ଅଯୋଧ୍ୟା ରାମ ମନ୍ଦିର ଦାନ ଅର୍ଥ ଚୋରି ଅଭିଯୋଗ, ପ୍ରାଥମିକ ରିପୋର୍ଟ ଦାଖଲ କଲା SIT

ଅଯୋଧ୍ୟା: ଅଯୋଧ୍ୟା ରାମ ମନ୍ଦିରକୁ ଭକ୍ତମାନଙ୍କ ଦ୍ୱାରା ମିଳୁଥିବା ଦାନ ଆତ୍ମସାତ ଅଭିଯୋଗ । ତଦନ୍ତରେ ଲାଗିଥିବା ସ୍ୱତନ୍ତ୍ର ତଦନ୍ତ ଦଳ (SIT) ମଙ୍ଗଳବାର ଉତ୍ତର ପ୍ରଦେଶ ସରକାରଙ୍କୁ ନିଜର ପ୍ରାଥମିକ ରିପୋର୍ଟ ହସ୍ତାନ୍ତର କରିଛି। ଅଯୋଧ୍ୟାରେ ୭ ଦିନ ଧରି ତଦନ୍ତ କରିବା ପରେ ଏହି ରିପୋର୍ଟ ପ୍ରସ୍ତୁତ କରାଯାଇଛି। ଡିଭିଜନାଲ୍ କମିଶନର ବିଜୟ ବିଶ୍ୱାସ ପନ୍ତ ସୂଚନା ଦେଇଛନ୍ତି ଯେ SIT ନିଜର ପ୍ରାଥମିକ ରିପୋର୍ଟଟି ଅତିରିକ୍ତ ମୁଖ୍ୟ ଶାସନ ସଚିବ (ଗୃହ ବିଭାଗ) ସଞ୍ଜୟ ପ୍ରସାଦଙ୍କୁ ପ୍ରଦାନ କରାଯାଇଛି। ତେବେ ରିପୋର୍ଟରେ କଣ ରହିଛି, ସେ ସମ୍ପର୍କରେ କୌଣସି ସୂଚନା ଦେବାକୁ ସେ ମନା କରିଛନ୍ତି। ମନ୍ଦିର ପରିଚାଳନା ଦାୟିତ୍ୱରେ ଥିବା 'ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ'ର ଅନୁରୋଧ କ୍ରମେ ଗତ ଜୁନ୍ ୧୩ ତାରିଖରେ ଏହି ୩ ଜଣିଆ SIT ଗଠନ କରାଯାଇଥିଲା। ଏହି ଟିମ୍‌ରେ ବିଜୟ ବିଶ୍ୱାସ ପନ୍ତ, ପୋଲିସ ଆଇଜି କିରଣ ଏସ୍. ଏବଂ ସ୍ୱତନ୍ତ୍ର ସଚିବ (ଅର୍ଥ) ନୀଲ୍ ରତନ ସାମିଲ ଅଛନ୍ତି। ସେମାନେ ଜୁନ୍ ୧୫ ରୁ ଜୁନ୍ ୨୨ ପର୍ଯ୍ୟନ୍ତ ଅଯୋଧ୍ୟାରେ ରହି ଛାନଭିନ୍ କରିଥିଲେ। ଏହି ଅଭିଯୋଗ ମନ୍ଦିରର ଜଣେ କର୍ମଚାରୀ ଲଭ କୁଶ ମିଶ୍ରାଙ୍କ ଘରୁ ୧୦ ଲକ୍ଷ ଟଙ୍କା ଜବତ ହେବା ପରେ ଆରମ୍ଭ ହୋଇଥିଲା,ଯାହା ପରେ ପାଣ୍ଠି ହେରଫେରର ଅଭିଯୋଗ ଉଠିଥିଲା। ଅଧିକାରୀମାନଙ୍କ କହିବା ଅନୁସାରେ, ମନ୍ଦିର ପରିସରରେ ଲାଗିଥିବା CCTV ଫୁଟେଜ ମାତ୍ର ୪୫ ଦିନ ପର୍ଯ୍ୟନ୍ତ ହିଁ ସଂରକ୍ଷିତ ହୋଇଥାଏ। ଯାହା ତଦନ୍ତରେ ବାଧା ସୃଷ୍ଟି କରିଛି । ଏହି ଡିଜିଟାଲ୍ ପ୍ରମାଣର ଅଭାବ ଯୋଗୁଁ SIT କୁ ଅନେକ ସମସ୍ୟାର ସାମ୍ନା କରିବାକୁ ପଡ଼ିଛି। ତେଣୁ ତଦନ୍ତକାରୀ ଦଳ ମୁଖ୍ୟତଃ ସାକ୍ଷୀ, ସନ୍ଦିଗ୍ଧ ଏବଂ ମନ୍ଦିର ପ୍ରଶାସନ ସହ ଜଡ଼ିତ ଅଧିକାରୀଙ୍କ ବୟାନ ଉପରେ ନିର୍ଭର କରିଛନ୍ତି। ତଦନ୍ତକାରୀ ଦଳ ମନ୍ଦିରକୁ ମିଳୁଥିବା ଦାନର ପ୍ରତି ସପ୍ତାହରେ ଅଡିଟ୍ କରିବା ବାଧ୍ୟତାମୂଳକ କରିବା ପାଇଁ ସୁପାରିଶ କରିପାରନ୍ତି। ଏହାସହ ପ୍ରତିଦିନର ନଗଦ ଅର୍ଥର ହିସାବ ରଖିବା ଏବଂ CCTV ଫୁଟେଜ୍ ସଂରକ୍ଷଣ ଅବଧିକୁ ୪୫ ଦିନରୁ ୧୮୦ ଦିନକୁ ବୃଦ୍ଧି କରିବା ପାଇଁ SIT ପ୍ରସ୍ତାବ ଦେଇପାରେ ବୋଲି ଜଣାପଡ଼ିଛି। ଏହି ପ୍ରସଙ୍ଗକୁ ନେଇ ବିରୋଧୀ ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ ଗତ ଜୁନ୍ ୭ ତାରିଖରେ ଉଦ୍‌ବେଗ ପ୍ରକାଶ କରିଥିଲେ। କୋଟି କୋଟି ଟଙ୍କାର ଦାନରେ ହେରଫେର ଅଭିଯୋଗକୁ ସେ ଟ୍ରଷ୍ଟ ପାଇଁ ଅତ୍ୟନ୍ତ ଲଜ୍ଜାଜନକ ବୋଲି କହିଥିଲେ। ଅନ୍ୟପଟେ, ଟ୍ରଷ୍ଟର