ମହିଳା ସଶକ୍ତିକରଣର କଥା କହି ଏହି ଆଇଏଏସ ଦମ୍ପତ୍ତି ନବୀନଙ୍କ ଲାଗି ବଡ଼ ଭୋଟ ବ୍ୟାଙ୍କ ତିଆରି କରିଦେଲେ। ପୁରା ବ୍ୟବସ୍ଥାଗତ ଭାବେ ବିଜେଡିକୁ ମହିଳାଙ୍କ ନିରନ୍ତର ସମର୍ଥନ, ସରକାରୀ ସୁବିଧା ନେଇ ସଶକ୍ତିକରଣର ଢାଞ୍ଚାକୁ ପୁରା ପଲିଟିକାଲ ପାଟର୍ଣ୍ଣରେ ପକାଯାଇଥିଲା। ଅସଲ ସଶକ୍ତିକରଣ କାହାକୁ କୁହାଯାଏ, ଶାସନ ଡୋରି ଧରିଥିବା ପ୍ରଭାତୀ ପରିଡ଼ାଙ୍କୁ ତାକୁ ପ୍ରଭାବୀ ଢଙ୍ଗରେ ଦେଖାଇବାକୁ ପଡ଼ିବ।
ପ୍ରଥମ ଥର ନବୀନ ନିବାସରେ ପାଣ୍ଡିଆନ ଗୋ-ବ୍ୟାକ୍ ନାରା ଶୁଭିଲା। ବିଜେପି ଯେଉଁଠି ଶାସନକୁ ଆସିଛି, ସେଠି ବିରୋଧୀଙ୍କୁ କଳବଳେ ଫଟାଇଛି। ଏଭଳି ଗତିବିଧି ଓ ହାବଭାବକୁ ବେଶ୍ ବୁଝିଛନ୍ତି ନବୀନ। ସେଥିଲାଗି ପାଣ୍ଡିଆନଙ୍କୁ ବ୍ୟାକ୍ କରାଇବା ବଦଳରେ ସୁଜାତାଙ୍କୁ ଦଳରେ ମିଶାଇ ପୁଣି ଥରେ ସାଂଗଠନିକ ସଂରଚନା ଓ ଦଳକୁ ଏକାଠି କରିବାର ବେଳ ଆସିଛି ବୋଲି ହୃଦବୋଧ କରିଥିଲେ ନବୀନ। ଶଙ୍ଖ ଭବନକୁ ଆସିଲେନି ବବି, ବଦ୍ରି କି ରାଜା ସ୍ୱାଇଁ।
