ଜୁଲାଇ ୨୧ ଡେଡଲାଇନ ଥିଲା। ଦିଦିଙ୍କ ସହ କିଏ ରହିବେ ଓ କିଏ ଛାଡ଼ିବେ ବୋଲି ଚର୍ଚ୍ଚା ଚାଲିବା ଭିତରେ ଟିଏମସିରେ ଜାରି ଥିବା ବିବାଦ, ବିଦ୍ରୋହ ଓ ବିଭାଜନକୁ କେମିତି ରୋକାଯିବ, ତାହା ଦିଦିଙ୍କ ଲାଗି ବଡ଼ ଚ୍ୟାଲେଞ୍ଜ୍ ସୃଷ୍ଟି କରିଛି। ଶହୀଦ ଦିବସକୁ ସଫଳ କରିବାକୁ ବିଳମ୍ୱିତ ରାତି ଯାଏ ଦିଦିଙ୍କ ସହ ପହରା ଦେଉଥିଲେ ଅଭିଷେକ, କଲ୍ୟାଣ ଓ ମହୁଆ ମୈତ୍ର ପ୍ରମୁଖ।
ଟିଏମସିରେ ବିଭାଜନର ପର୍ବ ଜାରି ରହିଛି। ଗୁରୁବାର ରାଜ୍ୟସଭା ସାଂସଦ କୋୟଲ ମଲ୍ଲିକ ଦଳରୁ ଇସ୍ତଫା ଦେଇଛନ୍ତି। କୋଏଲଙ୍କ ଇସ୍ତଫା ସହ ରାଜ୍ୟସଭାରେ ଟିଏମସିର ୪ଟି ଓ୍ୱିକେଟ ପଡ଼ିଲାଣି।ଦଳରେ ନେତୃତ୍ୱ ଶୈଳୀକୁ ନେଇ ଅସନ୍ତୋଷ ବଢ଼ୁଛି।
