ପ୍ରିୟ ଖେଳାଳିଙ୍କୁ ଥରେ ଦେଖିବା ଓ ତାଙ୍କ ସହ କିଛି ସମୟ ବିତାଇବା ପାଇଁ ଜଣେ ପ୍ରଶଂସକ କେତେ ଦୂର ଯାଇପାରନ୍ତି? ଏହାର ଏକ ଉଦାହରଣ ପାଲଟିଛନ୍ତି ହାର୍ଦ୍ଦିକ ପାଣ୍ଡ୍ୟାଙ୍କ ପ୍ରଶଂସକ ରବି କୁମାର ରାୱତ। ନିଜ ପ୍ରିୟ କ୍ରିକେଟରଙ୍କୁ ଭେଟିବା ପାଇଁ ସେ ପ୍ରାୟ ୨,୪୦୦ କିଲୋମିଟର ପାଦରେ ଚାଲିଥିବା ଖବର ଏବେ ଚର୍ଚ୍ଚାର ବିଷୟ ପାଲଟିଛି। ତାଙ୍କୁ ଭେଟିବା ପାଇଁ ଲକ୍ଷ୍ନୌରୁ ବାହାରିଥିବା ରବି କୁମାର ରାୱତଙ୍କ ଭଲପାଇବା ଦେଖି ଷ୍ଟାର୍ ଅଲ୍ରାଉଣ୍ଡର ମଧ୍ୟ ତାଙ୍କୁ ନିରାଶ କରିନାହାନ୍ତି।
