Big update on 'Sigma' ;ବାପାଙ୍କ ଷ୍ଟାରଡମ୍‌ରୁ ଅଲଗା ହେବ ‘ସିଗମା’ର ପରିଚୟ, କହିଲେ ଜେସନ

ତାମିଲ ସିନେମାର ସୁପରଷ୍ଟାର ତଥା ତାମିଲନାଡୁର ମୁଖ୍ୟମନ୍ତ୍ରୀ ବିଜୟଙ୍କ ପୁଅ ଜେସନ ସଞ୍ଜୟ ଏବେ ତାଙ୍କ ନିର୍ଦ୍ଦେଶନାରେ ଡେବ୍ୟୁ କରୁଥିବା ଫିଲ୍ମ ‘ସିଗମା’କୁ ନେଇ ଚର୍ଚ୍ଚାରେ ଅଛନ୍ତି। ଫିଲ୍ମ ରିଲିଜ୍ ପୂର୍ବରୁ ମଙ୍ଗଳବାର ସେଲମରେ ଏହାର ପ୍ରି-ରିଲିଜ୍ ଇଭେଣ୍ଟ ଆୟୋଜିତ ହୋଇଥିଲା । ଏହି ଅବସରରେ ଜେସନ ତାଙ୍କ ବାପା ବିଜୟଙ୍କ ସହ ଜଡିତ ଅନେକ ପ୍ରଶ୍ନର ଉତ୍ତର ଦେଇଥିଲେ । ଜେସନ ସ୍ପଷ୍ଟ କରିଛନ୍ତି ଯେ ବିଜୟ ଫିଲ୍ମର ପ୍ରମୋସନରେ ସାମିଲ ହେବେ ନାହିଁ । ଜେସନଙ୍କ କହିବା ଅନୁଯାୟୀ, ସେ ଚାହୁଁଛନ୍ତି ‘ସିଗମା’କୁ ନେଇ ଚର୍ଚ୍ଚା ଫିଲ୍ମର କାହାଣୀ, କଳାକାର ଏବଂ ପୂରା ଟିମ୍‌ର କାମକୁ ନେଇ ହେଉ । କେବଳ ଏହି କାରଣରୁ ନୁହେଁ ଯେ ଫିଲ୍ମଟି ବିଜୟଙ୍କ ପୁଅ ନିର୍ଦ୍ଦେଶନା ଦେଇଛନ୍ତି । ଇଭେଣ୍ଟ ସମୟରେ ଜେସନ ସଞ୍ଜୟ କହିଥିଲେ ଯେ, ତାଙ୍କ ବାପା ଫିଲ୍ମର ରିଲିଜ୍‌କୁ ଅପେକ୍ଷା କରିଛନ୍ତି ଏବଂ ସେ ନିଜେ ମଧ୍ୟ ଫିଲ୍ମ ଦେଖିବାକୁ ନେଇ ବେଶ୍ ଉତ୍ସାହିତ ଅଛନ୍ତି । ତେବେ ବିଜୟ ଫିଲ୍ମର ପ୍ରମୋସନରେ ସାମିଲ ହେବେ ନାହିଁ । ଏହାର କାରଣ ମଧ୍ୟ ଜେସନ କହିଛନ୍ତି । ତାଙ୍କ କହିବା ଅନୁଯାୟୀ, ସେ ଚାହୁଁନାହାନ୍ତି ଯେ ଫିଲ୍ମର ପ୍ରମୋସନ ତାଙ୍କ ବାପାଙ୍କୁ କେନ୍ଦ୍ର କରି ହେଉ । ସେ ଚାହୁଁଛନ୍ତି ଦର୍ଶକ ‘ସିଗମା’କୁ ଏହାର କାହାଣୀ ଏବଂ ପୂରା ଟିମ୍‌ର ପରିଶ୍ରମ ଆଧାରରେ ଜାଣନ୍ତୁ ଓ ଏହା ସହିତ କହିଛନ୍ତି ବିଜୟ ବର୍ତ୍ତମାନ ତାମିଲନାଡୁର ମୁଖ୍ୟମନ୍ତ୍ରୀ ଏବଂ ପୂର୍ବ ଅପେକ୍ଷା ତାଙ୍କ ଦାୟିତ୍ୱ ଅଧିକ ବଢ଼ିଛି । ଏଭଳି ସ୍ଥିତିରେ ତାଙ୍କର ଫିଲ୍ମ ପ୍ରମୋସନରେ ସାମିଲ ହେବା ଜରୁରୀ ନୁହେଁ । ଜେସନଙ୍କ ଅନୁଯାୟୀ, ତାଙ୍କ ବାପା ବର୍ତ୍ତମାନ ସେ ନିର୍ଦ୍ଦେଶକ ଭାବେ କ’ଣ ତିଆରି କରିଛନ୍ତି, ତାହା ଦେଖିବାକୁ ଅପେକ୍ଷା କରିଛନ୍ତି। ବିଜୟ ଫିଲ୍ମଟି ଦେଖିବା ପାଇଁ ବେଶ୍ ଉତ୍ସାହିତ ଥିବା ଜେସନ କହିଛନ୍ତି । ଇଭେଣ୍ଟରେ କୋଣସି ବିଜୟ ଓ ତାଙ୍କ ସମ୍ପର୍କର ଚର୍ଚ୍ଚା ଉପରେ ସାର୍ବଜନୀନ ଭାବେ କୌଣସି ସ୍ପଷ୍ଟ ମତ ଦେଇନାହାନ୍ତି | ଏହା ସହ ଅଭିନେତ୍ରୀ ତ୍ରିଶା କୃଷ୍ଣନଙ୍କ ସହ ବିଜୟଙ୍କ ବନ୍ଧୁତାକୁ ନେଇ ମଧ୍ୟ ଅନେକ ଅଟକଳ ହୋଇଛି, କିନ୍ତୁ ଦୁହେଁ କୌଣସି ରୋମାଣ୍ଟିକ ସମ୍ପର୍କର ପୁଷ୍ଟି କରିନାହାନ୍ତି । ‘ସିଗମା’ର ନିର୍ମାଣ ଲାଇକା ପ୍ରୋଡକ୍ସନ୍ସ ପକ୍ଷରୁ କରାଯାଇଛି। ଫିଲ୍ମରେ ସୁନ୍ଦୀପ କିଶନ ଏବଂ ଫାରିଆ ଅବଦୁଲ୍ଲା ମୁଖ୍ୟ ଭୂମିକାରେ ଅଛନ୍ତି । ଏହା ବ୍ୟତୀତ ସମ୍ପତ ରାଜ, ଶିବ ପଣ୍ଡିତ, ଯୋଗ ଜାପି, ଶୀଲା ରାଜକୁମାର ଏବଂ ରାଜୁ ସୁନ୍ଦରମଙ୍କ ଭଳି କଳାକାର ମଧ୍ୟ ଫିଲ୍ମର ଅଂଶ ଅଛନ୍ତି । ଫିଲ୍ମର ସଙ୍ଗୀତ ଥମନ ଏସ୍ ପ୍ରସ୍ତୁତ କରିଛନ୍ତି । ନିର୍ଦ୍ଦେଶକ ଭାବେ ଜେସନ ସଞ୍ଜୟଙ୍କ ପାଇଁ ‘ସିଗମା’ ଏଥିପାଇଁ ମଧ୍ୟ ଗୁରୁତ୍ୱପୂର୍ଣ୍ଣ, କାରଣ ସେ ତାଙ୍କ ବାପା ବିଜୟଙ୍କ ଷ୍ଟାରଡମ୍‌ଠାରୁ ଅଲଗା ନିଜର ପରିଚୟ ତିଆରି କରିବାକୁ ଚେଷ୍ଟା କରୁଛନ୍ତି । ଫିଲ୍ମଟି ପ୍ରଥମେ ଜୁଲାଇ ୩୧ ତାରିଖରେ ସିନେମା ହଲ୍‌ରେ ରିଲିଜ୍ ହେବାର ଥିଲା । କିନ୍ତୁ ବିଜୟଙ୍କ ଫିଲ୍ମ ‘ଜନ ନାୟଗନ’ର ରିଲିଜ୍‌କୁ ଦୃଷ୍ଟିରେ ରଖି ‘ସିଗମା’ର ରିଲିଜ୍ ତାରିଖରେ ପରିବର୍ତ୍ତନ କରାଯାଇଥିଲା । ଏବେ ‘ସିଗମା’ ଅକ୍ଟୋବର ୨ ତାରିଖରେ ସିନେମା ହଲ୍‌ରେ ରିଲିଜ୍ ହେବାକୁ ପ୍ରସ୍ତୁତ ଅଛି ।