ଇଣ୍ଡିଆ ମେଣ୍ଟର ୪ ଦଫା ଦାବିକୁ ନେଇ ୧୨ ଘଣ୍ଟିଆ ଓଡ଼ିଶା ବନ୍ଦରେ ଅନେକ ଜିଲ୍ଲାରେ ତୀବ୍ର ପ୍ରଭାବ। ରାସ୍ତାରୋକ, ପିକେଟିଂ ଓ ବିକ୍ଷୋଭ ଯୋଗୁଁ ବସ୍ ଚଳାଚଳ ବାଧାପ୍ରାପ୍ତ ହେବା ସହ ଅନେକ ସ୍ଥାନରେ ଦୋକାନବଜାର ବନ୍ଦ। ବନ୍ଦର ପ୍ରଭାବରେ ବିଭିନ୍ନ ସ୍ଥାନରେ ସାଧାରଣ ଜୀବନଯାତ୍ରା ବ୍ୟାହତ।
କଂଗ୍ରେସ ଓ INDIA ବ୍ଲକ୍ର ଆହ୍ୱାନରେ ଓଡ଼ିଶା ବନ୍ଦ ପାଳିତ ହୋଇଛି। MMDR Amendment Act, 2026 ପ୍ରତ୍ୟାହାର ସହ ୪ ଦଫା ଦାବି ନେଇ ଭୁବନେଶ୍ୱର ଓ କଟକର ବିଭିନ୍ନ ସ୍ଥାନରେ କର୍ମୀମାନେ ପିକେଟିଂ ଓ ବିକ୍ଷୋଭ କରିଛନ୍ତି। କିଛି ସ୍ଥାନରେ ଯାତାୟାତ ପ୍ରଭାବିତ ହୋଇଥିବା ବେଳେ, ଆଇନଶୃଙ୍ଖଳା ରକ୍ଷା ପାଇଁ ପୁଲିସର କଡ଼ା ସୁରକ୍ଷା ବ୍ୟବସ୍ଥା ରହିଛି।
