ଶିକ୍ଷା ବ୍ୟବସ୍ଥାକୁ ନେଇ କଂଗ୍ରେସର ତୀବ୍ର ସମାଲୋଚନା, ବିଜେପି ସରକାର ଉପରେ ଆରୋପ

ମାଲକାନଗିରି: ଛାତ୍ରଛାତ୍ରୀଙ୍କ ଭବିଷ୍ୟତ ସହ ଖେଳୁଛି ବିଜେପି ସରକାର । ଶିକ୍ଷା ବ୍ୟବସ୍ଥାକୁ ନେଇ କଂଗ୍ରେସର ତୀବ୍ର ସମାଲୋଚନା । ମାଲକାନଗିରି ଜିଲ୍ଲା କଂଗ୍ରେସ ଭବନରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଦେଶରେ ଚାଲିଥିବା ଶିକ୍ଷା ଦୁର୍ନୀତି ଏବଂ ନିଟ୍‌ ପେପ ଲିକ୍‌ ମାମଲାକୁ ନେଇ ବିଜେପି ଉପରେ ବର୍ଷିଛନ୍ତି କଂଗ୍ରେସ । ଦେଶରେ ଶିକ୍ଷା ବ୍ୟବସ୍ଥା ଗଭୀର ସଂକଟରେ ରହିଛି ଏବଂ ଛାତ୍ରଛାତ୍ରୀଙ୍କ ଭବିଷ୍ୟତ ସହ ଖେଳ ହେଉଛି। ପରୀକ୍ଷା ତନ୍ତ୍ରରେ ଅନିୟମିତତା ଯୋଗୁଁ ଅନେକ ମେଧାବୀ ଛାତ୍ରଛାତ୍ରୀ ମାନସିକ ଚାପରେ ପଡ଼ୁଛନ୍ତି ଏବଂ କିଛି ମାମଲାରେ ଦୁର୍ଭାଗ୍ୟବଶତଃ ଆତ୍ମହତ୍ୟା ଭଳି ଘଟଣା ମଧ୍ୟ ଘଟୁଛି। ଏହି ପରିସ୍ଥିତି ପାଇଁ ଦାୟୀ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ରାଜ୍ୟ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡଙ୍କ ତୁରନ୍ତ ଇସ୍ତଫା ଦାବି କରିଛି କଂଗ୍ରେସ। ଦଳ ସଚେତନ କରିଛି ଯେ ଯଦି ଏହି ଦାବି ଗ୍ରହଣ ନହୁଏ, ତେବେ ଆଗାମୀ ଦିନରେ ସାରା ଦେଶରେ ବ୍ୟାପକ ଆନ୍ଦୋଳନ ଆରମ୍ଭ ହେବ। ସେହିପରି କଂଗ୍ରେସ ନେତା ରାହୁଲ ଗାନ୍ଧୀଙ୍କ କୋଟା ଯାତ୍ରାକୁ ଉଲ୍ଲେଖ କରି କୁହାଯାଇଛି ଯେ ସେ ଛାତ୍ରଛାତ୍ରୀଙ୍କ ସମସ୍ୟା ବୁଝି ଶିକ୍ଷା ବ୍ୟବସ୍ଥାରେ ସଂସ୍କାର ପାଇଁ ସ୍ୱର ଉଠାଇଛନ୍ତି। ଏହି ବାର୍ତ୍ତାକୁ ଲୋକମାନଙ୍କ ପାଖରେ ପହଞ୍ଚାଇବାକୁ ଦଳ ଆହ୍ୱାନ କରିଛି।