Bear Terror : ଭାଲୁ ଆକ୍ରମଣରୁ ଅଳ୍ପକେ ବର୍ତ୍ତିଲେ ବୃଦ୍ଧା

ନୀଳଗିରି ଘଟଘାରସାହି ଅଞ୍ଚଳରେ ଭାଲୁ ଆତଙ୍କ ଦେଖାଦେଇଛି | ଜଣେ ବୃଦ୍ଧା ସାଇକେଲ ଯୋଗେ ଘରୁ ବାହାରକୁ ଯାଉଥିବା ସମୟରେ ହଠାତ୍ ଏକ ଭାଲୁ ତାଙ୍କ ନିକଟକୁ ଆସିଥିଲା | ଭାଲୁଟି ବୃଦ୍ଧାଙ୍କୁ ଆକ୍ରମଣ କରିବାକୁ ଉଦ୍ୟମ କରିବାରୁ ସେ ଭୟଭୀତ ହୋଇପଡ଼ିଥିଲେ | ତେବେ କୌଣସି ପ୍ରକାରେ ଭାଲୁ କବଳରୁ ନିଜକୁ ରକ୍ଷା କରି ସେ ଅଳ୍ପକେ ବର୍ତ୍ତିଯାଇଥିଲେ | ଏହା ଏକ ଘରର ସିସିଟିଭି ଫୁଟେଜ୍‌ରେ ଭାଲୁଟି ରେକର୍ଡ ହୋଇଥିଲା | ଘଟଣା ପରେ ଘଟଘାରସାହି ସମେତ ଏହାର ଆଖପାଖ ଅଞ୍ଚଳରେ ଭାଲୁକୁ ନେଇ ଲୋକଙ୍କ ମଧ୍ୟରେ ଭୟ ବଢ଼ିଛି | ବିଶେଷକରି ଜଙ୍ଗଲ ନିକଟବର୍ତ୍ତୀ ରାସ୍ତାରେ ଲୋକେ ଏକାକୀ ଯାତାୟାତ ନକରିବାକୁ ଦାବି କରିଛନ୍ତି | ଅନ୍ୟପକ୍ଷରେ, ଭାଲୁର ଗତିବିଧି ଉପରେ ବନ ବିଭାଗ ନଜର ରଖିବା ସହ ଅଞ୍ଚଳବାସୀଙ୍କୁ ସଚେତନ କରିବା ଆବଶ୍ୟକ ହୋଇପଡ଼ିଛି | ଭାଲୁ ଆତଙ୍କରୁ ଲୋକଙ୍କୁ ସୁରକ୍ଷିତ ରଖିବା ସହ ଭାଲୁର ଗତିବିଧି ନିୟନ୍ତ୍ରଣ ପାଇଁ ବନ ବିଭାଗ ତୁରନ୍ତ ପଦକ୍ଷେପ ନେଉ ବୋଲି ସ୍ଥାନୀୟ ଲୋକେ ଦାବି କରିଛନ୍ତି | ଗତ କିଛି ଦିନ ଧରି ଏହିଭଳି ଭାଲୁ ଆକ୍ରମଣର ଘଟଣା ସାମ୍ନାକୁ ଆସୁଥିବାରୁ ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି | ଏଥିସହ ବନ୍ୟଜୀବ ଆକ୍ରମଣ ରୋକିବା ଦିଗରେ ପ୍ରଶାସନ ଓ ବନ ବିଭାଗର ପଦକ୍ଷେପକୁ ନେଇ ମଧ୍ୟ ପ୍ରଶ୍ନ ଉଠୁଛି |