୂର୍ଣ୍ଣ | ଗୋଟିଏ ସମୟ ଥିଲା କଲେଜରୁ ଗ୍ରାଜୁଏଟ ହେଉଥିବା ନୂଆ ଛାତ୍ର-ଛାତ୍ରୀ ମାସ ମାସ ଧରି ଘରେ ଖାଲି ରଵାସୀ ରଖିବା ପସନ୍ଦ କରୁଥିଲେ ଯେ ସେମାନେ ଆଶା ରଖୁଥିଲେ ଯେ ତାଙ୍କ ଡିଗ୍ରୀ ହିସାବରେ କୌଣସି ଚାକିରୀ ତାଙ୍କ ପାଇଁ ମୂଲ୍ୟବାନ ନୁହେଁ | ଉଦାହରଣ ସ୍ୱରୂପ ଜଣେ B.Com ଗ୍ରାଜୁଏଟ ଟାକ୍ସି ଚଲଉଛି , ଯେବେ କୌଣସି ସମ୍ପର୍କୀୟ ଲୋକ ପଚାରୁଛନ୍ତି ,"ପୁଅ ,ଏବେ କଣ କରୁଛ | " ତୁମେ ଏହାର ଉତ୍ତର ଦେଇ ନଥାଅ | ଛୋଟମୋଟ କାମ, ଡ୍ରାଇଭିଂ, ୱେଟ୍ରେସ୍‌ର କାମ... ଏସବୁ କାମକୁ ଭଲ ଘରର ପୁଅଝିଅମାନେ ମଧ୍ୟ ଗ୍ରହଣ କରୁନଥିଲେ। ଏହି ହାଇପୋକ୍ରେସି ପାଇଁ ଆମେ ସମାଜକୁ ହିଁ ଦୋଷ ଦେଉଛୁ। ଚାକିରି ସହିତ ଗୋଟିଏ ଡେଜିଗ୍ନେସନ୍‌, ଗୋଟିଏ ଅଫିସ୍‌ ଏବଂ ସମ୍ଭବ ହେଲେ ଗୋଟିଏ ଭିଜିଟିଂ କାର୍ଡ ରହିବା ଭଳି ମୌଳିକ ଆବଶ୍ୟକତା ଥିଲା । କିନ୍ତୁ ଏହି ଜେନ୍‌-ଜି ପିଢ଼ି ସହିତ ପରିସ୍ଥିତିରେ କିଛି ପରିବର୍ତ୍ତନ ଆସୁଥିବା ଦେଖାଯାଉଛି । ଜେନ୍‌-ଜିକୁ ଅନେକ କଥା ପାଇଁ ଦାୟୀ କରାଯାଇଛି । ବାରମ୍ବାର ଚାକିରି ବଦଳାଇବା, ଧୈର୍ଯ୍ୟର ଅଭାବ, କାମ କରିବାକୁ ମନା କରିବା ଏବଂ କାମ କରିବାରେ ଫ୍ଲେକ୍ସିବିଲିଟି ଦାବି କରିବା ଭଳି ଅନେକ କାରଣ ପାଇଁ ସେମାନଙ୍କୁ ସମାଲୋଚନା କରାଯାଇଛି । କିନ୍ତୁ ଏହି ପୂରା ପ୍ରକ୍ରିୟାରେ ଜେନ୍‌ ଜି ଗୋଟିଏ କଥା ଭଲ ଭାବେ ବୁଝିପାରିଛି—‘କୌଣସି କାମ ଛୋଟ କିମ୍ବା ବଡ଼ ନୁହେଁ ।’ ଜେନ୍‌-ଜି ମାନନ୍ତି କି କୌଣସି କାମ ଯଦି ଆପଣାକୁ ପଇସା ଦଉଛି , ଆପଣକି କିଛି ଜିନିଷ ଶିଖାଉଥିବ ତ କରିୟର କରିବା ପାଇଁ ସ୍ୱାଧୀନ ଦେଉଛି ? ଏଥିରେ ଲଜ୍ଜାଜନକ କ'ଣ ? ଅଭିନେତା ରବି କିଶାନ କ୍ରେଜି ଭାବରେ କହିଥିଲେ "money follows my brother" | ଏବଂ ବୋଧହୁଏ ଏଠାରେ ହିଁ ହେମଟୋର ଦେବବର୍ମାଙ୍କ ଏଣ୍ଟ୍ରି ହୁଏ । ୨୨ ବର୍ଷ ବୟସରେ B.Com ଗ୍ରାଜୁଏଟ୍‌ ଦେବବର୍ମା ବେଙ୍ଗାଲୁରୁରେ Uber Black ଚଳାଉଛନ୍ତି । ଦେବବର୍ମା କଣ୍ଟେଣ୍ଟ କ୍ରିଏସନ୍‌ ମଧ୍ୟ ଆରମ୍ଭ କରିଛନ୍ତି ଏବଂ ଏଣ୍ଟରପ୍ରେନ୍ୟୋରଶିପ୍‌ ପ୍ରତି ତାଙ୍କର ଭଲ ଆଗ୍ରହ ରହିଛି | କଲେଜ୍‌ ପାଠପଢ଼ା ପରେ ସେ ମଧ୍ୟ କୌଣସି କର୍ପୋରେଟ୍‌ ଚାକିରି ଖୋଜିପାରିଥାନ୍ତେ । କିନ୍ତୁ ତାହା ବଦଳରେ ସେ ଗାଡ଼ି ଚଳାଇବାକୁ ବାଛିଲେ । ଏହା ମାଧ୍ୟମରେ ଲକ୍ଷ ଲକ୍ଷ ଲୋକଙ୍କୁ ତାଙ୍କ ଜୀବନଶୈଳୀକୁ ଦେଖିବାର ସୁଯୋଗ ମିଳିଛି । ତାଙ୍କ ଡେଲି ଲାଇଫ୍‌ ଭିଡିଓକୁ ୨୩ ଲକ୍ଷରୁ ଅଧିକ ଥର ଦେଖାଯାଇଛି । ଏହି ପୂରା ଭିଡିଓରେ ସବୁଠାରୁ ଅଧିକ ଚର୍ଚ୍ଚା ହୋଇଥିବା ଅଂଶ ଥିଲା ସେୟାର କରାଯାଇଥିବା ଏକ ସ୍କ୍ରିନ୍‌ସଟ୍‌, ଯେଉଁଥିରେ ଦେଖାଯାଇଥିଲା ଯେ ସପ୍ତାହକୁ ତାଙ୍କର ପ୍ରାୟ ୪୬ ହଜାର ଟଙ୍କା ଆୟ କରିଥିଲେ । ଦେବବର୍ମାଙ୍କୁ ପଚରାଯାଇଥିଲା ଯେ, ଏହି ଜବ୍ ପ୍ରୋଫାଇଲ୍‌କୁ ଆପଣାଇବାରେ ତାଙ୍କର କୌଣସି ଦ୍ୱିଧା ଥିଲା କି? ତାଙ୍କର ଉତ୍ତର ସିଧାସଳଖ ‘ନା’ ଥିଲା । ଏକ ବିଶେଷ ଆଲୋଚନାରେ ସେ କହିଥିଲେ, “ଯେଉଁ ପେସାକୁ ଆପଣ ପ୍ରକୃତରେ ଉପଭୋଗ କରନ୍ତି, ସେହି ପେସାକୁ ବାଛିବାରେ କୌଣସି ଖରାପ କଥା ଅଛି ବୋଲି, ମୁଁ ଭାବୁନାହିଁ ।” ଦେବବର୍ମାଙ୍କର ଗାଡ଼ି ଚଳାଇବା ସହିତ ସବୁବେଳେ ଏକ ବିଶେଷ ଆଗ୍ରହ ରହିଆସିଛି । କାର୍ ଚଳାଇବା ତାଙ୍କର ସଉକ ଥିଲା । ଯେତେବେଳେ ତାଙ୍କୁ ଉବର ବ୍ଲାକ୍ ଚଳାଇବାର ସୁଯୋଗ ମିଳିଲା, ସେ ଏହାକୁ ଅନୁଭବ କରିବାକୁ ଚାହିଁଥିଲେ । ଏହି ନିଷ୍ପତ୍ତି ପଛରେ ଚାକିରିର ଅଭାବ ନଥିଲା କିମ୍ବା କର୍ପୋରେଟ୍ ଜୀବନକୁ ପ୍ରତ୍ୟାଖ୍ୟାନ କରିବାର ମନୋଭାବ ମଧ୍ୟ ନଥିଲା । କେବଳ ଜଣେ ଯୁବକ ନିଜକୁ ଭଲ ଲାଗୁଥିବା କାମକୁ ଥରେ ଚେଷ୍ଟା କରିବାକୁ ଚାହିଁଥିଲେ । ଦେବବର୍ମାଙ୍କୁ ପଚରାଯାଇଥିଲା ଯେ, ଏହି ଜବ୍ ପ୍ରୋଫାଇଲ୍‌କୁ ଆପଣାଇବାରେ ତାଙ୍କର କୌଣସି ଦ୍ୱିଧା ଥିଲା କି? ତାଙ୍କର ଉତ୍ତର ସିଧାସଳଖ ‘ନା’ ଥିଲା । କେବଳ ଜଣେ ଯୁବକ ନିଜକୁ ଭଲ ଲାଗୁଥିବା କାମକୁ ଥରେ ଚେଷ୍ଟା କରିବାକୁ ଚାହିଁଥିଲେ । ଆଉ ବୋଧହୁଏ ଏହି ଅଂଶଟି ହିଁ ଷ୍ଟୋରୀକୁ ଆହୁରି ଇଣ୍ଟରେଷ୍ଟିଂ କରିଥାଏ । କାରଣ ସେ କାହିଁକି ଗାଡ଼ି ଚଳାଉଛନ୍ତି, ଏହି ପ୍ରଶ୍ନ ପ୍ରାୟତଃ ଏଭଳି ଏକ ଧାରଣାରୁ ଆସିଥାଏ, ଯାହାର ଉତ୍ତର ଲୋକେ ଆଗରୁ ହିଁ ଜାଣିଥିବା ଭଳି ଲାଗେ- ତାଙ୍କ ପାଖରେ ଡିଗ୍ରୀ ଅଛି, ତେବେ ସେ ଏଭଳି କାମ କାହିଁକି କରୁଛନ୍ତି? ସେ କହନ୍ତି, “ଅଧିକାଂଶ ଲୋକ ଭାବନ୍ତି ଯେ କଲେଜ ପାଠପଢ଼ା ଶେଷ କରିବା ପରେ ତୁରନ୍ତ କୌଣସି କର୍ପୋରେଟ୍ କମ୍ପାନୀରେ ଚାକିରି କରିବା ଉଚିତ ।” କିନ୍ତୁ ତାଙ୍କ ମତରେ, ସମସ୍ତଙ୍କୁ ଏହି ରାସ୍ତା ହିଁ ବାଛିବା ଦରକାର ନାହିଁ । ଲୋକେ ତାଙ୍କୁ ପଚାରନ୍ତି ଯେ ଡିଗ୍ରୀ ଶେଷ କରିବା ପରେ ମଧ୍ୟ ସେ କାହିଁକି ଗାଡ଼ି ଚଳାଉଛନ୍ତି । ସେ ଏହାକୁ ନକାରାତ୍ମକ ଭାବେ ନିଅନ୍ତି ନାହିଁ । ତାଙ୍କ ପାଇଁ ଏହା ଏକ ଏଭଳି ସମୟ, ଯେଉଁଥିରେ ସେ ଲୋକମାନଙ୍କ ସହ ମିଶିପାରୁଛନ୍ତି, ନିଜକୁ ଆହୁରି ଭଲ ଭାବେ ବୁଝିପାରୁଛନ୍ତି ଏବଂ ପ୍ରକୃତରେ ସେ କ’ଣ କରିବାକୁ ଚାହୁଁଛନ୍ତି, ତାହା ଜାଣିପାରୁଛନ୍ତି । ସେ କହନ୍ତି, “ମୁଁ ଏବେ ଯେଉଁ ସବୁ ନିଷ୍ପତ୍ତି ନେଉଛି, ସେଗୁଡ଼ିକୁ ନେଇ ମୁଁ ସମ୍ପୂର୍ଣ୍ଣ ସନ୍ତୁଷ୍ଟ ଅଛି।”