Asian Champoins Hockey:୮-୧ରେ ଦକ୍ଷିଣ କୋରିଆକୁ ହରାଇ ଫାଇନାଲରେ ଭାରତ
ବଡ଼ ଜିତ୍ ସହ ଫାଇନାଲରେ ଏଣ୍ଟ୍ରି କଲା ଭାରତୀୟ ପୁରୁଷ ହକି ଟିମ୍। ଦକ୍ଷିଣ କୋରିଆକୁ ୮-୧ରେ ହରାଇ ଏସିଆନ ହକି ଚାମ୍ପିଅନସିପ ଟ୍ରଫିର ଫାଇନାଲରେ ପ୍ରବେଶ କଲା ଟିମ୍।ଭାରତ ଫାଇନାଲରେ ଜାପାନକୁ ଭେଟିବ। ଆଜି ସଂଧ୍ୟା ୭ଟାରେ ମୋହାଲିରେ ଭାରତ ଓ ଜାପାନ ମୁହାଁମୁହିଁ ହେବେ।
ବଡ଼ ଜିତ୍ ସହ ଫାଇନାଲରେ ଏଣ୍ଟ୍ରି କଲା ଭାରତୀୟ ପୁରୁଷ ହକି ଟିମ୍। ଦକ୍ଷିଣ କୋରିଆକୁ ୮-୧ରେ ହରାଇ ଏସିଆନ ହକି ଚାମ୍ପିଅନସିପ ଟ୍ରଫିର ଫାଇନାଲରେ ପ୍ରବେଶ କଲା ଟିମ୍। ଏ ମୁକାବିଲା ମୋହାଲିର ଅଲମ୍ପିଆନ ବଲବୀର ସିଂ ସିନିୟର ଇଣ୍ଟରନାସନାଲ ହକି ଷ୍ଟାଡିୟମରେ ଖେଳାଯାଇଥିଲା। ଦକ୍ଷିଣ କୋରିଆକୁ ବଡ଼ ବ୍ୟବଧାନରେ ହରାଇବା ସହ ରେକର୍ଡ ସପ୍ତମ ଥର ଏହି ଟୁର୍ଣ୍ଣାମେଣ୍ଟ ଫାଇନାଲରେ ପ୍ରବେଶ କରିଛି ଟିମ୍ ଇଣ୍ଡିଆ। ଏହା ପୂର୍ବରୁ ଲିଗ୍ ପର୍ଯ୍ୟାୟରେ ବି ଭାରତ କୋରିଆକୁ ୮-୦ରେ ହରାଇଥିଲା। ଜାପାନ ସହ ଭାରତୀୟ ପୁରୁଷ ଟିମ୍ ଖେଳିବ ଫାଇନାଲ। ଜାପାନ ଦ୍ୱିତୀୟ ସେମିଫାଇନାଲ ମ୍ୟାଚରେ ମାଲୟେସିଆକୁ ପେନାଲଟି ସୁଟଆଉଟରେ ୫-୩ରେ ହରାଇ ଫାଇନାଲରେ ପ୍ରବେଶ କରିଛି। ଭାରତ ସବୁଠୁ ଅଧିକ ୫ଥର ଏସିଆନ ଚାମ୍ପିଅନ୍ସ ଟ୍ରଫି ଜିତିଛି। ଆଉ ଏବେ ଷଷ୍ଠ ଥର ଚାମ୍ପିଅନ ହେବାକୁ ଜାପାନ ସହ ସାମ୍ନା କରିବ। ଏସିଆନ ଚାମ୍ପିଅନ୍ସ ଟିମର ଆୟୋଜକ ଭାରତୀୟ ହକି ଟିମର ଜଲଓ୍ୱା ଜାରି ରହିଛି। ଏସିଆନ ଗେମ୍ସର ଗୋଲ୍ଡ ମେଡାଲିଷ୍ଟ ଭାରତୀୟ ଟିମ୍ ନକଆଉଟ ମ୍ୟାଚରେ ବି ଦମଦାର ପ୍ରଦର୍ଶନ କରିଥିଲା। ଏହି ମ୍ୟାଚ୍ ଜାପାନର ତୃତୀୟ ଫାଇନାଲ ମ୍ୟାଚ୍ ହେବ। ଆଉ ନିଜ ଦେଶ ଲାଗି ଟ୍ରଫି ଜିତିଲେ ଏହା ପ୍ରଥମ ଚାମ୍ପିଅନ ସାଜିବ। ସେମିତିରେ ଭାରତ ସହ ଜାପାନର ଏହା ପ୍ରଥମ ଟକ୍କର। ଟିମ୍ ଇଣ୍ଡିଆ ପୂର୍ବରୁ ଦୁଇଟି ଯାକ ଏଡିସନ ଜିତିଛି। ଆଉ ଏବେ ହାଟ୍ରିକ ମାରିବାର ମଉକା ହାତରେ ଅଛି। ଭାରତ ପକ୍ଷରୁ କିଏ କେତେ ସମୟରେ କେତେ ଗୋଲ୍ କରିଛି ଟିକେ ନଜର ପକାଇଦିଅନ୍ତୁ।
ଶିଳାନନ୍ଦ ଲାକ୍ରା
୪', ୧୩'
ହରମନପ୍ରୀତ ସିଂହ
୯'
ସୁଖଜିତ ସିଂହ
୨୧'
ଦିଲପ୍ରୀତ ସିଂହ
୨୧', ୨୫'
ଅଙ୍ଗଦ ବୀର ସିଂହ
୩୬'
ବିବେକ ସାଗର ପ୍ରସାଦ
୫୪'
ଦକ୍ଷିଣ କୋରିଆ ପକ୍ଷରୁ ହାନ୍ ସାଙ୍ଗଜୁନ୍ ନବମ ମିନିଟ୍ରେ ଗୋଟିଏ ଗୋଲ୍ କରିଥିଲେ।
ମ୍ୟାଚ୍ରେ କିପରି ଥିଲା ଭାରତର ପ୍ରଦର୍ଶନ?
ପ୍ରଥମ କ୍ୱାର୍ଟର: ମ୍ୟାଚ୍ ଆରମ୍ଭରୁ ଭାରତ ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲା। ଚତୁର୍ଥ ମିନିଟ୍ରେ ଶିଳାନନ୍ଦ ଲାକ୍ରା ପ୍ରଥମ ଗୋଲ୍ କରିଥିଲେ। ନବମ ମିନିଟ୍ରେ ଅଧିନାୟକ ହରମନପ୍ରୀତ ସିଂହ ପେନାଲ୍ଟି କର୍ଣ୍ଣରରୁ ଗୋଲ୍ କରିଥିଲେ। ଏହାପରେ ଲାକ୍ରା ନିଜର ଦ୍ୱିତୀୟ ଗୋଲ୍ କରି ଭାରତକୁ ଆଗୁଆ କରିଥିଲେ। କୋରିଆ ମଧ୍ୟ ଗୋଟିଏ ଗୋଲ୍ ଦେଇଥିଲା।
ଦ୍ୱିତୀୟ କ୍ୱାର୍ଟର: ଦ୍ୱିତୀୟ କ୍ୱାର୍ଟରରେ ଭାରତର ଆକ୍ରମଣ ଆହୁରି ତୀବ୍ର ହୋଇଥିଲା। ସୁଖଜିତ ସିଂହ ଏବଂ ଦିଲପ୍ରୀତ ସିଂହ ଗୋଲ୍ କରିଥିଲେ। ଦିଲପ୍ରୀତ ନିଜର ଦ୍ୱିତୀୟ ଗୋଲ୍ ମଧ୍ୟ କରିଥିଲେ। ଫଳରେ ପ୍ରଥମାର୍ଦ୍ଧ ଶେଷ ସୁଦ୍ଧା ଭାରତ ୬-୧ରେ ଆଗୁଆ ରହିଥିଲା।
ତୃତୀୟ କ୍ୱାର୍ଟର: ୩୬ତମ ମିନିଟ୍ରେ ଅଙ୍ଗଦ ବୀର ସିଂହ ଭାରତ ପାଇଁ ସପ୍ତମ ଗୋଲ୍ କରିଥିଲେ।
ଚତୁର୍ଥ କ୍ୱାର୍ଟର: ମ୍ୟାଚ୍ର ୫୪ତମ ମିନିଟ୍ରେ ବିବେକ ସାଗର ପ୍ରସାଦ ଚମତ୍କାର ଗୋଲ୍ କରି ଭାରତର ସ୍କୋର୍ ୮-୧ କରିଥିଲେ। ଶେଷ ପର୍ଯ୍ୟନ୍ତ କୋରିଆ ଆଉ କୌଣସି ଗୋଲ୍ କରିପାରି ନଥିଲା।
ଦିଲପ୍ରୀତ ସିଂହ ହେଲେ ପ୍ଲେୟାର ଅଫ୍ ଦି ମ୍ୟାଚ୍
ଏହି ମ୍ୟାଚ୍ରେ ଦିଲପ୍ରୀତ ସିଂହ ଦୁଇଟି ଗୋଲ୍ କରି ଭାରତର ବିଜୟରେ ବଡ଼ ଯୋଗଦାନ ଦେଇଥିଲେ। ତାଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ଭାବେ ଚୟନ କରାଯାଇଥିଲା। ସେ କହିଥିଲେ ଯେ ଦଳର ସମସ୍ତ ଖେଳାଳି ନିଜ ନିଜ ଦାୟିତ୍ୱ ଠିକ୍ ଭାବେ ତୁଲାଇଥିବାରୁ ଏତେ ବଡ଼ ବିଜୟ ସମ୍ଭବ ହୋଇଛି। ପଞ୍ଜାବରେ ପରିବାର ଓ ଦର୍ଶକଙ୍କ ସାମ୍ନାରେ ଦେଶ ପାଇଁ ଖେଳିବା ତାଙ୍କ ପାଇଁ ବିଶେଷ ଅନୁଭୂତି ବୋଲି ସେ କହିଥିଲେ।
ଟୁର୍ଣ୍ଣାମେଣ୍ଟରେ ଭାରତର ରେକର୍ଡ
ଭାରତ ଲିଗ୍ ପର୍ଯ୍ୟାୟରେ ଖେଳିଥିବା ସମସ୍ତ ୫ଟି ମ୍ୟାଚ୍ ଜିତି ୧୫ ପଏଣ୍ଟ ସହ ଟେବୁଲ୍ର ଶୀର୍ଷରେ ରହିଥିଲା।
ମୋଟ ମ୍ୟାଚ୍: ୫
ବିଜୟ: ୫
ପରାଜୟ: ୦
ପଏଣ୍ଟ: ୧୫
ଗୋଲ୍ ଡିଫରେନ୍ସ: +୨୯
ଭାରତ ଲିଗ୍ ପର୍ଯ୍ୟାୟରେ ବାଂଲାଦେଶକୁ ୧୩-୦, ଚୀନକୁ ୫-୨, ଜାପାନକୁ ୪-୧, ମାଲେସିଆକୁ ୪-୨ ଏବଂ ଦକ୍ଷିଣ କୋରିଆକୁ ୮-୦ରେ ପରାସ୍ତ କରିଥିଲା।
ଫାଇନାଲରେ ଜାପାନ ସହ ଭାରତର ମୁକାବିଲା
ଭାରତ ଫାଇନାଲରେ ଜାପାନକୁ ଭେଟିବ। ଅନ୍ୟ ସେମିଫାଇନାଲରେ ଜାପାନ ମାଲେସିଆକୁ ନିର୍ଦ୍ଧାରିତ ସମୟରେ ୦-୦ରେ ରୋକିବା ପରେ ସୁଟ୍ଆଉଟ୍ରେ ୫-୩ରେ ପରାସ୍ତ କରି ଫାଇନାଲରେ ପହଞ୍ଚିଛି। ଆଜି ସଂଧ୍ୟା ୭ଟାରେ ମୋହାଲିରେ ଭାରତ ଓ ଜାପାନ ମୁହାଁମୁହିଁ ହେବେ।
ଏହି ଟ୍ରଫି ଭାରତ ପାଇଁ କାହିଁକି ଗୁରୁତ୍ୱପୂର୍ଣ୍ଣ?
ଭାରତ ଏସିଆନ୍ ଚାମ୍ପିଅନ୍ସ ଟ୍ରଫିରେ ଏପର୍ଯ୍ୟନ୍ତ ୫ ଥର ଚାମ୍ପିଅନ୍ ହୋଇଛି।
୨୦୧୧
୨୦୧୬
୨୦୧୮ (ପାକିସ୍ତାନ ସହ ଯୁଗ୍ମ ବିଜେତା)
୨୦୨୩
୨୦୨୪
ଏଥର ଜାପାନକୁ ହରାଇଲେ ଭାରତ ଷଷ୍ଠ ଥର ପାଇଁ ଏହି ଟ୍ରଫି ଜିତିବ।