Maa Tarini Temple in Ghatgaon:ଘଟଗାଁ ମା ତାରିଣୀ ମନ୍ଦିର : ଆସ୍ଥା,ଇତିହାସ ଓ ରହସ୍ୟମୟ ନଡ଼ିଆର ଦିବ୍ୟ ଯାତ୍ରା

ଓଡ଼ିଶାର କେନ୍ଦୁଝର ଜିଲ୍ଲା ଘଟଗାଁ ରେ ଅବସ୍ଥିତ ମା’ ତାରିଣୀ ପୀଠ କେବଳ ଏକ ଧାର୍ମିକ ସ୍ଥଳ ନୁହେଁ, ବରଂ ଅତୁଟ ବିଶ୍ୱାସ ଓ ଆଶ୍ଚର୍ଯ୍ୟଜନକ ପରମ୍ପରାର ପ୍ରତୀକ।ଓଡ଼ିଶାର ଘଞ୍ଚ  ଜଙ୍ଗଲ ଘେରା ଏହି ପବିତ୍ର ସ୍ଥଳ ମା ତାରିଣୀଙ୍କୁ ସମର୍ପିତ, ଯାହାଙ୍କୁ ଭକ୍ତମାନେ  ସଂକଟମୋଚନୀ ବୋଲି କହିଥାନ୍ତି |

ଇତିହାସ ଓ ମାନ୍ୟତା:

ମାନ୍ୟତା ଅନୁସାରେ, ଚତୁର୍ଦ୍ଦଶ ଶତାବ୍ଦି ରେ ମା ତାରିଣୀ କାଞ୍ଚିରୁ ଓଡିଶା ଆସିଥିଲେ, କେନ୍ଦୁଝର ରାଜା ଭଞ୍ଜଦେବ ମା ତାରିଣୀଙ୍କୁ ପୁରୀ ରୁ କେନ୍ଦୁଝର ଆଣିବା ବାଟରେ ମା, ସର୍ତ୍ତ ରଖିଥିଲେ ଯେ ରାଜା ପଛକୁ ବୁଲି ଚାହିଁବେ ନାହିଁ | ଘଟଗାଁ ପାଖରେ ଜଙ୍ଗଲ ଭିତରେ ଘୋଡା ଟାପୁ ଶବ୍ଦ ନ ଶୁଭିବାରୁ ରାଜା ପଛକୁ ବୁଲି ଚାହିଁଦେଇଥିଲେ | ସର୍ତ୍ତ ଅନୁସାରେ, ମା ସେହି ଠାରେହିଁ ପଥର ମୂର୍ତ୍ତି ରେ ସ୍ଥାପିତ ହୋଇଗଲେ |

 କେବେ ଓ କେମିତି ଯିବେ ?

କେବେ ଯିବେ: ଅକ୍ଟୋବର ରୁ ମାର୍ଚ୍ଚ ମାସ ମଧ୍ୟରେ ସମୟ ଉତ୍ତମ ଅଟେ | ଚୈତ୍ର ପର୍ବ ଓ ଦୁର୍ଗା ପୂଜା ଏହି ପୀଠରେ ଆଡମ୍ବର ସହକାରେ ପାଳନ କରାଯାଏ |

 କେମିତି ଯିବେ:

·      ସଡକ ମାର୍ଗ: ଭୁବନେଶ୍ୱରରୁ ପ୍ରାୟ 250 km ଦୂରରେ ଅବସ୍ଥିତ | ରାଜ୍ୟ ସାରା ବସ୍ ସେବା ଉପଲବ୍ଧ |

·      ରେଳ ମାର୍ଗ: ନିକଟତମ ପ୍ରମୁଖ ରେଳ ଷ୍ଟେସନ ହେଉଛି କେନ୍ଦୁଝରଗଡ଼

ଏଠାକୁ ଆସୁଥିବା ଶ୍ରଦ୍ଧାଳୁ ନଡ଼ିଆ ମାନସିକ କରି ନିଜ ମନୋକାମନା ପୂରଣ ପାଇଁ ପ୍ରାର୍ଥନା କରିଥାନ୍ତି | କୁହାଯାଏ ଯେ ଓଡ଼ିଶାର ଯେକୌଣସି କୋଣରୁ ନଡ଼ିଆ ବସ୍ ମାଧ୍ୟମରେ ପଠାଇଲେ ମଧ୍ୟ ଘଟଗାଁ ଯାଏ ପହଞ୍ଚିଯାଏ |