UBT L eader Killed:ଠାଣେରେ UBT ନେତା ପ୍ରଦୀପ ପୂର୍ଣ୍ଣେକରଙ୍କୁ ଗୁଳିକରି ହତ୍ୟା

ମହାରାଷ୍ଟ୍ର ଠାଣେରେ ଗତକାଲି ରାତିରେ UBTର ସ୍ଥାନୀୟ ନେତା ପ୍ରଦୀପ ପୂର୍ଣ୍ଣେକରଙ୍କୁ ଅଜଣା ଆକ୍ରମଣକାରୀମାନେ ଗୁଳି ଚଳାଇଥିଲେ | ଗମ୍ଭୀର ରୂପରେ ଆହତ ହୋଇଥିବା ପୂର୍ଣ୍ଣେକରଙ୍କୁ ଚିକିତ୍ସା ସମୟରେ ମୃତ୍ୟୁ ହୋଇଛି | ପ୍ରଦୀପ ପୂର୍ଣ୍ଣେକରଙ୍କୁ ଶିବସେନା (UBT)ବିଭାଗର ପ୍ରମୁଖ ଥିଲେ | ଗୁଳି ଲାଗିବା ପରେ ତାଙ୍କୁ ଘୋଡାବନ୍ଦର ରାସ୍ତା ପାଖରେ ଥିବା ମେଡିକାଲକୁ ନିଆ ଯାଇଥିଲା ଯେଉଁଠି ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା | ଘଟଣା ପରେ ସ୍ଥାନୀୟ କାପୁରବାୱଡ଼ି ପୋଲିସ ଷ୍ଟେସନରେ ମାମଲା ରୁଜୁ ହୋଇଥିଲା | ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି | ଜଣେ ଅଧିକାରୀଙ୍କ ସୂଚନା ଅନୁଯାୟୀ, ଏହି ଘଟଣା ଠାଣେର ଘୋଡ଼ବନ୍ଦର ରୋଡ୍‌ରେ ଘଟିଥିଲା | ପୋଲିସ ଅଧିକାରୀ କହିଛନ୍ତି, “ଅଭିଯୁକ୍ତମାନେ ମୁହଁରେ ମାସ୍କ ପିନ୍ଧିଥିଲେ ଏବଂ ଘଟଣା ପରେ ସେମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ | ସେମାନଙ୍କୁ ଧରିବା ପାଇଁ CCTV କ୍ୟାମେରାର ଫୁଟେଜ୍ ଯାଞ୍ଚ କରାଯାଉଛି।” ପ୍ରଦୀପ ପୂର୍ଣ୍ଣେକରଙ୍କ ହତ୍ୟା ପରେ ବନ୍ଦ ଭଳି ପରିବେଶ ସୃଷ୍ଟି ହୋଇଛି। | ହତ୍ୟାକାଣ୍ଡର ପ୍ରତିବାଦ ଏବଂ ଉତ୍ତେଜନାପୂର୍ଣ୍ଣ ପରିସ୍ଥିତିକୁ ଦୃଷ୍ଟିରେ ରଖି ଆଖପାଖର ସମସ୍ତ ଦୋକାନ ବନ୍ଦ ରଖାଯାଇଛି | ଏହାସହ ସୁରକ୍ଷା ଦୃଷ୍ଟିରୁ ଅଞ୍ଚଳର ତିନୋଟି ପ୍ରାଥମିକ ବିଦ୍ୟାଳୟକୁ ମଧ୍ୟ ଆଜି ବନ୍ଦ ରଖାଯାଇଛି | ଡିସିପି ପ୍ରଶାନ୍ତ କଦମ କହିଛନ୍ତି ଯେ, ଏହି ମାମଲାରେ ମୋଟ ୫ ଜଣ ଅଭିଯୁକ୍ତଙ୍କ ନାମ ସାମ୍ନାକୁ ଆସିଛି। ସେମାନଙ୍କ ମଧ୍ୟରେ 'ନିଖିଲ ଯାଦବ, ପପ୍ପୁ ସିନ୍ଦେ, ଆକାଶ ନିମସେ, ସନ୍ତୋଷ କନୋଜିଆ ଏବଂ ଜଣେ ଅଜଣା ଅଭିଯୁକ୍ତ' ସାମିଲ ଅଛନ୍ତି | ପୋଲିସ ସେମାନଙ୍କ ମଧ୍ୟରୁ ପପ୍ପୁ ସିନ୍ଦେ ଏବଂ ଆକାଶ ନିମସେଙ୍କୁ ହେପାଜତରେ ନେଇଥିଲା |ପରେ ପପ୍ପୁ ସିନ୍ଦେଙ୍କୁ ଗିରଫ କରାଯାଇଛି । ଅଭିଯୋଗ ଅନୁଯାୟୀ, ସେ ହିଁ ପ୍ରଦୀପ ପୂର୍ଣ୍ଣେକରଙ୍କୁ ଚିହ୍ନଟ କରିଥିଲା । ସୂଚନା ଅନୁସାରେ, ହତ୍ୟା ସମୟରେ ପପ୍ପୁ ସିନ୍ଦେ ପ୍ରଦୀପ ପୂର୍ଣ୍ଣେକରଙ୍କ ଅଫିସ୍‌କୁ ଯାଇ ସେଠାରେ ବସିଥିଲା । ପରେ ସେ ଇସାରାରେ ଆକ୍ରମଣକାରୀଙ୍କୁ କହିଥିଲା ଯେ, “ଏହି ହେଉଛନ୍ତି ପ୍ରଦୀପ।” ଏହାପରେ ଆକ୍ରମଣକାରୀମାନେ ଆସି ପ୍ରଦୀପ ପୂର୍ଣ୍ଣେକରଙ୍କ ଉପରକୁ ଗୁଳି ଚଳାଇଥିଲେ, ଯାହାରେ ତାଙ୍କର ମୃତ୍ୟୁ ଘଟିଥିଲା |