ଟଲିଉଡ୍ ସୁପରଷ୍ଟାର୍ ଆଲୁ ଅର୍ଜୁନଙ୍କ ସାନଭାଇ ତଥା ଜଣାଶୁଣା ଅଭିନେତା ଆଲୁ ଶିରିଶ ନିଜ ଆପାର୍ଟମେଣ୍ଟ ପାଖ ଅଞ୍ଚଳରେ ବିଳମ୍ବିତ ରାତି ପର୍ଯ୍ୟନ୍ତ ବାଜୁଥିବା ହାଇ-ଡେସିବେଲ ମ୍ୟୁଜିକ୍କୁ ନେଇ ଗଭୀର ଅସନ୍ତୋଷ ପ୍ରକାଶ କରିଛନ୍ତି। ହାଇଦ୍ରାବାଦର ଶେଖପେଟ୍ ସ୍ଥିତ ଏକ ମନ୍ଦିରରୁ ରାତି ୨ରୁ ୩ଟା ପର୍ଯ୍ୟନ୍ତ ଅନୁମତିପ୍ରାପ୍ତ ଡେସିବେଲ୍ ସୀମା ବାହାରେ ମାଇକ୍ ବାଜୁଥିବାରୁ ସାଧାରଣ ଲୋକେ ହଇରାଣ ହେଉଥିବା ସେ ଅଭିଯୋଗ କରିଛନ୍ତି। ସୋସିଆଲ ମିଡିଆ ପ୍ଲାଟଫର୍ମରେ ଭିଡିଓ ସେୟାର କରି ସେ ପୋଲିସର ହସ୍ତକ୍ଷେପ ଲୋଡ଼ିବା ପରେ ପ୍ରଶାସନ ତୁରନ୍ତ ଆକ୍ସନ ନେଇଛି। |
