ଆଇନଜୀବୀ କଲ୍ୟାଣ ରାଶି ୪୦ ପ୍ରତିଶତ ବୃଦ୍ଧି, ଅବସର ଓ ଦେହାନ୍ତ କ୍ଷେତ୍ରରେ ନୂତନ ସହାୟତା ଘୋଷଣା

 ଭୁବନେଶ୍ୱର: ରାଜ୍ୟର ଆଇନଜୀବୀମାନଙ୍କ ପାଇଁ ଏକ ବଡ଼ ଖବର। ଆଇନଜୀବୀଙ୍କ ସହାୟତା ରାଶି ବୃଦ୍ଧି ।  ରାଜ୍ୟ ସରକାର ଆଇନଜୀବୀ କଲ୍ୟାଣ ପାଣ୍ଠିରୁ ଦିଆଯାଉଥିବା ସହାୟତା ରାଶିକୁ ୪୦ ପ୍ରତିଶତ ବୃଦ୍ଧି କଲେ ରାଜ୍ୟ ସରକାର । ରାଜ୍ୟରେ କାର୍ଯ୍ୟରତ ଆଇନଜୀବୀ ମାନଙ୍କ ସହାୟତା ପାଇଁ ଥିବା ରାଜ୍ୟ କଲ୍ୟାଣ ପାଣ୍ଠିରୁ ଆଇନଜୀବୀ ମାନଙ୍କୁ ଅବସର କିମ୍ବା ଦେହାନ୍ତ କ୍ଷେତ୍ରରେ ତାଙ୍କ ପରିବାରକୁ ସହାୟତା ପ୍ରଦାନ କରାଯାଉଛି । ଏହାଦ୍ବାରା ରାଜ୍ୟର ବିଭିନ୍ନ କୋର୍ଟରେ କାର୍ଯ୍ୟରତ ହଜାର ହଜାର ଆଇନଜୀବୀ ମାନେ ଉପକୃତ ହୋଇପାରିବେ । ଏହି ପାଣ୍ଠି ମାଧ୍ୟମରେ ରାଜ୍ୟର ବିଭିନ୍ନ କୋର୍ଟରେ କାର୍ଯ୍ୟରତ ହଜାର ହଜାର ଆଇନଜୀବୀ ଉପକୃତ ହେବେ। ସୂଚନା ଅନୁଯାୟୀ, ଶେଷଥର ୨୦୨୧ ମସିହାରେ ଏହି ସହାୟତା ରାଶିର ସଂଶୋଧନ ହୋଇଥିଲା। ଏହି ସହାୟତା ରାଶି ବୃଦ୍ଧିଦ୍ବାରା ନୂତନ ବ୍ୟବସ୍ଥା ଅନୁସାରେ ୫ ବର୍ଷ ବା ତାହାଠାରୁ କମ୍ ସମୟ ପାଇଁ କାର୍ଯ୍ୟରତ ଆଇନଜୀବୀଙ୍କ ମୃତ୍ୟୁ ହେଲେ  ତାଙ୍କ ପରିବାରକୁ ଏକ ଲକ୍ଷ ୫ ହଜାର ଟଙ୍କା ସହାୟତା ମିଳିବ। ଏହାପରେ ପ୍ରତ୍ୟେକ ଅଧିକ ବର୍ଷର ଅଭିଜ୍ଞତା ବୃଦ୍ଧି ସହିତ ସହାୟତା ରାଶି ମଧ୍ୟ ବଢ଼ିବ।  ଅବସର ଓ ଦେହାନ୍ତ କ୍ଷେତ୍ରରେ ଏହି ସହାୟତା ମିଳିବ ।  ୩୦ ବର୍ଷ ଅଭିଜ୍ଞତା ଥିବା ଆଇନଜୀବୀଙ୍କ କ୍ଷେତ୍ରରେ ଅବସର କିମ୍ବା ଦେହାନ୍ତ ହେଲେ ତାଙ୍କ ପରିବାରର ନିକଟତମ ଆତ୍ମୀୟଙ୍କୁ ୬ଲକ୍ଷ ୩୦ ହଜାର ଟଙ୍କା ସହାୟତା ପ୍ରଦାନ କରାଯିବ । ସରକାର କହିଛନ୍ତି ଯେ ଏହି ପଦକ୍ଷେପ ଆଇନଜୀବୀ ସମୁଦାୟର ସାମାଜିକ ସୁରକ୍ଷାକୁ ଆହୁରି ଶକ୍ତିଶାଳୀ କରିବ ଏବଂ ରାଜ୍ୟର ବିଭିନ୍ନ ଅଦାଳତରେ କାର୍ଯ୍ୟରତ ଆଇନଜୀବୀମାନେ ଏଥିରୁ ସିଧାସଳଖ ଲାଭ ପାଇବେ।