ଲଗାଣ ବର୍ଷା ପ୍ରଭାବରେ ବାଲେଶ୍ୱର ଜିଲ୍ଲା ସୋର ଅଞ୍ଚଳର କାଂଶବାଂଶ ଓ ପିତାକାଳିଆ ନଦୀର ଜଳସ୍ତର କ୍ରମାଗତ ଭାବେ ବୃଦ୍ଧି ପାଉଛି। କସବା ବ୍ରିଜ୍ ଗେଜ୍ ସାଇଟରେ କାଂଶବାଂଶ ନଦୀର ଜଳସ୍ତର ୭.୭୨ ମିଟର ରେକର୍ଡ ହୋଇଥିବା ବେଳେ ବିପଦ ସଙ୍କେତ ୭.୫୦ ମିଟର ରହିଛି। ଅର୍ଥାତ୍ ନଦୀ ବର୍ତ୍ତମାନ ୦.୨୨ ମିଟର ବିପଦ ସଙ୍କେତ ଉପରେ ପ୍ରବାହିତ ହେଉଛି ଏବଂ ଜଳସ୍ତର ଆହୁରି ବଢ଼ୁଛି।
କାଂଶବାଂଶ ନଦୀରେ ଗାଧୋଇବାକୁ ଯାଇ ଭାସିଗଲେ ଯୁବକ, ଉଦ୍ଧାର ପରେ ମୃତ ଘୋଷଣା । ବାଲେଶ୍ୱର ଜିଲ୍ଲା ସୋର ଅଞ୍ଚଳରେ ଗାଧୋଇବାକୁ ଯାଇ ଜଣେ ଯୁବକ ବନ୍ୟା ପାଣିର ପ୍ରଖର ସ୍ରୋତରେ ଭାସିଯାଇ ମୃତ୍ୟୁବରଣ କରିଛନ୍ତି। ଏହି ଅଘଟଣ ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି।
