ଦୀର୍ଘ ୮ ବର୍ଷ ପରେ ଓଡ଼ିଶାରେ ଛାତ୍ର ସଂସଦ ନିର୍ବାଚନ ହୋଇଥିବା ବେଳେ ଏହାକୁ ନେଇ ବିଜେପି ଓ ଛାତ୍ର କଂଗ୍ରେସ ମଧ୍ୟରେ ରାଜନୈତିକ ବାକ୍ଯୁଦ୍ଧ ଆରମ୍ଭ ହୋଇଛି। ବିଜେପି ଏହାକୁ ଗଣତନ୍ତ୍ରର ବିଜୟ କହିଥିବା ବେଳେ ଛାତ୍ର କଂଗ୍ରେସ ଭୋଟ ଚୋରି, ଅନିୟମିତତା ଓ ବିଭିନ୍ନ କଲେଜରେ ନିର୍ବାଚନ ବାତିଲ ନେଇ ଅଭିଯୋଗ କରିଛି।
ରାଜ୍ୟର ବିଭିନ୍ନ କଲେଜ ଓ ବିଶ୍ୱବିଦ୍ୟାଳୟରେ ଛାତ୍ର ସଂସଦ ନିର୍ବାଚନରେ ଏବିଭିପି ସମର୍ଥିତ ପ୍ରାର୍ଥୀଙ୍କ ବଡ଼ ସଫଳତା ମିଳିଥିବା ବେଳେ କେତେକ କଲେଜରେ ବିସିଜେଡି ପ୍ରାର୍ଥୀ ବିଜୟୀ ହୋଇଛନ୍ତି। ଅନ୍ୟପଟେ, ନାକଚ ଭୋଟକୁ ନେଇ କେତେକ ସ୍ଥାନରେ ଉତ୍ତେଜନା ଓ ରାସ୍ତାରୋକ ଦେଖାଦେଇଛି।
