ଧର୍ମେନ୍ଦ୍ର କହିଛନ୍ତି ଗଲା ୧୦ ଦିନ ହେଲା ଘଟଣାକ୍ରମ ଦେଖି ସେ ଦୁଃଖିତ ଥିଲେ। ଏହା ତାଙ୍କର ବ୍ୟକ୍ତିଗତ ପ୍ରତିଷ୍ଠାର ବିଷୟ ନୁହେଁ। ଭାରତର ଯୁବଶକ୍ତି ହିଁ ଏ ଦେଶର ଅସଲ ସାହାସର ପ୍ରତୀକ। ଦେଶର ଯୁବଶକ୍ତିଙ୍କୁ କୁଚକ୍ରୀଙ୍କ ଚାଲରେ ଫସିବାକୁ ଦିଆଯିବନି। ଏହା ତାଙ୍କର ସଂକଳ୍ପ। ସରକାରଙ୍କ ପ୍ରାଥମିକତା ଥିଲା, ୨୦ଲକ୍ଷରୁ ଅଧିକ ଛାତ୍ରଛାତ୍ରୀଙ୍କ ପରୀକ୍ଷାକୁ ସୁଚାରୁରୂପେ ସଞ୍ଚାଳନ କରିବା।
ଏହି ପରିବର୍ତ୍ତନ ଏମିତି ସମୟରେ ହୋଇଛି, ଯେତେବେଳେ NEET-UG ୨୦୨୬ ପ୍ରଶ୍ନପତ୍ର ଲିକ୍ ଅଭିଯୋଗକୁ ନେଇ ଦେଶବ୍ୟାପୀ ପ୍ରତିବାଦ ଚାଲିଛି। ଶିକ୍ଷା ମନ୍ତ୍ରଣାଳୟ ଓ ପରୀକ୍ଷା ବ୍ୟବସ୍ଥାରେ ସ୍ୱଚ୍ଛତା ଏବଂ ବିଶ୍ୱାସ ଫେରାଇ ଆଣିବା ପାଇଁ କେନ୍ଦ୍ର ସରକାର ଏହି ପ୍ରଶାସନିକ ପରିବର୍ତ୍ତନ କରିଥିବା ଚର୍ଚ୍ଚା ହେଉଛି।
